الله الله الله على الكلام الحلوو
وبصراحه قطر واهلها يستاهلون كل خير

امبارك
الله الله من عيونا ومن كل قلبنى ولي تامر به
هاذا تقرير عن موسوعه قطر وكل الي فيخاطرك من كلشي بتحصله فيهاذا التقرير
لخونا الكبير رجل شرقي
https://artravelers.com/p/re/111385
ولي تامر به احنا حاضريلك الغالي
, , , ,

بعد عمري
مشكور على الكلام الحلو واتنور الدوحه بوجودك
بس ممكن اتوضح لنا بعظ الا شياء علشان انساعدك يعني مثل
هل زرت الدوحه من قبل شنو اتعرف عنها كم ميزانيتك بسكن لليلة الوحده هل في فندق في بالك او شقق
هل بتجي بيارة وسياره كم عددكم وهل في اطفال في اماكن معينه في خاطرك اتزورها
يعني بعظ هلشياء علشان نقدر انوافيك بكل صغيره وكبيره عن الدوحه
من غير القسم تحت امرك خذلك لفة وتقر تستمتع واي استفسار احنا بلخدمة
تحياتي

soud321
لا هنتو بعد يا أهل الكويت.. كلنا حبايب وأخوان.. هذا ابن عم وهذا ابن خال وهذا صديق ما ندور بديله

qatar3333
تسلم يالطيب.. مجربين مامنكم قصور.. وعلى التقرير ترك مشكور.. وافي وبالحيل كافي

حلو ومدلع
منورة الديرة بأهلها.. وهذا من طيبكم..
وجزاك الله خير.. على إنك ذكرتني اعطيك بعض المعلومات..
العدد ستة أشخاص.. عائلة محافظة.. تفضل الشقق المفروشة (3 غرف) اللي بمستوى خدمات فندقية راقية.. علشان الحجية اللي يخليها دايم تاخذ شنطة فيها غيار للسراير.. مو مقتنعة لو تسكن بالشيرتون..
ونحب في رحلاتنا.. الراحة والمشي (شايف التناقض).. والأكل الزين (خصوصا الشعبي).. والمكان الونس (خصوصا وقت العصاري مع استكانات الشاي المخدر).. والأسواق الشعبية.. ومدن الملاهي الغريبة.. والدوجة بالسيارة.. ومحلات الدراريع النسائية (للحجية).. والكتب (للحجي)..
الميزانية بحدود.. السكن 1000 ريال بالليلة.. الأكل والترفيه بحدود 500 ريال باليوم..
ولك التحية والشكر والتقدير

ياهلا اخوي امبارك
أولاً أسمح لي اعبر عن روعة المقدمة
والله يحيك اليوم ودوم
ويحفظ لك " الحجية " و " الحجي "
ثانياً تو مانورت الدوحة والله
وبالنسبة للسكن .. أشوف السعر اللي محددة يعتبر جيد والحمد لله
وأسمح لي بأن أرشح لك شقق فندقية " لي بارك "
بس الشقة الواحدة بها غرفة وصالة
والسعر 450 ريال الليلة الواحدة
يعني تقدر تاخذ غرفتين .. الفندق نظيف ومحافظ
بمنطقة السد بجانب فندق ريجنسي ( موقع استراتيجي )
وتقدر تحجز عن طريق موقع فندق كوم
http://www.fendeq.com/results_new.php?city_id=-785169&arrival_date=2009-04-19&departure_date=2009-04-20&type=0&order=class_desc
بالنسبة للتمشية تقدر تنسق الزيارات بحيث تجعل في كل يوم مجال
تقدر تخصص زيارة للمتحف الاسلامي ( عجيب ) وغيرها المجمعات التجارية المعروفة
الستي سنتر & لاند مارك & فيلاجيو & رويال بلازا & حياة بلازا
وعندك أيضاً بالخليج الغربي " لؤلؤة قطر " تروح هناك حزة عصير
وتاخذ لك جولة فيها
وأيضاً الجلوس بأحدى المقاهي بسوق واقف جميل جداً
وراح تحصل اللي تبيه بالسوق للحجية والحجي الله يحفظهم
كما أن هناك مكان رائع جداً للتمشية
وهو حدائق أسباير الرياضي ( خلف مجمع فيلاجيو )
المكان بيعجبكم أن شاء الله ؛ ويفضل الزيارة قبل المغرب بساعة
لمشاهدة المكان بالنهار والليل
وبالنسبة للمطاعم ماشاء الله تبارك الله
ماراح تجوعون
خصوصاً بشارع السد بالقرب من الفندق اللي رشحته لكم
المطاعم هناك أشكال وأصناف
وبالنسبة للأكلات الشعبية .. جرب اللي في سوق واقف ..راح يعجبك ان شاء الله
هذا ماتحضرني الذاكرة حالياً
والأخوان ماراح يقصرون أن شاء الله
وأي أستفسار .. لايردك الا الكيبورد
ومرة أخرى تشرفونا بالزيارة
فالكم طيب

1. تقدر اتزورون متحف الفن الاسلامي وهو من احلى المتحاف في العالم

امبارك
مرحبا اخوي مبارك ومشكور على التوضيح
بنسبة لشقق انا ارشح لك السراج ان لشقق المفروشة وهي حلوة ونظيفه واسعارهم معقولة اتروح بين ال400 الين 600 بس ماتوقع عندهم 3 غرف الي اعرفه عندهم غرفه او ثنتين
وفي شقق شفتها بس ماسكنتها وهي السد سويت بعد شقق حلوة واسعارهم جيده اتمنى حد يفيدنا عنها
والله يخليلك العائلة ويخليلك الحجية
وبنسبة للاماكن مثل ماذكر اخوي الرايق عندك المجمعات التجارية مثل (الستي سنتر & المول & الاند مارك& الرويال بلازا & فيلاجيو وتقدر اتزوره هو والحياة بلازا وحديقة اسباير بحكم انهم ي مكان وحد وجنب بعظ
عندك اللولوة قر وهي الجزيرة الاسطناعية تقدر اتزورها وتاخذ لفه فيها وتتقهون اهناك بلكوفي شوبات

تقدر اتزورون متحف الفن الاسلامي وهو من احلى المتحاف في العالم

واكيد لاتنسى زيارة سوق واقف وهو سوق شعبي على الطراز الحديث بتحصل فيها الماعم والمحلات والقهاوي وكل شي بيعجبك هناك
وبنسبة للاسواق علشان الحجية فعندك سوق واقف وعندك سوق اسمها سوق الاحمد وسوق الجبر وسوق فالح وهو مثل المجمعات والمحلات الي اتكون اغلبها نسائية ومتخصصه بلعبايات والاقماش وللامانه المجمعات هاي مجمعات قديمة اشوي وعندك مجمع الديرة ومجمع العسيري وهم متخصصين في القماش النسائي ومثل موصيكم اذا بتتسوقون لاتنسون اتكاسرونهم اذا المتر 50 ريال قولوله 25 ريال لان معظمهم يبالغون بسعر بس بشكل عام تعد الدوحه اسعارها اغلى من السعودية ودبي :112: وهي يخلينا انتسوق من السعودية ودبي وانا اتكلم عن القماش وكلهم في منطقة وحده الي هي حوالين سوق واقف
بنسبة للملاهي فللاسف احنا ماعندنا مدينة ملاهي ماكان في الا ملاهي علاء الدين ولاكن اكلها الزمن وتدهورت حالتها وماعاد بقى فيها العاب
وتقدر تتمشى على كورنيش الدوحه وادوحه تحت امرك تمشى فيها وغير جو انت والاسرة الكريمه
ولاكن اغلب المولات فيها مدينة العاب وسينمات وماعم يعني تقدر اتغير جوو فيها
واتمنى اني ساعدتك واي سؤال اساله واحنا تحت امرك
اتمنى لك زيارة حلوة وان شاءالله تستانس بدوحه
وانا اخوي لو بدوحه كان سعيت لك ودورت لك على السكن الي ترتاح فيه واهم شي الي ترتاح فيه احجية بس للاسف انا برا ولا كن اعيوني لك بس الاخوان اكيد اكيد مابقصرون
وانا اسف على الاطاله
تحياتي

الراايق
ماشاء الله.. رايق في ردك وفي ذوقك.. ماقصرت كفيت ووفيت..
تفاعلكم الطيب مع الموضوع.. هو بحد ذاته فال طيب إن شاء الله..
تحياتي وشكري وتقديري