الله يهديكم معقولة محد رد الى الحين ليش وين راحوا اصحاب الخبرة

شانيل2008
مساء الخير...................وأعصابك علينا شوي !!!!!!!!!!!!
أنا باتكلم عن المسافات، لأن ممكن طول المسافة يضيع عليك يوم كامل مابين توقفات مملة ومابين تغيير قطارات.
فيننا-سالزبورغ: 3ساعات و25دقيقة.
سالزبورغ-زيلامسي: 1ساعة و45دقيقة.
زيلامسي-انترلاكن: حتكون كالتالي وماحتكون بالشكل اللي انت تبغاة وهي:
زيلامسي-سالزبورغ(كما ذكرنا أعلاة) لان القطار حيمر سالزبورغ، سالزبورغ-زيورخ (حوالي 5ساعات و50دقيقة) وبعدين ممكن تغير القطار من زيورخ وتكون (زيورخ-انترلاكن ost أو west) حوالي (2ساعة و35دقيقة).
وانت عد أحسبها وشف المرمطة والقرف وضياع الوقت.
اترلاكن-باريس: حتكون : (انترلاكن-جنيف) حوالي 3ساعات و35 دقيقة-مع احتمالية تغيير القطار في العاصمة (بيرن).
وبعدين (جنيف-باريس) حوالي 3ساعات و25دقيقة.
هذا والله أعلم.............

ارا ان تسافر من سالزبورغ الى مطار Bern Belp جوا ومن برن الى الى انترلاخن بالقطار او بالتكسي (30 كيلو تقريبا)
ثم من Bern Belp الى باريس جوا
كتب الاخوة عن الخطوط الاقتصادية مواضيع, اطلع عليها لتعرف كيف تحصل على تذاكر باسعار رخيصة وربما ارخص من اسعار القطار.

SAUDIA2004
شكرا على هالمعلومات وانا عارف انها بهذله طيب وش الحل ماقدر اخذ سيارة من سالزبورغ لان الحجز خلاص حجزت وانتهينا ماقدر اتنازل عن انترلاكن او زيلامسي والله حوسة شكله الطيران الاقتصادي هو الحل او استئجار سيارة والله يعطيك العافية ماقصرت و شكرا جزيلا

Sonmar
الاخ Sonmar شكرا على مشاركتك واللي اتوقع انها هي اللي راح تكون الحل اذا مالقينا حل ثاني
بس زي ماسمعت انه الطيران الاقتصادي غالي شوي ويمكن اذا طلعت على سالزبورغ بالقطار وبعدين المطار على برن وبعدين بالقطار على انترلاكن راح يضيع علينا الوقت يعني نفس سالفة القطار على العموم ماقصرت ويعطيك العافية اناراح ادخل موقع الطيران الاقتصادي واشوف اوقات الحجز

الحل يا شانيل تكون محطه استراحه بين زيلامسي وبين انترلاكن لو ليوم واحد
اما انسبروك او ميونخ او زيورخ
بالنسبه لما بين انترلاكن وباريس اعتقد القطار خمس ساعات مع تغيير القطار في باسل
على فكره يا شانيل انا نفس الشي مثلك ولكن العكس راح اسافر من لوزيرن (ساعه عن انترلاكن) الى زيلامسي والمسافة سبع ساعات بالقطار
ما اقولك انها عادي ومقبوله , لا والله احس انها مرهقه شوي مع ان القطارات جدا مريحه وجدا رائعه بس احس انها ربطه وراح يضيع عليك يوم محسوب عليك ب 1000ريال بأحد الفنادق هنا المشكلة اما الوقت اللي تقضيه بالقطار فأعتبر نفسي في رحلة كل شوي نهر وكل شوي بحيره وخذ يا تفرج ,
وفكري في هالاقتراح
انك تقيمين لمدة ليلة بين زيلامسي وانترلاكن في احد المدن (اما زيورخ او ميونخ او انسبروك)
اما بالنسبه لما بين انترلاكن وباريس فمن الممكن الرجوع الى زيورخ والسفر من زيورخ الى باريس بالطيران الاقتصادي
تحياتي

شيك على الطيران الاقتصادي رايح يفيدك كثير

خالد
بالفعل حلك حلو بس انت عارف ان الرجعة من باريس خلاص محجوزة في 9 اوغست ولافي مجال اننا نزيدها ابد علشان كذا الايام محدودة وبعدين صعبة اننا نجلس يوم بعدين نشيل قشنا ويله تسحب حنا فكرنا في حل اننا نلغي حجزنا في اوتيل انترلاكن وخلاص مانروح لها ونزيد يوم في زيلامسي ونطلع على ميونخ منها يومين ومن ميونخ على فرنسا بالطيران الاقتصادي وبكذا ان شاء الله تنحل يله فرصة اشوف ميونخ في المانيا والله يسهلها لنا ان شاء الله 000

ولد_الرياض
شكرا ( ولد الرياض )*
اللةيعطيك العافية ان شاء الله انا راح اشيك على الطيران الاقتصادي