وعليكم السلام ............... مساء النور اخوي
صراحة انا رحت للمكاتب وطلبت رحلة من الرياض للأوكلاند بتاريخ 23 اكتوبر (بعد اسبوع)
حصلت الكاثي باسفيك ب 7600 ريال ترانزيت ب هونق كونق 8ساعات
و السنغفورية ب 6600 ريال ترانزيت ب سنغفورة 4 ساعات
طبعاً انا مامعاي فيزة واحاول اتهرب عن الطيران الي مايناسبني
والله يوفقك وتحصل مبتغاك

وعليكم السلام ورحمة الله وبركاته
أول شي الخطوط الاماراتية لازم تطلع فيزة لأستراليا لأنها تنزل فيها
ووالله ماودي أحطمك بس هالسعر ممكن يكون أقل سعر ممكن تحصله لأن غالباً اسعارها من 6300 ريال وفوق
ممكن ارخص طيران يكون طيران بروناي (مو دايم) لكن يطلع من جدة
mjoodinter
أن مالقيت أرخص منها تر سعرها مناسب جداً خصوصاً انها بعد أسبوع فقط
موفقين يالغالين

ولد الحارة
المظلوم ماقصر معاك ..
بالإضافة إن السعر ممكن يصل إلى أقل من كذاعلى الخطوط الإماراتية ولكن إذا كات عندهم عرض..
مع العلم إن السعر جيد حالياً..
خذ بالك قبل كل شيء..
الطيران الإماراتي يدخل ضمن حدود أستراليا! لكي يتزود بالوقود وأخذ ركاب آخرين..
فلازم يكون معاك فيزا للمرور من استراليا!
وإبرازها قبل صعود الطائرة.. وإلا ماراح تطلع!!
من ناحية الهند واندونيسيا والله لم أسمع بها من قبل!!

انا اللي اعرفه انه خط الامارات من دبي مباشر الى اوكلاند بدون المرور على استراليا وفيه بعض المرات يمرون على استراليا
يعني مو شرط ومكتوب بموقعهم ببعض الرحلات المده 19 ساعه وبدون توقف
والله اعلم

سليمان_1986
تتوقّف الرحلة في استراليا للتزود بالوقود ويمكن حتى ماتنزل من الطيارة .. ومع ذلك لازم فيزه
هم صح مايكتبون هالشي بالتذكرة لكن التوقف في استراليا موجود
وراعي المكتب (الفاهم) بيقول لك هالكلام وبعضهم ماعنده علم
الزبده أنه لازم فيزه
موفقين

اشكرك اخوي المظلوم على ردك ..لكن اذا كنت قاعد بالطائره لا تحتاج الى فيزا ابدا
الفيزا تحتاجها لما تخرج من المطار اما اذا كنت بالطائره او حتى تتمشى بالمطار لا يطلب منك فيزا
يعني معقوله وانت بالطياره يجيلك شخص يقولك وين فيزتك ؟؟ طيب واللي راح وما معاه وين يروح لا يصير يقعد باستراليا لانه ما معاه فيزا ولا يقدر يروح نيوزلندا ..مابقى الا يقطونه بالبحر
اانا اتمنى من التاكد من معلومه فيزا استراليا لفائده الجميع لانه باعتقادي الشخصي لا تحتاج لفيزا
والله اعلم

^^
بحثت عنه بموقه جوازات أستراليا .. وتفضل الرابط
http://www.immi.gov.au/visitors/transit/no-visa.htm
وهالرابط يأكد انك تحتاج فيزه حتى لو ما خرجت من المطار ما عدا بعض الحالات (دول معينة وما فيها ولا دولة عربية .. ولمدة 8 ساعات فقط !!)
ألا أن كان معك جواز دوبلوماسي فهذا شي ثاني
بالنسبة لو كنت ماراح انزل من الطيارة هل أحتاج فيزة .. أعتقد أنه نعم تحتاج
وعشان أتأكد 100 % جاري الاستفسار منهم.

والله اشكرك المظلوم على تجاوبك
اتمنى التاكد من المعلومه 100 بالميه
لان خط الامارات هو الاسرع والارخص حاليا