- اكشن كلاكيت اول حلقه
بسم الله الرحمن الرحيم .. وبه نستعين عادتي في التقارير لا احبها ممغوطه وومله وربنا يجعل تقاريرنا خفيفه عليكمزيارتي هذه الى نيودلهي .. م بلد اعتقد بأني لن اعودلها مرة اخرى الهدف من الزياره .. تجاريه اعضاء الرحله .. ماصدقينا الا انا تاريخ الزياره .. والله مش عارف ومالي خلق افتح الجواز لاتأكد فسفراتيكثيره ومن الصعب تحديد تواريخ معينه ولكن تقريباً قبل شهر او اثنين .. يمكن ثلاثه التاشيره سويتها بمكتب في سيهات اخذت اسبوع الى ان انتهت
اكشن كلاكيت اول حلقه
.. لم يبق على اقلاع الرحله سوى اربع ساعات .. ولا زالت شنطتي مثلماهي مبعثره وملابسي مبعثره .. ودولاراتي مبعثره .. مثلما هي حياتي فوضويه ومبعثره.. فتارة اضع قميص او بنطلون في الشنطه ثم اذهب لاعمل كاس شاي .. وتاره اعدالدولارات ثم ارميها على السرير دون ترتيب .. والوقت يمر بسرعه ولم يبق سوي ثلاثساعات فمددت يدي الى الدولاب وسحبت كم قميص على كم بنطلون على مش عارف ايش ووضعتهابالشنطه واقفلتها .. وفي شنطتي الصغيره وضعت الجواز والايباد والمبلغ المالي ( ومنديلكلينكس ) .. طيب وش نسيت ياولد وش نسيت ياولد وانا عند باب الغرفه ومفتاحها بيديلاقفلها ... م نسيت جهاز تنشيط عضلات الظهر لاراحه الفقرات اللتي اعاني منهامنذ سنوات .. وضعته في كيس من اكياس مكسرات باجه... م شو نسيت وش نسيت يا شيبوب .. ايه الكامير الاحترافيه ... ودرقن درقن درقن الى المطار
الصوره هذي ليست لبيت من بيوت الاشباحانه مطار الدمام .. مطار ممل .. مطار كئيب .. مطار يجيب المرض مطار ممل مكر مفر مغبر .. حطه السيل من عل
وهذا كوفي بمطار الدمام برضهممل مكر مفر اكله بايت .. ومافيه الا هندي واحد اغلب الوقت قرقر قرقر بالجوال
دقت ساعه الخطر .. وأعلن المذيع عن البدء باجراءات ركوب الطائرهومن عادتي احجز على المقعد 30 ليكون امامي متسع اتمدد .. ولكن عندما صعدت الطائره وجدت هندي مع عائلته وقد وضعو الشبوك على مكاني .. قلت صديق هذا مكان انا .. قال انا يجي أول امنا بالله ورجعت ورا الى اكتمل النصاب القانوني للمسافرين فمسكت احد افراد طاقم الطائرهوقلت اللي يركب اول يجلس وين ما يبي ؟ فضحك واعتقد اني جاد .. فافهمته الموضوعوما قصر ارجعني لمكاني وازال كل التعديات اللتي مارسها الاخ الهندي في غفله من النظام
شوف كيف المسافه بين وبين الجدار الامامي .. مكان جدا مريح
هالبزر جنن امه بالصراخ .. وعلى فكره دائماً موعود بقلق الاطفال بالطائرات فطلبت منها ان يجلس بجواري وخاصة ان الكرسيين اللي جنبي فاضيه .. وجلست العب معاه ايباد والعاب وتصوير وحلويات الى ان سكت وما يرضي يقوم من عندي
وهذي صور متفرقه من نافذة الطائره قبل الوصول الى نيودلهي
شربت منه شوي ولم استطع تمييز الطعم .. برتقال ؟ لا .. ليمون ؟ لا ..اناناس مع قشطه ؟ لا ... سم فيران ؟ مدري وطعم خايس غريب .. وربما يتسائل البعض ليه ما نزلت بنفسي واشتريت م كنت خايف .. انا عندي فوبيا الاماكن الضيقه وربما يضيق نفسي واختنق واشعر بالاغماء وعندي فوبيا من الكلاب .. والشارع ياكثر الكلاب فيه طبعا كل هذا وانا غير راض عن الفندق واختلاف الصور بالموقع عن الحقيقه.. فمكيف الغرفه يلعب سامري وجنني بالاصوات .. اقفلته وشغلت المروحه عشان الدخانوشعرت كان المروحه تقول وش عنده ذا يشغلني بعد ان قضيت دهراً في سبات .. اول مرهاشوف مروحه تلف بشكل متوازي الاضلاع وتطلع اصوات ماطور مويه .. فاقفلتها ودخلتالله يكرمكم الحمام بتسبح .. المويه تنزل نقطه نقطه وبارده يعني لو جلست للصبحتحت الدش يادوب اغسل اذاني عمركم شفتو حمام فيه مروحه !!!
فطلبت مدير الفندق الذي جائني هروله بعد ساعه وشرحت له اختلاف الصورعن الحقيقه فقال ان الصور تخص السويت .. فذهبت معه للسويت وجدت ان ما اخس من قذاذالا عسفان .. وطلب 1500 ربيه زياده للسكن فيه .. فتركته ونزلت غرفتي دون ان اردعليه قلت امشيها اليوم .. بالليل ياجماعه ما قدرت انام من موظفي الفندق وهم يتحدثون في الممرالمظلم .. وكلهم يتكلمون مع بعض .. مدري من كان فيهم يستمع .. وانا بين النوموالصحيان مسكت الجزمه ورميتها على الباب واصارخ بس صديق نفر نوم .. طبعالحظه صمت ثانتين فقط ورجعو يتكلمون .. فرميت الجزمه الثانيه .. ثم ثانتين صمتوقرقر قرقر قر .. قلت الله كريم ماني قايم والبس واضيع النومه خلهم .. والصباح احضرو لي الفطور المشمول مع الغرفه ولكنهم حاسبوني عليه عند الخروج .. فحزمت حقيبتي ونزلت لا ادري اين فقط اخرج من هذا الخن .. وعلى فكره كتبت عنهم بموقع اقودا ما يستحقون من سوء نظافه وكذب فقط مدحت الموزه اللي بالريسبشن اخلاقها حلوه ومؤدبه وسواليفها تجيب المرض ... اقصد مش بطاله
لكن توكلت على الله واتفقت معاه على يوم كامل
من فوضوي اتقن الترتيب في بداية التقرير
كلي شوق لمتابعة القادم
لك كل التقدير والاحترام