1. هيدي اول مشاركة لإلي ببوابة لبنان - رح بحكيكون باللهجة اللبنانية

مرحبا و اهلا و سهلا بالجميع .

هيدي اول مشاركة لإلي ببوابة لبنان - رح بحكيكون باللهجة اللبنانية

صراحة انا و رفقاتي نوينا نزور لبنان و بقى في عندي كذا سؤال ياريت من المختصين يساعدوني و يفيدوني و انا بشكرن سلفاً . انا صار لي زمان ما طلعت ع لبنان اخر مرة كانت لمدة يومين بال 2004 .
اول سؤال هوي هن التوقين المناسب ، بصراحة انا محتار ، هل بنزل بنص نيسان - ابريل ؟ قلت بلكي بيكون بعد في شوية تلج بالجبل او بالارز لان بعرف انو موسم التزلج بيكفي لحد نيسان و منو كمان بكون موجود ع احتفالات عيد الفصح و بحضر الست فيروز بتراتيل الجمعة العظيمة ، او باجل السفرة لاول ايار ؟؟؟؟ ايا التوقيتين احسن و كيف رح يكون الجو بهالوقت ؟؟؟ كمان بخصوص الانتخابات النيابية انا بعرف انا رح تكون بشهر ايار بس سمعت انو وزير الداخلية زياد بارود اصدر مرسوم بانو الانتخابات رح بتكون في حزيران ، و كلنا منعرف انو اخوانا اللبنانيي ازا انبسطوا بيقوصو و ازا زعلو بيقوصو
تاني شي بخصوص السكن ، انا صار لي فترة من اخر زيارة فما بعرف شو جد بخصوص الاوتيلات هونيك فبدي من الاعضا هوني يرشحولي اوتيل ، نحنا رح نكون 3 شباب ، بدي اوتيل يكون حلو و نظيف و مريح و يكون السعر مناسب و بفضل يكون ببيروت انو يكون قريب ع كل شي ن الروشة و الداون تون .
و بدكن تعذروني ازا طولت عليكن ...