mls4ever
09-10-2022 - 07:38 pm
بسم الله الرحمن الرحيم
نويت اسافر تركيا بعد فترة زهق من كل الاماكن ف مصر لاني لفتها كلها .. حتى الواحات رحتها
المهم نويت اغير و اخرج ل تركيا لانها تشبه ل سورية الغالية على قلبي و لو كان الحال ف سورية يسر كنت رحت تاني و تالت و مليون . مفيش اطيب من اهل سوريا .. الله يعينهم
احد الاصدقاء وفر لي سكن في شارع الاستقلال و هو ممتاز للغاية
الان الدور على الفيزا و الطيران
ان شاء الله السفر ف نهاية شهر 6 حتى الحق مهرجان التسوق
ليا استفسارات اتمنى الرد عليها
انا هقعد اسبوع و مش هخرج بره اسطنبول .. انا طالع استجم و استمتع بالمناظر الطبيعية
و مع عائلتي المدام و ابنتي سنتين و نصف ف مش عاوز بهدلة كتيرة ف هفضل ف اسطنبول بيتهيقلي اسبوع كفاية عليها
انا معي باسبور قديم ممتد حتى 5 2015 و المدام لسه باسبور جديد
هل يسمح بالدخول بالباسبور القديم ل تركيا ولا لاء ؟؟
بالنسبة للطيران يوجد امامي شارتر ب 6900 و مصر للطيران ب 7800 و مكتب اخر قاللي ممكن اجيب مصر للطيران ب 6650 يعني اقل من الشارتر و بصراحة ماصدقتش مش عارف ليه
اختار ايه ؟؟
بالنسبة للفيزا بقى ايه اللي اروح بيه للاسكندرية لان في ناس كتير قالتلي حاجات مختلفة و لكن الثابت فيهم
hr letter من الشركة
و كشف حساب بنكي و صور شخصية
هل ضروري المدام تيجي معى السفارة ولا انا اقوم بالمهمة لوحدي ؟؟
شكرا جزيلا لكل من يرد عليا مقدما
انا اروح تركيا بدون فيزا ؟؟