هلا فيج اختي
ولا يضيقك خاطرج .. بهذا الشهر ابتعدي عن الارياف وكل شيئ تمام ..
اذا الرحله مابين 12 يوم تقريبا والميزانيه جيده جدا اختياري باريس مع لندن .. مدن جميله واسواق وحدائق وبعض الفعاليات الجميله والمتنوعه والاهم انها مفتوحه بوقتكم
والتنقل بينهم بالقطار الاوربي سهل جدا .....
دمتي بخير

انا قلت ابي ايطاليا بس قالو اوروبا بشكل عام باردة بشهر 11
الله يسعدك ماتدري كيف يكون الجو بشهر 11؟
وفرنسا ماتكون باردة ؟

أولا مبروك الزواج مقدما
وأقترح عليك في هذا الوقت خاصة باستراليا أو نيوزلاندا لأن شهر 11 بيكون عندهم فصل الربيع لأنهم في نصف الكرة الجنوبي، وبصراحة سبق وزرت نيوزلاندا في هذا التوقيت فكان أجمل وأحسن وقت قضيته في حياتي.
وبالتوفيق

ملوكي الله يسعدك بحطها ضمن اختياراتي
طيب جزيرة موريشوس ضنكم تنفع والا يمل الواحد منها ؟

بارك الله لكما وجمع بينكما على خير ..
انا رحت موريشوس في شهر 7 وكانت جميله جدا ..
سكنت في فندق الهلتون والفورسيزون وكان على الفندقين عروضات احجز 3 ايام والرابع مجانا ..
واعتقد هذي العروض ماتخلص في مثل هذي الفنادق في موريشوس او حتى المالديف وغيرها ..
الصراحه فندق الفورسيزون فخم ورائع واستانسنا عليه كثير ..
وعلى فكره موريشوس غير عن المالديف وسيشل يعني جزيره كبيره فيها سيارات والمسافه من فندق الهلتون الى الفورسيزون
اخذ منا اكثر من ساعه بالسياره ..
وفيها اماكن سياحيه مثل الرمل بو 7 الوان والغواصه جميله لاكن انا مارحتها وفيه حديقة حيوانات ياخذونكم فيها جوله وفيه بعد
ركوب الخيول واستأجار الدراجات

بصراحة ما زرت موريشوس وما عندي خبر عنها لكن نيوزلاندا أنا متخصص فيها ولو عندي وقت كان رحت لها في شهر ذو القعدة أو ذو الحجة لأنه أفضل وقت لنيوزلاندا
وبالتوفيق.

الله يسعدكم ويبارك فيكم يارب
انا بسال المعزب وبردلكم خبر وش رسينا عليه عشان تنصحوني باحسن الاوتيلات تعرفون عرسان ودي بجو رومانسي شموع وحركات
الله يكثر خيركم يارب ويجزاكم ربي الجنه ووالديكم
دمتم بود