- الليلة الثانية
- الليلة الثالثة
السلام عليكم ..
الحمد لله رب العالمين والصلاة والسلام على اشرف الأنبياء والمرسلين ..
وصلت بحمد الله وفضله الى ماليزيا يوم الأحد الصباح وكانت رحلتي يوم السبت الماضي على طيران الخليج الرياض البحرين كوالا ..
حولت من المطار 3500 ريال سعودي طلعت لي 3182.62 ريجنت
وشريت شريحتين من سليكوم بالمطار وشحنتها ب 50 لكل واحدة ب 117
أول يومين قضيتها في صن واي لاقون في غرفة اسمها اكزاكتف مطلة على الألعاب وكانت روعه بكل ما تعنيه الكلمة ..
الليلة الأولى ..
أول يوم وصلت الساعة 11 صباحا للفندق وكنت في الدور العاشر ومثل ما تعرفون اللوبي في الدور 14 ..
دخلت سوق البيراميد الملاصق للفندق بعدها اخذت وجبة من كنتاكي وتغديت في الفندق ..
ريحنا شوي ثم ذهبت للخيول الذهبية وركبت القارب للشخص ب 16 رنجنت بس للأسف ما دخلنا داخل السوق ووقفنا عند الفندق اللي بجانبه .. تمشيت في السوق انا والمدام وبصراحة اسعاره حلوه بس السوق مو كبير مره
ودخلنا في ملاهي الماينز ب 70 رنجنت للشخص واشوف ان السعر مبالغ فيه بقوه بدأ المطر ولله الحمد ولا قدرنا نجلس ولا شفنا عروض النوافير لأننا تعبانين ما نمنا من البارح:112: ورجعنا عن طريق القارب اللي بالسوق الى الخيول الذهبية ومنها تاكسي الى صن واي ب 25 ريجنت..
الليلة الثانية
صحينا الساعة السابعة صباحا وافطرنا بعدها دخلنا الالعاب للشخص 90 رنجنت شاملة كل الألعاب واخذوا مني 200 رنجنت للشخصين وانت خارج ترجع لهم الساعة اللي تضعها في يدك ويرجعون 10 رنجنت ..
دخلت بيت الرعب روعه صراحة للي يبي يروع زوجته ولعبت لعبتين كهربائية وبعض الالعاب المائية وفيه لعبه يركب فيها شخصين ومربوطه من فوق بحبلين بأعمة طويلة ترفعك فوق يمكن 100 متر هذي اللي مافي أمل العبها من يوم شفت البيانات اللي تكتبها وتوقيعك ( يعني تتحمل المسؤولية اذا صار شي:110
نزلت امطار ووقفوا المشي على الجسر وبعدها طلعنا رحنا ريحنا في الفندق بعدها طلعنا للسوق ( البيراميد وشريت كاميرة فيديو وتعشيت ورجعت للفندق استعدادا للسفر في الغد للنكاوي ..
الليلة الثالثة
صحينا في الصباح وعلى فطور صن واي ورجعه للفندق وكانت رحلتي الساعة 2 مساء عن طريق تاكسي المطار ب 90 رنجنت وطيران على لنكاوي وصلنا الحمد لله وبالتاكسي لفندق بلانجي بيتش ب 18 رينجنت والحمد لله امطار اليوم في لنكاوي اللهم لك الحمد ما طلعت من الفندق الا للوبي فقط وفيه فنانتين يغنون اجنبي شريت عصيرات من تموينات صغيرة في اللوبي ورجعت على طول واتفقت مع سائق اسمه حسن بيجي للفندق غدا ان شاء الله الساعة العاشرة صباحا وبروح للتلفريك وعالم تحت البحار وبحجز على الفري لبينانق لأني بنام في بلانجي ليلتين وليلتين في ويستن لنكاوي بعدها باي فيو بينانق بالنسة للفندق روعه جدا وغرفتي مطلة على البحر وسكنت فيه العام الماضي..
نمت بدري وصاحي من الساعة3 وانتظر اشراقة الشمس بعد الأمطار الغزيرة اللي جات ..
النت في الفندق ب50 في 24 ساعة .. حتى في اللوبي غير مجاني ..
اذا وصلت ان شاء الله ابشوا بالتقرير الدسم لأني عندي كاميرة تصوير وكل شي صورته في الثلاث ايام الماضية وهي عندي الآن في الابتوب بس حجمها كبير مرة ويبغالها شغلة ووقتي ما يسمح
