أنا ولله الحمد أحوش من راتبي ومستحيل أسافر بريال واحد دين ...

مع ان الموضوع شبيه لمواضيع قد سبق وذكروها الاعضاء
بس بنسبة لي اذا ابي اسافر لازم اكون ناوي من قبل فترة ومحدد وين بسافر علشان اعرف كم لازم يكون معاي بظبط
احاول قد ماقدر اوفر من راتبي يعني اعود نفسي على استقطاع شهري بمبلغ 20 بلمية من راتبي ولمى يقرب وقت السفر احاول اجمع اكثر واجل بعض الشغلات بعدين
او ممكن اجرب بطاقت الفيزة او الماستر كارد بس اكيد اول مارجع لازم على طول اسددها علشان ماتعود عليها
او اتعود مثلا اخذ سلفه بسيطه ماتتعدى 30 الف ريال او اقل واخليها لسفر وفايدتها اتكون قليله وكل شهر اخليهم يستقطعون من راتبي ويسددونها ومايجي الصيف الثاني الا وانا مسددها وماخذها بعد هذا في حال اني خفت اني اصرف المبلغ لو بديت اجمع
او ممكن ادخل بجمعيه واخلي وقتها على الصيف علشان اتفيدني بسفر
او ممكن اخذ سلفة السياره او اعباء الحياة من الشغل وهي اتكون سلفه من الدوام ماعليها اي فايده واقصاطهم بسيطه ونفس الشي اسددهم قبل مايجي الصيف الي بعده علشان اقدر اخذها ثاني مره وبهشكل
او ممكن لو جاتني مناسبة يعني تخرجت تزوجت اشتغلت عيدميلاد او غيره وصادف حد عطاني مبلغ احاول احتفظ فيه قدر الامكان
وبعد ممكن اول ماشتغل اتعود نفسك على ميزانية معينه علشان لمى اتحاول اتجمع ماتحس انك مضيق على نفسك
تقريبا هيا الي في بالي
ويعطيك العافية
بس بنسبة لي انا ماسوي ولا وحده من هاي كله لاني لحين طالب واطلب من ابوي بس طبعا هاي افكار انا ناويه لبعدين ان شاءالله

وليش الناس تسافر بقرض والله حرام
الواحد المفروض مايضغط على نفسه بقرض عشان يسافر

انت مسافر عشان تستانس وتريح بالك
ليش تاخذ قرض وتوهق نفسك بالديون
ا

شكرا للجميع على التفاعل صراحة ما دعاني الى كتابة هذا الموضوع ان لي أحد زملائي في العمل كثير السفر يعني مدمن سفر لكنه في كثير من الأحيان يدخل في متاهات بسبب اقتراضه للسفر بل أنه قبل سنتين سافر لثلاث دول في سفرة واحدة واضطر لأخذ تمويل بنكي استمر في سداده سنتين .. فرغبت مشاركتكم في الحلول لأني ليس لدي كثير حلول له فغالب سفراتي تأتي دون تخطيط مالي محكم لكن والحمدلله لم أقتراض لأي سفر سابق ولله الحمد

موضوع جميل بس ماني مع الراي اللي تقول ان الاغلب يسافر بقروض
وانا اذا كان الكاش متوفر كان بها ماهو متوفر مافيه لازم بدون ديون وقروض

من الغباء ان تقترض لسفر سياحه.....

انا ممكن اعطيكم وجهة نظري البسيطه (مع اني توي صغيرون على هالاشياء
التخطيط للسفر قبل اقل من شهر احسه فيه نوع من الغلط..يعني لازم الواحد اتصير عنده فكره عن سفره على الاقل
قبل شهر (تسألون و لماذا)بكل بساطه اقول عشان ايرتب شغلاته بشكل عام و ايضا بشكل خاص و خصوصتا الامور
المهمة مثل (العمل) و مثل (الميزانية) يعني اللبيب الذكي و الي عنده خبره يحاول انه قبل شهر من السفر اتصير عنده الميزانية بذااتها يعني ما يبقة عليه الا الحجز (طيران و فنادق) و هم يتقن اموره الحياتيه بمعنى انه يخلق جو
جميل و رائع ليسافر سفرة جدا حيوية و ممتعة

السلام عليكم ورحمة الله وبركاته
أحب أشارك بطريقة تجميع ميزانية السفر والحق أنني سمعتها من شهر فات من أحد المعارف الذي ورغم انشغاله والتزاماته المالية إلا إنه لابد أن يسافر كل عام إلى بريطانيا وفي نفس التوقيت في يوليو, سألته كيف تتدبر ميزانية السفر فأجاباني بأن التخطيط للسفرة يبدأ من يوم رجوعه من السفرة اللي قبلها يعني في يوليو 2009 وبعد العودة من السفر ومن أول يوم يبدأ التخطيط لسفرة يوليو 2010 و يحدد الوجهات والميزانية المتوقعة و يقسم الميزانية على عدد الاشهر المقبلة وحتى موعد السفر يعني من اغسطس 2009 وحتي يونيو 2010 ويقوم بادخار المبلغ في حساب بنكي منفصل وبالتالي أعتقد أن كلما كان التخطيط مبكرا كان السفر أجمل و أروع وفيه دلع أكثر أما أن تجي قبل اليوم وتقول نبي نسافر بعد أسبوعين فأعتقد تكون صعبة وحتى أن تسلفت أو اقترضت عشان تسافر وتمتع نفسك يومين وفي النهاية ترجع عشان ترد المبلغ وتدخل في اجهاد وضغط يخليك تحتاج سفرة من جديد