الفندق صغير و مجدد و موقعه مو مميز لشهر عسل. لكن لو حسبوه عليك برخيص تصير مبلوعة شوي.
البستان روتانا مايبعد عنه شي و لقيته على النت ب 500 درهم
و الإخوان يمدحون بالكراون بلازا فيستفال سيتي و موقعه أهدى و جديد طازة على رأيك و سعره 650 درهم
ومبروك الزواج
.

مرحبا اخوي المسافر الاخير
اولا اشكرك على تفاعلك وردك السريع
والله يبارك فيك وفال لك ان شاء الله
الفندق عطونياه 360 درهم لليل الواحده نوع الغرفه دويلكس
ياليت لو تذكرلي موقعه يعني مطل على بحر شسم المنطقه اللي اهو فيها وشنو قريب منه من مجمعات
لاني احتمال اغيره اذا مش ولا بد
بصراحه كنت ادور فندق ستي سنتر اللي في المجمع
بس مالقيت سايت الفندق
ومشكور على تعاونك معاي
ولاهنت

360 سعر ممتاز لمريديان
فندقك ما يطل على البحر. هو موجود في منطقة القرهود و يطل على الطريق اللي يربط دبي بالشارقة.
السيتي سنتر بينك و بينه أقل من كيلو.
و بينك وبين الخور يمكن 2 - 3 كيلو
الفندق اللي بالسيتي سنتر اسمه سوفيتل سيتي سنتر و هذا موقعه:
http://www.sofitel.com/sofitel/fichehotel/gb/sof/2022/fiche_hotel.shtml

1. اليوم الخامس:

السلام عليكم
بالبركة عليكم الله يسعدكم إن شاء الله
غرف فندق Le Méridien Fairway
سعر السوفتيل مش أقل من 900درهم
إذا ناسبك سعر لكراون بلازا أحجزه من النت ب500درهم ، فندق ممتاز وجديد ، وملاصق للفستفال سنتر
https://artravelers.com/p/re/202780
الأماكن السياحية:
اليوم الأول:

• تقدر اتروح الإمارات مول تتغدى فيه -على شارع زايد - مول كبير وحلو ، فيه سكي دبي (الحديقة الثلجية) يستحق الدخول. وإذا تحبون السينما.

مساءً الذهاب لسوق مدينة جميرا يستاهل الزياره مكان رائع ورومانسي ، عندهم عدة مطاعم اطل عالنهر الصناعي.
(مسافة 10-15 دقيقة عن الأمارات مول)وقريب جداّ لبرج العرب
اليوم الثاني :

• ابن بطوطة مول ديكوراته حلوه ، تتغدى فيه
• مساءً الذهاب لمطاعم المرسى(المارينا) عدة مطاعم وكوفيات أطل على بحيرة بها مرسى لليخوت عندهم جلسات داخلية وخارجية. وحلو أيضاً للتمشية.

(مسافة 10-15 دقيقة عن ابن بطوطة )
اليوم الثالث:

• الفسفال ووتر فرونت سنتر ، تتمشون فيه وعندهم عدة مطاعم وكوفيات اطل على القناه المائية.

وأيضاً مطاعم آخرى فالطابق الثاني اظن.

• مساءً جولة بحرية مع عشاء في مطعم البوم الشخص =120درهم

(يبعد مسافة 15دقيقة عن الفستفال)
اليوم الرابع:
إذا تحبون اتزورون إمارة الشارقة

• مركز صحارى قريب جداً من دبي
• وبعدها مربى للشارقة للأحياء المائية
• مساءً قناة القصباء.

اليوم الخامس:

• اختارو إلي يناسبكم الأماكن عديدة.
• سوق البحار جديد قريب من برج دبي، على شهر 8 بيفتحون فيه كوفي شوكلة بار ، كله ايسكريم وكيك بالشوكلة. عندهم فرع فالكويت.
• الباص البرمائي جولة في دبي ثم ينزل للبحر .
• الكافية الثلجي قريب من الإمارات مول يستحق التجربة.
• جميرا بيتش ريزيدانس (The walk) مطاعم وكوفيات
• إذا تحبون ادشون عروض عرض الدلافين في نظري ممتع للكبار والصغار في حديقة الخور ، وأيضاً فالحديقة تقدرون تركبون التلفريك.

الرابط فيه معلومات أكثر بالصور:
https://artravelers.com/p/re/191790
رحلة سعيدة بإذن الله
.

مرحبا اخوي المسافر الاخير
تسلم اخوي وماقصرة والظاهر اني اشغلتك معاي
والله لايحرمنا منك ياذهب
مرحبا اختي بنوتة الامارات
ماقصرتي على المعلومات القميه
وبصراحه عجبني جدولج الحلوه
وراح امشي عليه وبدعيلج وانا مسافر
لان دعوة المسافر مستجابه باذن الله
وانتي بصراحه المفروض اسمج اميرة الامارات على هالمعلومات الجوهريه
والا اقولج بسميج شيخة البنات مثل ماني مسمي المحاميه اللي عندي بالمكتب
تسليم اختي وماقصرتي والله لايحرمج الاجر

أنا سكنت في هالفندق
فندق صغير ونظيف .. بس مافيه اي درجو من الفخامة
شوف Four Points by Sheraton Downtown Dubai
أنا خذته بسعر 390 درهم
انتظر تقريري عنه

مرحبا اخوي Smart
الله يبارك فيك والفال لك ان شاء الله وتسلم على المرور
يامرحبتين اخوي خبير الامارات
في انتظار تقريرك ماننحرمش من جهودك ياخبير

اختي بنوتة الامارات
بالنسبه حق فندق كراون بلازا
السعر 500 درهم في اي سايت موجود هالسعر
وهالسعر على غرف الستاندر او دولكس شامل الضرايب
نرجو الافاده وجزاج الله عنا ألف خير
وقبل ما انسى في في فندق اسمه Le Meridien Deira
مطرشين لي ايميل بس ماعرف عنه شي اذا عندج خبر عنه
وسلامتج يالغاليه