1. السلام وعليكم ورحمة الله وبركاته ..... امابعد


2. اخواني واخواتي فالله قدر الله علي وانا مسافر حملت معي جهازين

بسم الله الرحمن الرحيم

السلام وعليكم ورحمة الله وبركاته ..... امابعد

اخواني واخواتي فالله قدر الله علي وانا مسافر حملت معي جهازين

الاول اي فون والثاني بلاك بيري وقبل مااسافر سددت الجوالين سداد كامل وقلت كلها استقبال مجاني خليني اخذ الجهازين وصلت باريس وخليت الاي فون معي لاني حافظ فيه معلومات سياحيه من هذا المنتدى الرائع وخليت البلاك بيري في الفندق تخيلوا مااستخدمته جلست في باريس 4 ايام تقريبا ووصلت خامس يوم لبرشلونه وفصلت الخدمه قلت شكله مافيه خدمه عندهم في اسبانيا وصلت جده و الخدمه باقي مارجعت !!
رحت لمكتب الاشتراكات قلت من خشيت اسبانيا و خدمتكم فصلت وحتى جده ايش المشكله قالوا لي فاتورتك واصله
اربعه الاف وثمان مئه واثان وستون ريال تخيلوا ما اتصلت منه ولا خدمه البلاك بيري ولا فتحت روابط ولا برودكاست ولا شي بس شغال على الفاضي . قلت لهم ليش مو الاستقبال مجاني ! قالوا نعم مجاني بس هاذي لان خدمه البلاك بيري شغاله عندك ومعنى كذا انه النت مفتوح واي برود كاست يوصلك ينحسب عليك بدون سابق انذار لا ومن امس لحد اليوم زاد في الفاتوره 160 ريال وكل شوي تزيد الفاتوره يقولوا باقي بتزيد لانه هذي لشركات الاتصال بالدول الي زرتها توصل متأخر و يمكن تزيد لمدة اليومين الجايه يعني (كل يوم في ازدياد ..اتي)
فارجوا من الاعضاء والزوار اخذ الاحتياط والحذر من البلاك بيري في السفر بالغاء الخدمه قبل السفر والتأكد من الالغاء او عدم حمل الجهاز .. والله لو بيل غيتس ماتجي فاتورته خمسه الاف في اربعه ايام والي قاهرني مااتصلت منه ولا استخدمت البرودكاست وازيدكم من الشعر بيت الحد الائتماني للجول 300 ريال فقط وفي الاخر فوق الخمسه الاف ريال .
ارجوا منكم تمالك دموعكم على هذي القصه المحزنه و الحذر من البلاك بيري .