للافاده اخواني
في (شريحة جوال ) جديدة ماصار لها أشهر وأنا أستخدمها حاليا كوني موجود في لندن وهي وممتازه
اسمها Nomi وهي مفيدة للاتصالات الدولية
تلقوها عند أغلب المحلات والبقالات
(أنا خذت الشريحه من محل عربي بقيمة 10 باوند الله يهديه ... بعدها عرفت انها فالبيكاديلي تباع ب 2 باوند)
ميزتها انك بدل ماتشتري شريحة وبعدها تشتري بطاقة اضافية للاتصال
وتتصل من الرقم اللي عالبطاقه ويقولك حط رقم البطاقة ويمكن تخربط بالرقم وتعيد او اذا مشغول تعيد الكره من جديد
فقط تشتري هالبطاقة ومن خلالها تضيف الرصيد ويكون رصيد فعلي بعيد عن الغش مثل الشركات والبطاقات السابقه
(والرصيد المتوفر للاضافه 5 , 10 , 20 و 50 بس للأمانه ماشفته)
الكثير منا وأنا منهم خذنا بطايق فالسابق وأول ماتستخدمها تقولك بأن الرصيد الموجود هو مثلا 250 دقيقه
وتجري منها مكاملة مدتها ماتتعدى 5 دقائق ولما ترجع تتصل مره ثانيه تقولك المتبقي من الرصيد 230 أو أقل
والمفروض بما اني اتصلت 5 دقائق يكون الرصيد المتبقي 245 دقيقه
لكن هذا حال معظم الشركات النصب والتحايل على المشترين
==
لكن هالشريحه أنا فعلا جربتها وقيمة الاتصال للامارات هي (13 بنس) ولما رجعت أجيك عليها فعلا لقيت اللي نقص بس 13 بنس ماغير
==
ومن خلال هالموقع تقدرو تحددو الدولة اللي تبغو تتصلو لها من بريطانيا
ولاتنسو تحددو هل الاتصال لهاتف أرضي أو موبايل
وبيعطيكم السعر لكل دوله
http://www.1st4phonecards.com/Nomi/
فمتأكد انها بتخدم الكثير من الخوه المسافرين
مثلا أنا بطاقتي بقت عندي حول اسبوعين وبعدها خلص الرصيد
وبطاقة الوالده من شهر حاليا وبعدها ماخلصت
مع تمنياتي للجميع بسفره واجازه سعيده
والله يردكم لدياركم بالسلامه يارب
==
اخوكم
أبو مانع