السلام عليكم ورحمة الله وبركاته ،،
أحبائي ، هذه أول مشاركة لي بالمنتدى العريق بصراحة وهو ملاذي الوحيد في حال اني رغبت في الاطلاع على المستجدات في عالم السياحة.. المهم بعطيكم الزبدة ..
جالس أخطط لرحلتي لأوروبا واللي ودي أزور فيها كل المدن الحلوه هناك بناءاً على التقارير اللي قدموها الاعضاء الكرام عنها.. بس أكثر اهتمامي انصب في هولندا ولو جت علي جلست كل الرحلة هناك..
طبعاً حسب اللي قريت وسمعت اني اقدر اتنقل بالقطار او السيارة بين المدن.. بس كم المسافات ؟
ما عندي مشكلة بالشنقن لأني افكر اخلي مكتب يطلعها لي بدل وجع الراس اللي انا متخيله ..
الآن اللي ابي أعرفه كم احتاج من وقت عشان أقدر اغطي معظم المدن اللي الواحد يقدر يروح ويتمشى فيها.. من باريس إلى زيلامسي وميونخ وكذا..
طبعاً الرحلة لشخصين (عزاب) والموازنة المقدرة هي من 35ألف إلى 40 ألف. مع التذاكر..
الانطلاقة بإذن الله يوم العيد الموافق 28 يوليو لكن كم أجلس؟ كم يكفيني؟ هذا اللي أبي اعرفه..
وبالنسبة للشنقن كلمت مكتب قال باخذ عليك 1200 للشخص وانهي لك جراءاتها. وجميع المتطلبات اقدر اوفرها من تعريف وجواز وكشف حساب الخ،،، بس هل تشوفون سعره غالي ؟
ام وش بعد ،، اتمنى ما اكون نسيت شي .. إيه ،، التذاكر هل اطلع دايركت والا ترانزيت.؟
هذا والله اعلم وشكراً لكل اللي يردون مقدماً لأني عانيت لما انشأت الحساب والظاهر مدري وشوعشان ادخل مرة ثانية.. بس بتابع الموضوع وان شاء الله ألتقي فيكم على خير...
تقبلوا أجمل تحياتي .....
مروان