1. العودة : 07-09-12 جنيف - بحرين

alhages
بسم اللهالسفر انا وام العيال فقطالميزانيه 35000 شامله كل شي+الطيرانالذهاب : 26-08-12 بحرين - ميونخ

العودة : 07-09-12 جنيف - بحرين

+تم الحجز على خطوط الاتحاد+تم تاجير سيارة لمدة 10 ايام من تاريخ 27-08 الى 07-09 من موقع traveljigsawبمبلغ 2600 ريال تقريبا+تم حجز جميع الفنادق من بوكنق : 1 ليله بميونخ " ومحتار امدد واخليها ليلتين ولا تكفي يوم اتمشى فيها !! "طلعت عيوني اسبوع كامل وزين حصلت في هذا الفندق بجانب محطة القطار لان عندهم احتفال البير الله يستر من احتفالهم وسعره حليو ب SAR 995 وينصحون فيه كثير*** City Hotel München+الانتقال ثاني يوم بالسيارة الى زيلامسي 4 ليالي ب SAR 1690.13 الى فندق قريب من البحيرة*** Hotel Grüner Baum+وبعدها الانتقال الى لوزيرن 2 ليلتين ب SAR 2005.40 بفندق**** Ameron Hotel Flora+وبعدها الانتقال الى انترلاكن 3 ليالي ب SAR 3280.53 بفندق**** Hotel Interlaken+بعدها الانتقال الى المحطه الاخيرة جنيف 2 ليلتين ب SAR 2459.45 بفندق**** The Ambassador
وسلامتكم-----------------------الاستفسارات اذا تكرمتو :1- وش رايكم اخلي ميونخ 2 ليلتين وزيلامسي 3 ليالي لان ودي اتمشى بميونخ ولا راح تكفي يوم واحد افرفر فيها عالسريع وثاني يوم اطلع لزيلامسي!!
2- وش المناطق الي حول زيلامسي ك اسم فقط وتنصحون فيها وانا راح ابحث عن التفاصيل!!
3- وش المناطق الي حول جنيف ك اسم فقط وتنصحون فيها !! انا سمعت عن مدينة انسي قريبة من جنيف وش رايكم فيها !!
ولكم شكري وتقديري
عليكم السلام ورحمة الله
يالغالي مابي اضيق خلقك والله أتمنى انك تستمتع برحلتك يا رب
بس والله ما راح تقدر تشوف شئ
0ايام وكل منطقة يومين او ثلاث والله حرام
سكنك بلوزيرن وانترلاكن خطأ لانهم قريبين من بعض وخسرت نفسك عدد ايام وايضا مبلغ ماله داعي للحجز
ميونخ يوم واحد حجزته عالفاضي مايكفي ابدا كان المفروض تروح زيلامسي عشان تبعد عن الاحتفالات واصلا مكان الفندق كله عرب وكأنك قاعد بشبرا بالقاهرة
رحلتك راح تكون متعبة وما راح تستمتع بالاجواء الاوروبية مع الاسف
ودي أجاملك بس والله ما أقدر

khaled_dashti
يعطيك العافيه اخوي خالد عالمشاركه الوجدانية
كلامك ورايك على العين والراس حبيبي ,, وحنا فيها الحين عطني شورك ويمديني اغير واعدل
ويكون على ثلاث دول المانيا + النمسا + سويسرا
الرحله ثابته 12 ليله اقامه بالضبط من تاريخ 08/26 الى 09/07
النزول بميونخ
والعوده من جنيف
وبخصوص الاسعار صحيح ممكن تكون غاليه
والتخطيط متاخر كثير كثير لكن مالبيد حيله ومافي مجال تتأجل لوقت ثاني
ننتظر اراءكم ,, دمتم بود

alhages
هلا فيك يالغالي
يالغالي المانيا ما استفدت منها كونك بتوصل ميونخ وبتقعد فيها ليلة ما يسوى
اقترح عليك وصول ميونخ ومنها الى زيلامسي ولو اني ما افضل زيلامسي لاسباب خاصة ممكن ما تعجبك اسبابي وما يمنع انك تزورها 4 ايام اشوفها كافي وزيادة كون مدتك قصيرة ومنها الى فوشن او قارمش لتقليل المسافة من زيلامسي ولوزيرن ومنها تقدر تروح ميونخ لانها بخاطرك ومن ثم الى لوزيرن واشوف الافضل انك تسكن بلوزيرن وتزور انترلاكن منها لان لوزيرن ايضا قريبة من زيورخ وشلالات الراين ومن ثم الى جنيف
اليومين اللي بانترلاكن ممكن تخليهم لغارمش او فوشن
عطني رايك وممكن نعدل ايضا مافي مشكلة

khaled_dashti
يعطيك العافيه يالحبيب
عشان اكون معك واضح اساس الرحله هي لمدينتين مع انهم نفس الشي لكن هم بالخاطر واكثر الايام راح تكون فيهم
الي هي زيلامسي + وانترلاكن
وباقي المدن على ليلتين ميونخ ولوزيرن وجنيف
طيب وش رايك لوخليت
مينوخ ليلتين يمديني اتمشى فيها
3 زيلامسي وودي امر ب انسبورك بس مدري وين تبعد وهل هي بالطريق
2 لوزيرن
3 انترلاكن
2 جنيف

alhages
يالغالي اذا كانت زيلامسي وانترلاكن هم أساس الرحلة فاعذرني ان اقول لك آخر ما افكر فيه زيارة زيلامسي وانترلاكن وخاصة لما رايته من زيلامسي هالسنة
افواج من سياح مصر وسوريا ولبنان ومسوينها شارع الهرم
هناك ما هو أجمل وأروع من الاثنتين
انسبروك نعم بالطريق بين زيلامسي وانترلاكن وقريبة من فوشن وغارمش
مدينة جميلة تقدر تزورها وفيها مصنع شوارفسكي وتبعد عن زيلامسي 130 كيلو
ليلتين حلوين على ميونخ ولكن لن تستطيع تغطية كثير من النشاطات بميونخ
أما جنيف فحدث ولا حرج الاخوان العرب عايشين عالسواح الخليجيين والنصب عينك عينك
اتمنى لك رحلة موفقة يالغالي

khaled_dashti
اشكرك على سعة صدرك
طيب اخر مشورة منك
عطني ترتيبك وقولي بالضبط
انزل بميونخ وبعدها كم ليله اجلس فيها
وبعدها وين اتوجه واجلس كم
الى اخر محطه في جنيف
عندي 12 ليله بالضبط

alhages
هلا فيك يالغالي
ابدا لا أول ولا آخر مشورة اسال على راحتك وما راح أخليك الا لما تقتنع وترتب رحلتك على حسب الاصول وتستمتع فيها
اذا انت مصمم على زيارة ميونخ مثل ما قلت لك اطلع لها من غارمش او فوشن لان وقتك راح يصادف المهرجان فخصص لها يوم من الصبح واستفيد من الايام لمكان ثاني
وصول ميونخ وعلى طول الى زيلامسي وزيارة المناطق اللي حواليها ومنها الى فوشن او غارمش وزيارة ميونخ وانسبروك ومنها الى لوزيرن وزيارة انترلاكن من لوزيرن افضل لك لان لوزيرن منطقة حيوية اكثر من انترلاكن وبينهم ساعه وربع تقريبا مو اكثر
ومن ثم الى جنيف

alhages
وسلامتكمالاستفسارات اذا تكرمتو :
1- وش رايكم اخلي ميونخ 2 ليلتين وزيلامسي 3 ليالي لان ودي اتمشى بميونخ ولا راح تكفي يوم واحد افرفر فيها عالسريع وثاني يوم اطلع لزيلامسي!!
2- وش المناطق الي حول زيلامسي ك اسم فقط وتنصحون فيها وانا راح ابحث عن التفاصيل!!
3- وش المناطق الي حول جنيف ك اسم فقط وتنصحون فيها !! انا سمعت عن مدينة انسي قريبة من جنيف وش رايكم فيها !!
ولكم شكري وتقديري
يآ هلا ومرحبآ بأخوي الهاجس ..
انت تقريبا زي مخطط سفرتي السابققة قبل شهر تقريبا .. !
الفرق .. إنه أنا 14 ليلة .. وانت 12 ليلة .. !
بالنسبة لمخططك ..
إذا أنت تبي توصل لميونيخ بدري .. يعني الظهر أو أقصى شي الساعة 4 العصر ..
فليلة وحدة .. كافية لميونيخ ..
أنا اخذت فيها ليلتين وتحسّفت ..
أهم شي تزوره في ميونيخ .. ساحة المارين بلآتز ..
والحديقة الأولمبية - من وجهة نظري - .. !!!
و الأولوية للمارين بلاتز .. ولو زرت المارين بلاتز .. لكفتك في ميونيخ .. !
بعدها ..
النمسآ ..
وأنا أتفق مع الأخ خالد .. زيلامسي مآ تصلح ابد ابد ابد .. !
كلهآ عرب .. كنّك بالبونشآآآك .. !
نصيحتي لك ..
تسكن في سآلزبورغ ..
ثلآث ليآلي ..
منها ليلة تتجه إلى زيلآمسي .. وتشوف بحيرتها .. وتصعد لقمّتها .. وتروح لزحليقة سلفادين ..
وترجع لسآلزبورغ .. خصوصا ان المسافة من سالزبورغ الى زيلامسي ما تتجاوز 100 كم ..
ويبقى لك ليلتين بسالزبورغ ..
يوم اجعله لزيارة ساحة سالزبورغ وقلعتها وقصر هلبورن صباحا ..
ومن الظهر للمغيب .. رح لبحيرة ( fuchl am see ) و وبحيرة ( wolf gangge) ..!
وبعدها توجه إلى الريف البافاري ..
قارميش و شانقآو ..
خذ لك ليلة بقارميش .. وليلة بشانقاو ..
والمسافة بينهما قرابة 60 كم ..
وبعدها رح ل لوزيرن وخذ لك فيها ليلة ..
فهي مدينة جميلة تستحق الليلة ..
تزور فيها جسرها الخشبي ونصب الاسد صباحا .. وبعد الظهر تذهب إلى قمتها الجميلة .. !
وباقي الليالي .. في انترلآكن السآحرة ..
والانشطة في انترلآكن عديدة ..
وعذرا ع الاطالة .. !

العمليّات
يعطيكم العافيه جميع اخوي خالد والمنقذ بمشاركته الجميله "العمليات"
بعد البحث والمشاور من هنا وهناك
والانسب تم الاتي وعطوني كيف ترتيبها
مينوخ بخليها مثل ماهي ليلة وحده والوصول راح يكون الساعه وحده ونص الظهر يعني يمديني افر بكم مكان عن الخاطر بيوم واحد والتسوق مو مهم لان اساس الرحله سياحه فقط ولو كان شي بالطريق للتسوق مايمنع
وبعدها زيلامسي وراح تكون محطه لتنقلاتي للمناطق الي حولها
وبخلي نفس السكن الي حجزته بالفندق 4 ليالي لان سعره رخيص مره 1700 ريال وبوفر على نفسي بتغيير الفندق
ولا شرايكم !!
ولا اخليها ليلتين بزيلامسي وبعدها امر ب انسبورك ليله وقارميش ليله وازور فيها فوشن !! او لاي مكان في طريقي الى لوزيرن
واجلس بلوزيرن ليلة او ليلتين راحه
وبعدها اروح الى الحلم بالنسبه لي ولام العيال انترلاكن 3 ليالي واتمشى فيها وحواليها
واختمها بجنيف وودي اروح لوغانو وبحيرة انسي
وش رايكم !! لان عندي مشكلة بالسكن لو بغير اغلبها فل وبسعر عالي والموقع مو حلوارجو الاخذ بالاعتبار اني انا اول مره اروح هاذي الدول وماجر سيارة
ولحالي انا وام العيال بنمسك الخط
وربي يجزاكم الف خير