1. بسم الله الرحمن الرحيم

بسم الله الرحمن الرحيم

الصراحه انا اترددت كتير قبل ما انزل هذا الموضوع قلت ممكن انو محد يستفيذ منه لكن بعد ما شفت شكاوي الاخاون عن كترة العرب في المعاهد قلت لازم اعملهم شى
انا قبل سنتين كنت فمعهد اسمه الداين سبيك او ما جيت المعهد كان مستواي فوق الصفر بشوي لكن الحمدلله بعد ما اتخرجت من المعهد مستواي صار من جيد لمتوسط ومدت الدارسة كانت تلات شهور بالتماما والكمال ولو خصمنا منها ايام الغياب ممكن تطلع شهرين ونص ههه لو يسمعني ابوي راح يذبحني
المعهد انا انا كنت فيها جات فترة الكلاس فيه 12 سعودي وواحد روسي ورب الكعبه يا شباب الوضع كان جدا سى في الكلاس الكلام كلها عربي في عربي طبعا كل اصحابي واهلي في السعودية يقلولي ابعد عنهم ومش عارف ايش كنت اقلهم طيب لكن بيني وبين نفسي ما اصدق اشوف سعودي او عربي عشان اتكلم معاه ولا تنسو هاذي اول مرة اسافر لحالي المهم كانو كل اصحابي سعوديين وخرجاتي كلها مع عرب نادرا ما كنت اخرج مع اجانب ومع ذالك ولله الحمد انا اعتبر افضل واحد في المعهد من الشباب الي دسو معاي اكيد كلكم دحين جالسين تقولو هذا جاي دحين عشان يمدحه في نفسة هنا او ايش؟؟؟
المهم هذا الشى مو عشان انا عبقري زماني او محد زي لا ابدا بس الفرق اني انا كنت شغال على نفسي اكتر منهم اول حاجة وهذا الشى الي كل ما اقول الاحد عنه يقلي انتا مجنون انا كنت يا شباب دائما في اوقات الفارغ اعمل ماحدتة بالانقلش بيني وبين نفسي يعني اتخيل نفسي متلن في مستشفى او طيارة او مول واجلس اتكلم وافك سوالف مع نفسي ممكن انتو تستغربو لكن انا اول ما سافرت كنت استحي اتلكم بهاذي الطريقة اكتبست خبرة وبعدين لساني اتعود على تكوين الجمل يعني لو بعدين صرلي نفس الموقف الي في بالي راح تطون الجمل مخزنها في بالي...
واتني حاجة كنت كل ما اسمع كلمة جديدة احاول اني احفظها واستعملها باقرب وقت عشان لا انساها
وبرضو كنت كل يوم وانا في الباص اتكلم مع اي شخص يكون جنبي ما افتكر مرة جلست جنب احد وما كلمته اقلها بس اقول هاي واحيان اوصل مشواري والمحادتة لسة ما انتهت
وبرضو كنت احاول ارجع البيت بدري عشان اتلكم مع العجيز الي ساكن عندها شوي قبل النوم
وكنت لمن ابغا حاجة اعمل كل جهدي اني انا اطلبها بنفسي حتى لو اول مرة ما عرفت احاول تاني لغاية ما اجيب الي ابغاها
اتمنى اني اكون رديت على كل الاخوان الي يشتكو من كترة العرب في المعاهد لانو مهما حاولتو ومها علمتو ما راح تقدرو تبعد عن العرب
وياريت خبرا نيوزلندا يقولو رايهم بالموضوع
واسف جدا على الاطالة وسامحنوي على الافكار المجنونة شوي