- السلام عليكم ورحمة الله وبركاته
- تدفع المخالفه يعني تدفع المخالفه وانت تظحك
- لا حول ولا قوة إلا بالله العلي العظيم
السلام عليكم ورحمة الله وبركاته
أولا أحب أعتذر عن انقطاع موضوعي السابق وهو (( شهر من المتعه في المغرب )) بسبب ظروف قاهره لكن أوعدكم بتقرير نار في روحتي القادمه وهي بتاريخ 28/6/2010 بإذن واحد أحد وبإذن إلي ماتنام عينه راح تكون أكثر من 500 صورة في تقريري القادم
مابي أطلع عن الموضوع شباب أنا صار معاي موقف في سفرتي إلي قبل إلي طافت يعني مو السفره إلي طافت لا إلي قبلها ......
جاني طراق لكن على قولت المثل كل طراق بتعلومه (( الموقف )) هو إني تعاملت مع شخص للأسف ما أدري شلون وثقت فيه وأجرت منه شقه وسيارة في مراكش طبعا أخوكم من الوناسة استلم الشقه والسياره بدون عقد ولا وصل امان وكنت دافع للسيارة 3000 درهم لمدة 10 أيام على أساس إني راح أروح فيها لأغادير مابي أطول عليكم السالفه وآنا في طريقي لأغادير تجاوزت الخطوط الارضية طبعا نقطه مهمه (( الخط المتصل لا تفكر إنك تتجاوزه لأنه مخالف 400 درهم طلعونها من جبدكم
المهم إن هذا إلي صار معاي بالفعل لقيت نقطة تفتيش بعد المنحنى هذا والله رزقني بضابط ما يعرف يمه ارحميني لا 50 درهم نافعه ولا 100 درهم نافعه ولا حتى 200 درهم نافعه
تدفع المخالفه يعني تدفع المخالفه وانت تظحك
المهم إن موهذي المصيبه المصيبه أكبر من جذي بوايد قالي هذي السيارة كرا يعني ( تأجير )؟ قلت له إي نعم كرا قالي عطني اوراق السيارة وعطني ورقه الكراء قلت في نفسي اوراق السيارة هذي انعرفها بس أوراق الكراء شنو ؟
المهم عطيته أوراق السيارة قالي هادي منتهيه صلاحيتها !!!!! قلت من داخلي منتهيه صلاحيتها؟ هذي علبه حليب مو سيارة !!!! قلت له ولكن هادي السيارة آنا كاريها من واحد وما قالي
الضابط : وشكون هادا إلي كريتها منو شنو سميت الشركة ديالتو أو المكتب؟
آنا :الضابط : قالي فين أوراق الكرا؟
آنا :الضابط : قالي هاكا آنا لازم أقيد إن هادا الطوموبيل مسروق ومخالف القوانين
أنا :الضابط : قالي دابا دابا 400 درهم لتجاوز الخط المتصل و400 درهم لقيادة المركبه بصلاحية منتهيه و 400 درهم لعدم حمل اوراق الكراء يعني المجموع طال عمرك 1200 درهم غير تحويلي لمخفر الشرطه بتهمه السرقه خ
طبعا قعدت اتوسل فيه كأني من طرارين مكونالدز !!!!!
المهم بعد التوسل والترجي وحب الخشوم قالي صافي دابا ادفع المخالفات وتعاود لمراكش اتخلص المشكله مع صاحبك
آنا : أعاود مراكش؟
والطريج إلي مشيته والدنيا إلي ناطرتني في أغادير؟ طبعا شريط الصور كلها مر في راسي بأقل من ثانيه
لا حول ولا قوة إلا بالله العلي العظيم
نرجع أمرنا لله المهم دفعت المخالفات وتخنقني العبره على ال 1200 درهم راحوا بالهوى من غير أي فايدة وطبعا الحين مافي أحد براسي غير شي واحد (( محمد إلي اجرلي الشقة والسيارة )) طبعا اتصلت عليه ورد علي الحبيب بكل ثقة وقلت له محمد أنت ليش ما عطيتني العقد وأوراق السيارة شوفوا الجواب الساحق إلي جاوبني إياه قالي أنت ما عطيتني فلوس عشان أعطيك العقد
قلت له محمد أنت عقلت علي آنا خالد إلي أجرت منك الشقه والسياره ؟
قالي إيي اعقلت عليك ولكن ما عطيتني والو احنا التفقنا إن عند التسليم غادي تخلص لي الفلوس
قلت بس والله ورحت فيها يا خالد
وهذي من ناحية أخرى عشان تتعرفون عليه من كل الجهات
طبعا اللوحه إلى على المبنى هذا اسم شركتهم ومكتب خدمة العملاء في الدور الثاني عند الأخت مريم الحساني طبعا إنسانه خدومه وخلوقه (( يعني تعرف الاشياء والمتطلبات إلى يحتاجها السائح مثل شقه في موقع ممتاز وسيارة مناسبه ....... إلخ ))
طبعا آنا تعاملت معاهم شهر كامل بسفرتي الي طافت وأجرت منها سيارة ب 250 درهم موديل 2009 هذي اهي السيارة
http://www.mlfnt.com/
وأجرت منهم فيلا هذي هي ولكن التصوير موتصويري طبعا
http://www.mlfnt.com/
طبعا الصاله هذي كانت اتطلع على الحمام السباحه آه والله أيام
http://www.mlfnt.com/
وطبعا يبقى أقوى شي هو هذا
سعر الفبلا كان ب 3800 درهم في اليوم ومساحتها 40.000 متر مربع 40 كيلو متر مربع وموقعها جدا ممتاز قريبه من النخيل
يتبع
فا قلت له آنا عطيتك 3000 درهم للسيارة لمدة 10 أيام وعطيتك 1800 للشقه لمدة 3 ايام شنو نسيت إنت جالس تظحك معي اياك عافاك قولي إنك تمزح
قال لا والله أنا اهدر معاك بالصح إنت ما اعطيتني والو
!!!!!!!!!!!!!!!!!!!!!!!!!!!!!!!!!!!!!!!!!!!!!!!!!! !!!!!!!!
قلت اها شكلي راح اكنسل السفرة وأرجع باكر
وآنا باقيلي اسبوع المفروض أقعد فيه بأغادير بس وحيات الله ما أرجع
المهم عرفت إن السالفه نصب واحتيال ورجعت له مراكش وقلت له إنت ما تبغي تعترف إنك أخذت مني الفلوس اياك ؟قلت صافي هادا الطوموبيل ديالك ومالك عندي والو قالي آنا أبغي الفلوس قلت له روح للمخفر وقولهم آنا عطيت واحد خليجي سياره بدون عقد وخلهم يرجعون لك فلوسك مني يلله بسلامه عليك ومشيت وآنا ماشي في جيليز طاحت عيني على مبنى هذا هو
للأسف مواقع رفع الصور فيها مشكله اليوم
عموما يا جماعه آنا ادري إني طولت عليكم الموضوع هذا المبنى فيه مكتب هذا المكتب لولا رب العالمين ثم هالمكتب كنت راح اكنسل سفرتي بس فعلا ريحوني بالمعامله بشكل ما تتصورونه طبعا هذا المكتب كل ما يخطر ببالك موجود عندهم مثل أجار فلل وشقق تأجير سيارات ينسقون لك رحلات ..... الخوالصراحه سفرتي إلي طافت شهر كامل نسقت معاهم من الكويت الشقه والسياره وكل شي تصوروا حتى الانترنت جهزولي القطعه والاشتراك لمدة شهر وإن شاء الله لما يضبط موقع رفع الصور راح أحط لكم صور الفيلا إلي اجرتها بسفرتي إلي طافت والشقق والسيارة إلي اجرتها منهم ب 250 درهم موديل 2009 + (( عقد وأوراق الكراء ))
وفعلا فعلا رجعوا محبت مراكش في قلبي ولا كنت بحلف إني ماراح أطبها مره ثانيه