قصة حب تايلندية
12-12-2022 - 04:18 pm
السلام عليكم
لانكم اخواني وخواتي
نصيحة لوجه الله
انا الحين في سويس جاردن هوتيل
من اسوأ الفنادق اللي مرت علي
ما يميزه الموقع فقط
خدمات صفر
تم سحب مبلغ من الفيزا قبل وصولنا بثلاثة ايام ولما وصلنا الفندق انكروا ذلك
علما باني وريتهم المسج من البنك ع الموبايل
واتصلت ع البنك بالكويت وفعلا افاد بخصم المبلغ
لنا اليوم ثاني وللحين ينكرون ويتهربون
وواصروا ع دفع قيمة الغرفة كامل مع تجاهل المبلغ المخصوم
ثلاجة خربانة
اثاث كئيب والوان تقمت القلب
سيفون الحمام لايعمل
التنظيف رجعنا من السوق لنتفاجئ بتبديل الاغطية فقط والزبالة تكرمون تحت التواليت كما هي واناء كان فيه ثلج طلبناه اخر الليل عشان نقدر نشرب الماي مكانه كما تركناه طبعا الثلج ذايب وصاير ماء
اتصلنا بالاستقبال للاسف بكل وقاحة الموظفة تقول مو شغلي اتصللوا ع الروم سيرفس ؟؟؟؟
الفطور محدود وغير منوع فرق شاسع بينه وبين الرويال شولان والبارك رويال
فندق لا يستحق ربع نجمه
تجربه تقهر والله
اللي خلاني الغي حجزي في دوريست ريجنسي وامبايانا هو الغرفة العائليه عندهم
ندمانة جدا ع هذا الاختيار
لكم كل الود والاحترام*
فنادق ماليزيا
ومشكوره على هالنصيحه وياليت الاخوان كلهم اللي يتعرضون لنفس موقفك ياليت يبلغون بقية اخوانهم حتى مايمر عليهم مثل هالموقف
لو مكانك من البدايه وانكارهم لدفع المبلغ راح اترك الفندق واشوف فندق ثاني أريح نفسي ورأسي
ثم أكلم البنك المسؤؤل عن بطاقتي الفيزا وتأكد هل مبلغ الحجز انسحب او لا
اذا كان المبلغ انسحب من الفيزا عندهاا اروح لإدارة الفندق واتفااهم معهم بالطيب ولا بالعافيه