حادثة حصلتلي وانا راد من ماليزيا قبل عشرة أيام عن طريق إحدى الخطوط الخليجية وللأسف وكان رجوعي إلى بلدي عن طريق ترانزيت الدوحة
البداية جهزت الشنط أنا والمدام قبل موعد السفر من كوالالمبور بعشر ساعات وكان موعد الأقلاع الساعة 3,30 صباحا ولازم أعمل الشيك أوت الساعة 11 مساء واكون بالمطار قبل الموعد ب3 ساعات وصلت المطار وكان العمل بطيء لدرجة مملة جدا والجميع كانوا مذمرين وصل دوري وصعدت الشنط علي الوزن وحدث كلام بيني وبين الموظفة على أمر ( بعدين أقولكم عليه ) المهم طلبت من الموظفة انها تحط ستكر عدم الكسر علي الشنط قالت ok خذيت البوردنق وركبنا الطيارة وصلنا البلد واستلمت الشنط وكان التعب علي واضح ركبنا التاكسي وصلنا البيت وعلى طول رحت الفراش ونمت وبعد ماصحيت قامت المدام تفتح الشنط وخبركم تجهز الهدايا للأهل وتصنفهم والا شافت جنطه ( شنطه ) مشقوقه ( ممزقة ) زين الهدايا والملابس اللي فيها ما طاحوا وجنطة ثانية مضروبة بقوة ومطعوجه
( شنوا الإجراء) على طول اتصلت بالخطوط اللي بالمطار وحولوني علي المسئول وقلته السالفة شنوا رده
قال اخوي انت سجلت في الشنط محضر بالمطار ؛ قلتله اي محضر ! قال ضروري عند استلامك للحقائب والشنط تتفقدها واذا فيها شيء تسجل فيها محضر عند مكتب المفقودات اللي بالمطار وهذا المكتب موجود بجميع المطارات ! قلت أخوي انا أول مرة اسمع بالكلام وهذي معلومة جديدة لكن أنا راد من سفر بعيد وكنت تعبان ومو نايم وين الواحد يتأكد من الشنط هي سليمة ويقلب الشنط ويتفحصها الواحد يالله يوصل ويبي يخلص !
قال والله انا ودي اساعدك لكن هذي الإجراءات ! لو إنك سويت جذيه عطيناك تعويض عن الشنط .
قلت عموما تراني صادق بالأمر لكن ارجو انكم تحاسبون حمالين الشنط بداية من مطار كوالالمبور ونهاية إلى مطار بلدي لأنه هذي سمعتكم وهذي أموال الناس
الحين ياأخوان انتبهوا لجنطكم وحقائبكم تفقدوها قبل لا تطلعون من المطار عند استلامكم من السير