أخي الكريم
نصيحة من أخ لا تفوت عليك جزيرة لانكاوي
أعرف ناس كثير تندموا انهم ما راحو لها، أو ما طولوا فيها يوم شافوها لأنهم ارتبطوا بحجوزات وفاوتشرات .
بلد جميل جداً
الأجواء ممتعة
الطبيعة ساحرة
شواطئ بيضاء ما تحصلها الا في بلاد نادرة في العالم ، أو أثناء النوم فقط
غابات استوائية مشهورة
شلالات مذهلة ، وتعتبر أفضل شلالات في ماليزيا ، اذا شفتها ما يحتاج تروح لغيرها
جميع السكان مسلمين ،حبوبين ، تجد فيهم الخلق الجم والقناعة باليسير ، يحبون المساعدة بلا مقابل.
الأسعار فيها منخفضة ما عدا فنادقها تعتبر الأغلى في ماليزيا ( في هذي غلبتونا)
يعني وش تبغون لاحقين على الهيصة والبيصة في كوالا لمبور ، ضعوا لأنفسكم لحظات استرخاء وريلاكس.
والله ستجدونها أيام لا تنسى ، بشرط اختيار الفندق المناسب ( وأرشح بلانجي بيتش)
وأخيراً أقول
قد أعذر من أنذر :112: (هذا جاي يهددنا)
ماشاء الله عليك خطير
انت كسرت قاعدة الي كانوا كثير مترددين في زيارة لنكاوي
لكن بالفعل لنكاوي جزيرة هادئة جداً
وبالفعل الانسان محتاج هذا الهدوء والطبيعة الي فيها
على الاقل شوي يرتاح من صخب المدينة والزحمة
ياخذ له كم يوم في لنكاوي يمخمخ فيها ويريح راسه كذا ويكيف
بس على قولتك اهم شي يختار الفندق المناسب في موقع ممتاز عشان ينبسط
وبيني وبينك لنكاوي تنفع للمتزوجين اكثر شي
يعني شهر عسل مع الحرمة في لنكاوي كلام والله وآخر دلع
وبالفعل اهلها من احلى ما يكون من جد بسيطين ويقتنعوا بكل شي وعندهم روح المساعدة ايضا
وبصفة عامة اهل ماليزيا كلهم ماشاء الله عليهم طيبين لابعد حد ما تصورتهم بهذه الطيبة والخير والمساعدة الا لما شاهدتهم على الحقيقة والواقع ويستاهلون كل خير
شكرا لك اخوي على هذه الكلمات المفيدة والمعبرة
وحياك الله