- ويدعي بأنه يعمل في المانيا في شركة بوش
السلام عليكم ورحمة الله وبركاته ،،،تحذير
( يا اخون هذه القصة حصلت معي ولا احب انها تحصل لأي شخص مهما كان واتمنى من الجميع نشرها )
!!!!!!!!!!!!!!!!!!!!!!!!!!!
السائح الخليجي الاعزب مستهدف في شارع الاستقلال
طريقة جديدة للنصب
حينما تتجول في شارع الاستقلال يأتي إليك شخص تركي ويسألك سؤال تركي
وتجاوبه بأنك لست من تركيا ويخبرك بأن شكلك يشبه الاتراك في بعض المناطق التركية !!!!!!!!!!!
نصاب في شارع الاستقلال
أسمه عبدالصمد
ويدعي بأنه يعمل في المانيا في شركة بوش
( النصب عندهم مدخل .. اذا عرف يدخل معك بطريقة ودية بالبداية الله يستر من النهاية )
وأنا كنت أتمشى في شارع الاستقلال في آخر يومين من شهر رمضان الماضي قبل العيد .. شخص تركي وانا ماشي بأتجاه الميدان يسألني بالتركي سوال .. وبعدها وضحت له اني مش تركي ويقول لي شكلك يشبه الاتراك في مناطق ثانية.. مع ان الخليجي شكله واضح لونه ودمه وملامحه .. خذتنا السوالف انت من وين ؟ وش اسمك ؟ وين تشتغل ؟ مع مين جاي هنا ؟ متزوج ؟ ويقول انا جاي هنا شغل كم يوم وراجع .. ومثل ماتعرفون شارع الاستقلال طويل .. تطول السوالف فيه .. قالي شرايك نروح مكان نقعد فيه .. قلت له اوك .. بس خلني اصرف فلوس ونروح .. خشيت محل الصرافة وصرفت وهو كان واقف برا .. رحنا المكان .. يوم دخلت الا وهو بار قديم و هريان ومافيه زحمة ( طبعاً هو ماراح يقولك بار بالبداية ) .. قعدنا .. بلغته ان احنا في رمضان .. جاء المضيف .. قلت له اوك راح اطلب شاي وطلب شاي معاي .. قعدنا ندردش شوي .. شوي الا جاو بنات وحدة قعدت جنبي و وحدة قعدت جنبه .. وخش معاها سوالف !!!
بالنسبة اللي جنبي ماكلمتها هي اللي تسحب الكلام مني
جاء المضيف وقال تطلب لهم قلت له لا !!!!
بعدها قاموا ( مصلحة ) !!!!!!!!!!!!!
قعدنا شوي وجاب الحساب !!!!
الحساب 60 ليرة لما فتحته ( 2 شاي )
معقولة شاي قيمته 1 ليرة تركية بالاماكن الشعبية يباع بالبار ب 29 ضعف سعره ؟؟؟؟؟
قلت له الحساب 50 % - 50% قال اوك ( وهو الربحان )
دفعت اللي لي 50 ليرة ورجع لي 20 ليرة ودفع هو اللي له ولما جاب الباقي قال له خله لك .. لانه راح يرجع يتحاسب معه
بعدها طلعنا وقلت له هذا نظامي واحنا في شهر رمضان .. وقبلها كنت ماخذ رقمه .. سلمت عليه وعلى اساس يكون بينا اتصال
رجاءاً يا اخوان الحذر الحذر الحذر الحذر الحذر
فيه فئة بالشعب التركي للاسف النصب في دمها وهم على بالهم السائح الخليجي يجي يفسفس فلوسه ويمشي ( بنك متنقل ).. مايدرون ان نص ربعنا جايين بالسلف والفيزا
رقم الشرطة في تركيا 155 90 +
رقم شرطة السياحة في تركيا 2125274503 90 +
حفظكم الله من كل شر ومكروه
