السلام عليكم ورحمة الله وبركاته.
تقبل الله منا ومنكم الصيام وصالح الاعمال..
مشرفين المنتدى الاعزاء راح اوصل باريس مع العائله(3كبار,و4صغار) عن طريق القطار من جنيف بتاريخ 20/8 وموعد العودة 24/8 .. ياليت تفيدوني بالتالي:
- ما افضل وسيلة انتقال من محطة القطار إلى الفندق في شارع الشانز؟
- اذا ممكن تساعدوني في تخطيط برنامج لفترة اقامتي في باريس, علما بأننا حابين نزور ديزني لاند.
تقدرون اول يوم تاخون الباص السياحي يمر بيكم معضم الاماكن السياحيه المهمه اخذوا الجوله من الصبح عشان تغطون اكثر الاماكن ويمديكم تنزلون في الاماكن الي تبون
يوم مخصوص لديزني اطلعوا من الصبح وانزوا في المحطه الي قبل ديزني عشان الاوتلت اذا تحبون او مباشره روحو ديوني لنهاية اليوم
يوم تقدرون تزورون فيه فرساي اذا تحبون القصور وردتكم تروحون الحي اللاتيني او تاخذون جوله نهريه
ويوم خصصوه للتسوق جاليري لافاييت وروحوا لاديفانس تمشو في الساحات ومول الفصول الاربعه
حاولوا انه دزني ما تكون ويك اند عشان تتجنبون الزحمه
قصر فرساي يغلق يوم الاثنين واللوفر يغلق يوم الثلاثاء