- اذكر رحت لمول الساعه 8 لقيتهم مسكرين ولمول مهجور ماكن فيه احد
السلام عليكم
بفرح شديد وشكر عميق
اكتب هذا الموضوع لافيد فيه كل من فادني وماقصر معي بالاسفسارات والاسئلة لما كنت اجهز واخطط للسفره
بصراحة كان فيه بعض الملاحظات اللي كنت طول ماانا بالسفره اقول اقالولي عنها وماعلموني خ
مع ان الكل ماقصر بس من كثر ماجمعت معلومات وسئلت اسئلة طارت الاشياء من بالي بالرغم من اني كتبت الاشياء المهمه وسويت جدول السفره وترتيبها كالعاده
من الملاحظات
ان امريكا مثل بعض البلدان العربيه اللي لو مدولك منديل مدو اليد الثانيه يبون اكرامية>>باحيان يقلب الوضع لشي ينرفز
اورلاندو يوم الاحد وهو يوم الويك اند كل شي يفتح متأخر ويسكر بدري
اذكر رحت لمول الساعه 8 لقيتهم مسكرين ولمول مهجور ماكن فيه احد
اليونيفرسال وخصوصا للي مامعهم اطفال احلى بكثير من ديزني والعابها تهبل وخصوصاisland of adventurer
السي ورلد تجنن وحلوه مع اني كنت ناويه احذفها وماازورها ومستسخفتها بس بصراحه طلعت العروض اللي فيها حلوه وعلى مستوى ومتنوعه شي بصالة مغطاه وشي بالهواء والالعاب تجنن بس كللها تبلل اللبس لذلك يفضل الرين كوت يكون معكم
مطاعم اورلاندو ارخص من مطاعم نيويورك
وكل مطاعم امريكا لذيذه
وكل حلوياتهم تهبل
والبلد يسمن ههه
بخصوص ان امريكا رخيصه وكذا
انا ماشفت هالشي
امريكا صدق مش بغلا اوروبا بس جدا جدا مش رخيصه
وانت طول الوقت تصرف وتصرف وتكتشف انك صرفت مبلغ كبير واليوم توه ما بدء
بس بصراحه تصرف وانت فرحان ومستانس ومش خسارة
ضروري يكون معك صورة من الايدي او قصدي الجواز لما تكون بتتعامل بالفيزا او الماستركارد
ولا تنسى تتأكد ان توقيعك موجود عالبطاقة ايضا لان حتى لو ابرزت البطاقة والايدي بس طلعت مافيها توقيع على ظهر البطاقه اذن ماراح يقبلونها
في الاوتلت فقط طلبو الاصل ومارضو بالصورة بس لما بينت اني برجع الاغراض وزعلت حاسبو وسكتو
الاوتلتات بأورلاندو اثنين واحد قريب من الانترناشيونال درايف يعني قريب من اليونيرفيرسال
وواحد قريب من ديزني
في اشياء كثيرة بالاوتلت اسعارها عاديه لا اوتلت ولاشي وفيه اشياء تكون عليها تقاات معينه تبين ان عليها سيل او اوفر وتقدر تسئل الكاشير ويساعدك
مش قريب بمعنى قريب لكن اقصد اقرب شي له
احيانا الباركز بالنهار بدري تكون حر وتهد الحيل وماتقدر تلعب فحلو الواحد يروح على سعه ااذ بردت الشمس خصوصا اذا مش مرتبط بشتل ومواعيد
محل ماقنوليا اللي ذكره ابو لودي بالتقرير وهو بنيويورك بظهر مبنى روكفيلر عندهم كب كيك بالفنيلا قاتل وبراوني خورافي
كل الشعب فريندلي وحليو وتمشي وتسولف
سيرك لانوبا التابع لسيرك دوسوليه اللي باورلاندو خيالي ويجنن
وعرض بلومان كان مبهر وحلو وفي فقرات سخافه بس مبهر وجديد وترا وقته شوي طويل حول ساعتين ونص
بالنسبة للباص الازرق انا جربته بنيويورك واللي هو city sight التذكره اللي لمدة يومين تكون شاملة توديك لحد القارب اللي ياخذك لتمثال الرحيه كجولة فقط بدون النزول للجزيرة
وبصراحة يقهرون لان دوامهم يخلص بدري وممكن باخر لفه اللي اتوقع عالساعه 6 ونص او 7 ينكبكم ومايجي مثل ماسوا قينا وضيع علي ساعه الا ربع انتظار يعني اظطريت اخذ تكاسي
احلى وقت لزيارة الامباير ستيت بيلدينق هو عالساعه 7 بالصيف
لانك راح تلحق عالنهار والليل وتصور باحلى حالات
الدور 86 مايكون فيه قزاز فالصور تكون واضحه واحلى
طول الوقت يسئلونا انتم من وين واحيانا يكلمونا اسباني
مطعم i hope باورلاندو يفشل كنه بيتي فرانس بالزحمه وقل الترتيب بس اكلهم لذيذ
جربت i ride trollyباورلاندو فاشل بصراحه متنا حر وهو ماجا
يبيله ناس مطولين بالبلد ومايهمهم الوقت وانا قلبي يحرقني ابي اشوف كل شي ومايضيع يومي
لان الصدمه ان بين كل باص والثاني 20 دقيقه او اكثر
مع انه يوصل لحد اوتلت الانترناشيونال درايف
اورلاندو ذكرتني بالدمامبسلحد يضحك علي
مدري مع الرطوبه اختبصت علي الامور ولا صدق خ
بالنسبة ل جيزني epcotفهي ابداع والعب فيها قليل ومايسوى بس كل بلد فيها مطعم بالظبط زي اجواء البلد الاصلي واحلى شي المكسيكي كان ابداع والايطالي كان كنه فيلم ايطالي راقي
اشياء كثير
وكل شي حلو
والبلد امان وتونس
ويومهم طويل وماتوحش بالليل
واحلى شي بأورلاندو مطعم eat at joe's
اللي بالجامايكان كورت بالانترناشيونال درايف
لمحبين الاكل البحري وكان تجربه خورافه كل شي فيها غريب
يبدو ان تأثير الصوم مبين علي
رمضان كريم واتمنى اكون افدت وعارفه المعلومات ملخبطة وحوسه وبدون صور لكن هذا اللي اقدر عليه حاليا
وكل عام وانتم بخير
و شكرا عزيزتي عالمعلومات القيمة ما قصرتي..
بس ياليت تقولينلنا وين سكنتي بنيويورك و اورلاندو؟؟ و رايك بالسكن
و على اي طيران سافرتي؟؟
و سالفة الجو صراحة قلق؟؟!! يعني نطلع من حر السعودية نبغى نصيف و نرتاح مو ننسلخ في الحر؟؟
مدري كيف حاتكون الاجواء في سبتمبر؟؟
و شكرا اختي مرة ثانية..