آسف جدا على العنوان الطويل لكن ليس المقصود من تأليف كتاب .. واليكم ما يلي :
هل أستأجر من المطار أم من مكتب خارج المطار (سواء في الفندق أو خارج الفندق) :
- الجواب من المطار طبعا .
- هل هناك مكتب معين ؟؟ جرب شركة ناشيونال انا جربتهم قبل اسبوعين تقريبا قمة في الادب والتعامل .
- طيب ليس من المطار أحسن ؟
الجواب للأسباب التالية :1 - أوفر لوقتك لأنك مباشرة تطلع من المطار بالسيارة المستأجرة .
2 - أوفر ماديا لأنك مو بحاجة تدفع فلوس للتاكسي والذي تبدأ فتحة عدادة بثلاثة وعشرين درهم .
3 - مباشرة تقدر تشوف كل السيارات الموجودة عندهم وتختار اللي تبي وتشوف الموديلات والانواع وتركب وتجرب الى ... الى آخره .. يعني بالعربي تاخذها وانت مطمن وعارف شنو اخذت .
4 - تسليم السياره عند العودة الى المطار ولا تخاف بكل سهولة ادل مكان المكتب لأنه الله يخليهم في دبي حاطين يافطات في كل مكان بالمطار حتى يافطة تدلك عن أماكن تواجد استئجار السيارات يعني سير على الأسهم وتلاقي نفسك عند المكتب بالطبط .
5 - لايحتاج تخلي جوازك فقط صوره عن الجواز وبطاقة الائتمان ودفعة على الحساب وصورة الرخصة طبعا .
وفي الاخير سلامتكم وتعيشون مع تمنياتي لكم برحلة ممتعة ولا تنسونا من صالح دعائكم وأي استفسار انا حاضر بالخدمة .
- ملاحظات سريعة :
- يبدو ومن حكم التجربة ان المكاتب التي تحجز جواز السفر الاصلي تقوم بذلك حسب خبرتها ونظرتها للزبون يعني ممكن تاخذ جوازي وما تاخذ جوازك والعكس صحيح .. يبدو يا أخي فراسة الخبرة
- حتى اذا طلب منك المكتب حجز الجواز هناك اقتراح جيد وهو مجرب بأنك تحضر معاك جواز سفر المدام شرط أن يكون غير منتهي الصلاحية وتطلب منهم يحجزونه بدل جوازك والحقيقة هذه الطريقة انقذتني في مرة من المرات بحكم انه كان عندي مراجعة للسفارة هناك ، فقلت آخذ معي جواز المدام فتفاجئت بأنه ما عندهم مانع .
- استئجار سيارة من الخارج مشكلته انك بضيع وقتك في البحث عن مكتب وعن السيارة المناسبة لأن اكثر المكاتب تتصل فيهم ويقولك في سيارة بعد ساعة او ساعتين والموديل كذا والمواصفات كذا وتتفاجىء بعكس الكلام اللي قالك اياه ويحطك امام الأمر الواقع .
- كم قيمة الاستئجار اليومي .. ؟؟
الصراحة يمكن يكون غالي شوي بس تكون مطمن انت شنو ماخذ وركبت السيارة وعارف شنو هي .. وعلى كل الاستئجار اليومي للسيارة اللي اخذتها وهي فورد موديل 2009 ، 3000 سي سي 170 درهم .
