- ومن اراد المزيد فانا جاهز لاستفسار
- نصائح اضافية
- 2- نزل برامج الترجمه الي بالصوت الترجمان
اخواني اخواتي المسافرين والحاجزين على الشمال التركي في الصيف2013 وقت مباريات كاس العالم للشباب اارجوا توخي الحذر فيما يلي حيث انني كنت فيها في شهر 7 عام 2011 وكانت هنالك بطولة اوربيه في طربزون والحمد لله كنت قد سافرت قبلها بيومين لكن اطلعت على ما واجهه الاخوان السائحون من مشاكل و طرد من الفندق واجلائهم لفنادق ثانية اكراما للمنتخبات الاوربيه المشاركة وذلك لان طربزون ليس فيها الا فندق واحد هو 5 ستار وهو فندق النوفتيل لذالك ارجوا ان تتوخو حذركم وحرصكم اذا قد حجزتم حجوزات غير مسترجعه ارجو ان تحجزو من الان سيارة خاصة مع السائق بالاجر اليومي وعليكم البحث عن اشخاص متواجدين او قد سافرو لتاخذو ارقام المكاتب للحجز اما من لم يحجز لا فندق ولا سيارة فا اقول له لا تذهب الى الشمال التركي وقت المباريات لان الاتراك لا يهمهم الا من يدفع اكثر وليس لهم كلمة كالعرب ممكن ان يخلف كلمته معك ويغير رايه اي وقت واعطيكم امثله حصلة معي وقتما كنت هنالك مع اسرتي ولاسف لا يقدرون اسرتك همهم الفلوس وبس
حيث حجزت في شهر 7 لمدة 3 ايام في النوفتيل وعند وصولي طلبت تمديدي 7 ايام فرفض الفندق بحجة ان الفندق محجوز من داخلي مصمم ان اجلس في الشمال التركي واستمتع بالطبيعة فمنذ صباح اليوم الاول ذهبة الى منطقة مركزيه يسمونها المركز مثال وسط البلد وهنالك مكاتب الاجار للعقارت وللسيارت والبنوك فا اخذة تكسي وذهبت هنالك وذهبت الى عدة فنادق نظيفه لكن كلها مليئه ولا يعطونك وجه واسعار نار يتصيدون حاجتك ثم ذهبت الى مكتب اجار سيارت فتناقشت معهم فقلت لهم اريد ان اخذ منكم سياره مع سائقها لمدة 10 الى 9 ايام لكن بشرط ان تدبرو لي سكن شقة ولا فندق 5 ستار المهم بعد ساعة اتصالات وكان النقاش معهم داخل المكتب عبر العم قوقلل الترجمان حاطين هالكنوتر وتطقطق مره تركي من جهتهم ومره انجليزي من جهتي لين طلعنا انهم لقو لي صمصار او دلال عقار او مكتب عقار ورحت معهم له قابلنا و صار الاتفاق على شقه رحت شفتها في عماره 5 ادوار بدون لفت الشقه بالدور الخامس واعجبتني وكنت مظطر قدامي بقاله وحولي ممطعم 5 ستار وعلى شارع رئيسي رجعنا وتم الاتفاق على 100 دولار لليوم ويوم جا 3 يوم للفندق لازم اخليه وارجع ابي استلم المفتاح للشقه الا ويرفع التركي علي الاجار 40 دولار لليوم فصارت ب140 دولار وقلة مايصير هالكللام وانا معي عايله وقدر وضعي قالي بكل بجاحه عندنا اولمبياد واذا ما بغيتها غيرك بياخذها انقهرت بغيت العن جدفه لكن ماحولك احد قلة حسبي الله ونعم الوكيل وخلني اخذها عشان عيالي 3 غرقف ومطبخ وصاله ومغسلة ملابس شقة مفروشه واخذنها بالغبن من التركي وسكنا فيها ومعي سواقي وسيارتي الي اجرتها
2- بالنسبة للسواق كان يعرف انجليزي فكان يجينا ن عشر الصبح ويطلع يفرفر فينا في هالجبال الخضرا الي 7 المسا نرجع ينزلنا اما عند الشقه او في احد المجامعات نتمشي ونتعشي ونرجع للبيت وهكذا برنامجنا
3- المئخذ على السواق اول الايام كان معنا ممتاز بالتعامل والاخلاق لكن اخر يوم خربها على ما اعطيه من اكراميات واغديه بالروحات في الاماكن واعطيه اكراميات لكن اخر يوم لاسف خرب كل شي اخر يوم لي انتهي عقد السيارة وكلمتهم جددو لي عطوني يوم رفضو المكتب وكلمت السايق قلة اجر لي سيارة نفس الموديل ونفس السعر مادريت الا جايب لي سيارة اقل موديل وماهي مناسبة بلعتها وسكت ودنا للسوق الا يقولي انا عبيتها 10 ليرة وصفطت بعشرة ليرة للبراكنق صار يحاسبني حسيته يبي يسحب ويستفيد مع اني معطيه والله اكراميات له ولهله تقارب 400 ليرة خلال 10 ايام والغدا علي شببه يومي والديزل علي وكنت ناوي اهديه 200 دولار قبل ما امشي لكن لاسف لقيته تغير اخر يومين يوم عرف اني على وشك سفر
فانصح كل مسافر لاي مكان وخاصة تركيا ان يتوخا الحذر والا يخبر السائق عن موعد سفره لكي لا يتعرض للابتزاز
ومن اراد المزيد فانا جاهز لاستفسار
نصائح اضافية
1- عند وصولك لمطار اتاتورك تحت او فوق بالصاله الداخليه لمن اراد السفر الى طربزون هنالك اكشاك تبيع شرائح تركت سات هذي مجربه اشتغلت معي لمدة 10 ايام بعدها رجعت للملكة انصح بشرائها وشحنها 50 ليرة وشحنها ب1 غيغا انتر نت للانك سوف تحتاج الانترنت بجوالك
2- نزل برامج الترجمه الي بالصوت الترجمان
3- كتاب صغير لتعلم اللغة التركية من اي مكتبة يفيدكم بالتنقلات وخله معكم
4- اذا اردت استئجار سيارة الافضل لك كعائلة ان تاخذ السيارة بالسائق نصيحة لاتعتمد على نفسك لكي لا تضيع وقتك بالبحث عن اماكن السياحة في الشمال التركي اعطي الخباز خبزه لو اخذ نصه و بالنسبة للحرية العائلية راح ترتاح في اي مكان وقفه وتمشا انت وعيالك
5- لا تعلم السواق عن اخر يوم سفر عندك قبل سفرك بيومين او 3 قله او لمح له بانك راح تمدد اكثر بس جالس تحاول بالفندق يمدد لك اكثر واخر يوم الي بتسافر فيه قلة ابي ارتاح والفندق وافق لك ومدد لك لكن راح تكلمهم بعدين عشان تمدد الاجار واسحب وسافرمع اي سواق تكسي ولو عرف انك بتسافر او شافك قله جاني ظرف طارئ والغيت الاقامه ولا الفندق رفض يجدد لك شف لك اي حجة لدامك معطيهم اجار السيارة وماقصرة معهم انتبه تعلمه عن موعد رحلتك ولا حتي عيالك اذا كان معك شباب عشان ما تنفضح معه عشان تفتك من السواق لان السواقين في مكان يبون يستغلونك قبل سفرك انتبه
6- حاول تاخذ معك جي بي اس من دولتك عربي واضف فيه خارطة تركيا عشان تستفيد وتفيد لجيت تسافر مره ثانيه
7- اخر يومين خله للتشري وزر اكثر من محل لا تستعجل وكاسر باسلوب لاتتنرفز منهم
8- لا تجلستبذر نفسك اكراميات مع السواق ممكن تسويها بعد نص المده تعطيه 50 اكرما له اذا صار تعامله ممتاز معك غيرها لا
9- الاكرام وانت تدفع اجار المطعام لا تتعدا 3 ليرة عند دفعك للفاتورة
10- انتبه للوزن ترا ماعندهم واسطة ولا طلبتك الطيران تجلد جلد
11- الي بينزل اسطنبول فيه سوق شعبي يم شارع الاستقلاال هناك اشتر حلوياتهم حلوي بالرمان لا تفوتك عسل ويا ما احلاها
12- لو معك اهلك يلبسون عباة راس ونقاب ولا برقع الامر عادي جدا لو اسئلوكم ممكن يقلون لكم انتو من عرب ستان او ايران
13- كلمات سجلوها بورقه واححفظوها الارقام من 1 الى 10 بالتركي
اسم شارعكم منطقتكم
وكل عام وانتم بالف خير
ة ه\ا الصيف وممكن نتواصل بالايميل
يمنع وضع الايميلات في المواضيع بإمر من الادارة لذا وجب التنبيه
((الحوسني))