السلام عليكم ورحمة الله وبركاتهكالعادة بدون مقدمات
أهم التماشي جدا جدا جدا من وجهة نظر العائلة :
1- سكاي دبي ( كل العائلة )
2- كيدزينيا ( الأطفال ) (يوم كامل وقد لا يكفي )
3- وايلد وادي ( الفترة النسائية ) بالنسبة للنساء تعادل السفرة بكاملها.
وتصلح لكل النساء حتى اللي (...).الملاحظات :
1- بعضهم يطلع من الفندق وياخذ تاكسي للمترو
و بعد المترو تاكسي للمكان المطلوب
وأقل سعر لو 10 متر
التاكسي ياخذ 10 دراهم
اللي يفكر بهالطريقة يحسبها صح لأنه أحيانا تكون مكلفة أكثر
من تاكسي واحد يوصلك على طول
( خصوصا المسافات القصيرة )
2- فسيتفال سيتي مول أقرب طريقة للوصول له
هو محطة طيران الامارات وبعدها راح يكون قريب بالتاكسي
أو بالباص
3- وايلد وادي تذهب لمحطة مول الامارات و بعدها تاكسي ب10 دراهم
4- وايلد وادي للنساء فقط يومي الخميس والجمعة من الساعة 8 مساءا الى 1 فجرا الشخص 205 درهم
اما الرجال تسكر الساعة 6 مساءا ( كل يوم)
حتى لو كانت المرأة (....) تقدر تروح عندهم حلول لا تحرم نفسها المتعة
ملاحظة : هي ملاهي مائية وليست سباحة
(قمة المتعة )
5- ابن بطوطة و دبي مول ومول الامارات
محطة المترو على نفس الاسم فمثلا
محطة ابن بطوطة توصلك ابن بطوطة مول
6- اتلانتس (محطة نخيل)
6- ميركاتو مول عادي جدا (حسب كلام الحريم)
7- مول دبي الأروع ولا حتى 3 ايام تكفيه ( للنظر فقط وليس التسوق)
التسوق يمكن 5 ايام
زوجتي اربع ايام وكل يوم اكثر من خمس ساعات وما لحقت تتفرج على المحلات
8- أول ما توصل مطار دبي تحويل العملة أغلى من داخل البلد
( اتكلم عن مطار ترمينل 2)
9- اذا سحبت من الصراف انتيه ان فيه الشبكة الخليجية راح يكون أرخص
( منقول من أحد الأعضاء)
10- بعض الفنادق وحتى الرخيصة عندها باص مجاني ممكن يوصلك المطار
أو مراكز التسوق أو الشاطئ .أسأل الفندق
11- عند حجز فندق من بوكينق ناظر القائمة على اليسار
وشف كم يبعد محطات المترو عن الفندق
( اذا كنت ناوي تعيش عالمترو )
12- مول دبي أسعاره خراافيه جدا , يعني بيت للجوال حصلته ب300 ريال من كشك
و بالمقابل زوجتي اشترت نظارة من ماركة عالمية (محل) ب30 ريال
كان عنده تخفيضات
13- السينما في ابن بطوطة مميزة ولا أعلم أنها الأفضل أو لا
(فيها ميزة خاصة يعرفها أهل السينما)
14- عروض الدلافين في حديقة زعبيل
يوم وصلت قالوا انها ملغية لأن ما فيه احد
حر من يرووح الحديقة
ملاحظة : سعر التذكرة غير يوم الأثنين وصباح الجمعة
3 أضعاف
ملاحظة 2: لا يوجد فرق بين vip والعادية ( معلومة منقولة )
15- سكاي دبي + كيدزينيا قمة المتعة في الصباح
وتقل مع مرور الوقت نتيجة الازدحام
( لا ينصح بالذهاب ايام الويك اند )
16- دائما كل شي في الصباح أفضل
17- لا تروح الأماكن المشهورة واللي عليها طلب في الويك ااند
18- متحف دبي مكان رائع جدا وقليل جدا جدا من يذهب إليه
الدخول 6 دراهم لمن هم أكبر من 6 سنوات
بس الصراحة حر موت والتكييف رديء
قلل المتعة
( محطة الاتحاد أو ما حولها)
19- أحد الهنود عرض علىي يوصلني من دوار عبد الناصر إلى متحف دبي
ب50 درهم وتجاهلته وصلها 40 وصلها 35
اخر شي مشى
ركبت تاكسي وبالعداد طلع المشوار 15 درهم فقط
20- بالنسبة للمرأة السعودية و سكاي دبي
الوضع اوكيه ( عشان العبايه وكذا ) لا تشيلين هم فوق العبايه
والامور طيبه
21- المترو يسكر الساعة 11 وبعض المحطات في بعض الأيام 12
لا تتأخروا في السوق وما تحصل مترو
22- الباص قي دبي شي رائع لا داعي للتاكسي
و تحصله في كل مكان و 2 درهم للشخص
اعرف مواعيده وراح ترتاح
( غير مناسب اذا عدد الأشخاص كبير )
ملاحظة : يوم كنت انا زوجتي فقط
كنا نمشي وبعدها مترو وبعدها باص
والعودة باص + مترو + مشي