- لأن هذه المواقف تتكرر يومياً مع كل المسافرين
- قبل ما أبدأ أحب أنوه ان الشعب التركي شعب عظيم ومتواضع في نفس الوقت
- 9- حط جوازاتك وفلوسك في السيفتي بوكس (الخزنة) وتأكد انها مقفلة تمام.
أخواني وأخواتي الأعضاء السلام عليكم ورحمة الله وبركاته
ما أدري ليه لما الواحد يكون مكروف في الدوام يبدع!!
مقولة لعميد العرب
هذه بعض النصائح جات في بالي مع أحلى استكانة شاي تروق البال و مو بس للي يبغى يسافر تركيا
لأن هذه المواقف تتكرر يومياً مع كل المسافرين
قبل ما أبدأ أحب أنوه ان الشعب التركي شعب عظيم ومتواضع في نفس الوقت
وأغلب الشعب طيب ومحترم ومتعاون وخدوم , لكن زي مافي ناس خربانه في كل مكان في نسبة بسيطة في تركيا من هذه الفئة و للأسف السائح ممكن يتعرض لمواقف عديدة معهم , ولكن زي ما قلت بشكل عام الشعب التركي على قولة اخواننا المصريين أقدع ناس.
أنا ما أحب ركوب التكاسي إلا للضرورة ولكن للي يحب يركب تاكسي
1- حاول تقرب نفسك بالمواصلات العامة قد ماتقدر عشان تقلل التكلفة على نفسك
2- اذا حبيت تركب تاكسي اختار واحد شايب أو شكله محترم (عاد انت ونصيبك) التكاسي بالآلاف.
3- اذا تعرف الطريق والمسافة حاول تتفق على مبلغ بدون تشغيل العداد
4- تأكد انه فاهم عليك ان الحساب بالليرة التركية لأن بعظهم يستعبطوا
5- سجل رقم اللوحة أو صورها اذا حطيت عفش في السيارة احتياطاً
6- أول ماتركب تأكد ان العداد ماكان شغال من أول
7- انتبه عالعداد اذا ركبت بالنهارلأنه بعض السواقين يضغط على زر حساب الأميال أو الكيلوات بالتسعيرة المسائية بعد الساعة 12 وهذه فيها زيادة
8- لو تكون عارف الاتجاهات عن طريق جهاز جي بي اس أو خريطة مطبوعة يكون أحسن
9- خليه يوقفك عند المكان المطلوب بالضبط , مو يقلك كلها 20 متر كملها مشي.
10- لما تحاسبه أفضل يكون عندك فكة
11- وريه الورقة قبل ما تسلمه الفلوس في يده انها سليمة مو مقطوعة
12- في تشابه في الألوان بين فئة الخمسة ليرات والخمسين ليرة فخليك صاحي
13- تأكد من أغراضك قبل ما تنزل وبالسلامة
في المطاعم
1- قبل لا تجلس اطلب المنيو وتفحصه تمام وشوف الأسعار تعجبك أو لا
2- بعض المطاعم للأسف عندها نسختين من المنيو سياحي ودرجة أولى فانتبه
3- يمديك تكاسر في أسعار المنيو في بعض المطاعم قبل ما تطلب !! أدري شي غريب بس موجود خاصة في القرى والمناطق الريفية.
4- اسأل اذا فيه رسوم خدمة أو لا لأن مو كل المطاعم توضح الشي هذا في المنيو.
5- اذا عجبتك الأسعار خلي نسخة من المنيو معاك لين ما تخلص أكلك.
6- احسب إجمالي حسابك من بدري.
7- واذا عجبك الأكل في مطعم وماعندهم رسوم خدمة انت حر تعطيهم بقشيش أولا حسب تعاملهم معك.
في الفندق
1- اقرأ عن الفندق قبل لاتحجز فيه وركز على آراء الأجانب فيه.
2- اقرأ السلبيات قبل الايجابيات.
3- اذا حجزت بالنت دون الملاحظات اللي تحتاجها وخلي حجزك قابل للإلغاء اذا ماتعرف الفندق وكان أول مرة.
4- بعض الفنادق توفر خدمة نقل من وإلى المطار مجانية , يعني تتواصل معهم وتتأكد من بدري حتى لو ماكان مذكور في موقع الانترنت.
5- أكد عليهم انك بتدفع المبلغ قبل المغادرة.
6- اذا كان حجزك أكثر من 3 ليال وبإلغاء مجاني تقدر تتفاهم معاهم على شغلات كثيرة وتشترط اللي تبغاه.
7- اذا سبق وحجزت في نفس الفندق اتصل عليهم واطلب حجز بسعر أقل واحجز عن طريقهم مباشرة.
8- اذا ماعجبتك الغرفة اطلب تغييرها مباشرة قبل لا تجلس فيها
9- حط جوازاتك وفلوسك في السيفتي بوكس (الخزنة) وتأكد انها مقفلة تمام.
10- اذا كنت خارج وما تحتاج أحد ينظف غرفتك حط بطاقة عدم الإزعاج كأن في أحد بالغرفة.
11- للأسف في بعض الفنادق تحصل سرقات من نفس عمال النظافة , ويقدروا يفتحوا السيفتي بوكس وياخذو مبالغ بدون ما يحس النزيل, عشان كذا حط المبالغ في ظروف رسايل وخلها موزعة ومقفلة بطريقة ماحد يقدر يفتح الظرف بدون ماتنتبه , يعني لما تكون معاك ليرات كثيرة مثلاً ما حتنتبه لو أخذ ورقة وحدة من فئة خمسين أو مئة أو حتى مئتين ليرة اذا ماكنت مركز , فأفضل توزعها في ظروف وتسجل المبلغ اللي في كل ظرف كتابة على الظرف من برا.
12- إقامة سعيدة ان شاء الله.
في محلات الصرافة
1- اذا احتجت فلوس روح للأماكن اللي فيها محلات الصرافة بكثرة ومافي مانع تشيك في البنوك كمان.
2- حاول انك ماتروح في أيام الإجازة لأنها تكون أغلى شوي بحكم ان البنوك وبعض الصرافين مقفلين.
3- عد فلوسك قدامه وتأكد قبل ما تمشي
4- اذا تبغى تشتري دولار تأكد انه طبعة جديدة.
5- خذ ايصال مختوم من المحل وكرته كمان احتياطاً.
هذه نصائح عامة جات على البال ، واللي عنده زيادة ياليت يتحفنا فيها
وأنا ما أقول ياغريب خلك أديب وبس
لكن يا غريب خلك ذيب
لاتنسوني من دعائكم
وواضح انها خلاصة تجربه .........
فبارك الله فيك اخي العميد ........