- برنامج مقترح :
- فوكيت ( مطار فوكيت دولي )
- شنق ماي : من بتايا الى بانكون وعلى المطار الى شنق ماي
- مهم جدا
مساء الخير
عرفاناً لكافة الاعضاء في هذا المنتدى ( وصولي على معلومات جيدة في رحلات السفر)
اولاً : اختيار شركة الطيران ( مستواها ، السعر ، عدد الرحلات الاسبوعية ، وهذا يفيد اذا كنت مسافر في اوقات الصيف ، وقت الذروة ) .
ثانياً : تحديد المدن المراد زيارتها ( مثل فوكيت ، بانكوك ، باتيا ، شنغ ماي ، شنغ ماي ) ، وكذلك مدة الاقامة بكل مدينة وما يتخلالها من البرامج الرئيسية .
ثانياً : توقيت اقلاع الطائرة ووقت الوصول والمدينة المراد الوصول لها ( مثال بدون تأكيد هل تتجة الرحلة الى مدينة فوكيت ذهاباً والعودة من بانكوك الى ارض الوطن ، ( لان وصولك الى بانكوك بعدين السفر الى فوكيت ثم العود الى بانكوك ومن ثم الى شنغ ماي فيها ضياع للوقت ) ،
رابعاً : خطوط الطيران الداخلية : البلد سياحي قديماً ، يوجد تقريباً اربع شركات ومافيه قولت احجز قبل لا على طول اطلع كونتر الشركة واطلب اقرب رحلة والسعر وادفع وخلا ل نصف ساعة او ساعة وانت بالطائرة ، وتتراوح اسعارها ( 200 ريال الى 150 ريال سعودي ، من فوكيت الى بانكوك او بانكوك الى شنغ ماي ) وانصح بشركة الطيارن ون تو قو لا تنسون على فكرة في شركات مالها داعي مثل اول ما تركب الطيارة كل واحد يركب في اي مقعد او انهم مايقدمون الموية ، الشركة ون تو قو سعرها 150 ريال الى 170 ريال وعلى الاقل يقدمون شي مويه او شي خفيف على ان اكلهم ما احد يتقبله ، وممكن تأخذ الحجز من احد المكاتب فقط تذكرة ، ترى عليهم حركات اول ما توصل بانكوك وبتروح الى فوكيت تلقى راعي المكاتب يتصيدون الجاين بقراطيسهم يقولك خذ التذكرة 170 ريال وهي بالشركة 200 ريال بس بشرط احجز عندي سكن في فوكيت ويصر عليك تأخذ اكثر من ثلاث ايام ، اتركهم وخذ التكت من الشركة حتى لو 200 ريال ، عند الوصول الى فوكيت تحجز من المطار ( وبعدين يا اخي وزع الرزق)
برنامج مقترح :
ممكن جعل خط الذهاب الوصول بانكوك وعدم الاقامة بها ( اول ما توصل انت في الصالات الدولية يبغلك تروح للصالات الداخلية دمستتك ،والله خذينها رجلية مشوار طبعاً تنتقل بني الصالات داخل المطار حتى الوصول الى الصالات الداخلية والسفر مباشرة فوكيت
فوكيت ( مطار فوكيت دولي )
الى فوكيت الساحلية والاقامة بها ثلاث ايام والحجز في مطار فوكيت لمدة يومين او ثلاث مع الفطور من مكاتب حجوزات في المطار، ويوجد صور للغرف واسعارها ممتازة ، وعند الذهاب الى الفندق لا تأخذ سيارة لوحدك ( زي العادة بيقعد السواق يغثك بالسواليف ) خذ قروب ،سيارة فان كبير ومع مجموعة سياح يوصل كل شخص للفندق ، وعلى فكرة سعر الفنادق الغير خسمة نجوم يرتفع السعر اذا كان الفندق مجاور للساحل اهم شي في فوكيت البرنامج الحجز مع قروب سياحي متواجد على الشارع المجاور للساحل يوجد مكاتب للحجز تدفع واليوم الثاني على الساعة ثمان صباحاً تنتظرهم بالفندق كرحلة بحرية الى جزيرة بي بي تبعد عن الساحل ساعة وربع تقريباً ، ولا ما يطلع للرحلة ما كنه راح لفوكيت ، وترى فوكيت احلى مافيها ( التمشي على الساحل ، والرحلة البحرية ، وجلسة الفندق بالقرب من الساحل عند الافطار صباحاً في وقت مبكر ) ، على فكرة فوكيت لا انصح بها للعوائل ابداً هي للسياح الاوروبيين والشباب ( كلها بارات بشكل غريب ، يمكن تحس بكأبه شوي ).، بالنسبة للفنادق دائماً اذا كان فيه حوض سباحة احرص ان الغرفة تكون مطلة على الحوض .
بانكوك : عند الوصول من فوكيت الى بانكوك ( حول ان تكون الوصول الى بانكوك الساعة الحادي عشر صباحاً ، وبعدين تأخذ سيارة تنقلك الى باتيا ، وعلى فكرة ما فيه شي لكن تتمشى بين المحلات وتشوف خلق الله وشي يسوون عند المحلات الله لا يبلانا ، ما قعدنا فيه لا يومين ونحشنا ، على فكرة لاحظنا معطم كنتاكي رخيص بشكل غريب .، والنصيحة النصيحة في بتايا فيها خليجين النصيحة عدم الدخول الى المطاعم العربية ( اولاً مو زينة ابدا، ثانياً غالية مرة حساب لشخصين من 70 الى 80 ريال ويلينه زين) والله اغلب اكلنا في المطاعم ( كنتاكي ، وبتتزا هت اه على البتزا البحرية) .
شنق ماي : من بتايا الى بانكون وعلى المطار الى شنق ماي
ديرة تفتح النفس ، باردة ، الاقامة بها اربع ايام ، حجز الفندق من المطار تدفع ويعطيق فتشر ( بغيت اقول فيشار ، ولا تنس تأخذ قروب يوم كامل يوديك الى شمال تايلند حتى حدود بورما ويتخلال الرحلة الذهاب الى جزيرة صينية عبر الزورق ، لا تنس ان تأخذ مساج في شنق ماي ( عن طريق مكتب حجوزات وعلى فكرة السعر الجيد تقريباً للشخص 260 ريال ويجبون سيارة حتى الفندق تأخذك وترجعك دلع في دلع حقين الشوارع اذا كنت بتاخذهم ساعة 5 ريال الله يدوم الرخص بس خله مساج على الارجل فقط يلعبون بظهرك بالطقطقة لا انتبه .
بانكون : عند الوصول الى بانكوك احجز من المطار في اعلى مبنى في بانكوك اسمه سكاي او تور سكاي 97 طابق مع الفطور بسعر الليلة 245 ريال لشخصين خذة يومين فقط لا تكثر على فكرة الفطور بوفيه مفتوح الطبق الاوروبي الطبق الاسلامي بشكل دوار على المبنى في الطابق اعتقد 88 لكن المكان ا الموقع الي فيه الفندق زحمة .
مهم جدا
ًقبل العودة حاول يكون اخر يومين لكن في فندق قريب من المطار احسن ابد عن الزحمة .
على فكرة تكاليف التذاكر الداخلية ( 950 ريال تقريباً ) ، من الرياض الي دبي الى بانكوك التذكرة 3080 ريال بس اخوكم ذيب لقيت افضل من ها السعر بمبلغ 1750 ريال يا بلا ش واالفرق يغطي تكاليف التذاكر الداخلية ،
