السلام عليكم ...
حياك الله اخوي الغالي الاتجاه المعاكس
اخوي مقتنع بالتغير اللي صار
ان كان همك التنقل فتراك ماكأنك سويت شيء لأنه
التعب في تيومان ...وش رايك اجل شكلك مقتنع
وما بغيت بينانغ ...على عيني وراسي
ودي اسئلك سؤال وعلى ضوئها حيصير الترتيب .
تيومان ....طيران ام بحر ...
وعندي سؤال اخر ...تتحملون الفيري من لنكاوي
لكوالا قدح او بينانغ ...ولا بغيتم طيران
طيب عندك جزيرتين مش اقل من تيومان .
بانكور وبانكور لاوت ...
الاولى عندك منتجع بان باسفيك .
والثاني منتجع بانكور لاوت .
رد علي يا اخوي وردي مباشرة بعدها
والسلام عليكم

السلام عليكم
مشكور حبيبي على الاستجابه
اولا وشو الفيري هذا ؟؟؟؟؟؟؟؟ ثانيا انا ودي بطيران احسن. واذا كانت بانكور اقرب من تيومان.خلاص خلينا على بانكور..ضبطي على كيفك..وبياننغ غيرت راي بناذ على نصيحه بعض الاصدقاء وبعض الاقرباء..قالو لي بتروح لنكاوي لاتروح بياننغ..لانه صبه حقنه لبن....عشان كذا قلت اروح سانوي لاقون احسن...خلاص طال عمرك ضبط على كيفك..واذا كانت بانكور مثل تيومان اوكي توكل على الله.بس انا ودي اروح تيومان لانهم يقولون انها من احسن عشر جزر بالعالم....عموما انت ابوها وسمها...وانتظر ترتيبك الرائع كالعاده...
مشكور ياغالي .
مشكور ياغالي

السلام عليكم ...
عيوني لك يابعد قلبي ابشر ياغالي
طرق كثيرة يا اخوي نقدر نسويها لكن فضلت
لك طريقة معينة .
الترتيب :
سلانجور
لنكاوي
كاميرون
صن واي لاقون
تيومان
افاموسا
كوالا
سلانجور--لنكاوي (طيارة)
لنكاوي--كاميرون (طيارة) (سيارة) كيف صارت
تأخذ طيارة من لنكاوي وتنزل بعاصمة ولاية perak
واسمها (ipoh) وتكمل بالسيارة لكاميرون .
كاميرون--صن واي لاقون (سيارة)
صن واي لاقون --تيومان (طيارة)
تيومان ---افاموسا (طيارة ) (سيارة)
تأخذ طيارة من تيومان وتنزل بكوالا ومنها تركب
سيارة وتتجه لأفاموسا .
افاموسا--كوالا (سيارة)
يصير محطتكم الاخيرة كوالا ...مع اننا نقدر نخلي
افاموسا محطتنا الاخيرة ونقدم عليها كوالا لانكم نازلين
بها وانتم قادمين من تيومان لكن حبيت يكون اخر
ايامكم مسك بأذن الله بالعاصمة وخاصة للتبضع .
تيومان ...تأكد من حجز الطيارة من هنا ولو مالقيت
حولها لجزيرة بانغكور وترى توصل لها بالقارب
وخذ بمنتجع بان باسفيك .
تصدق لو تخلي ولو ليلة ببينانغ كان ظبط الموضوع
وتحرككم من لنكاوي لبينانغ جواً وبعدها نكملها بري
وما يحتاج لبيراك او ايبوه .
اصلاً اتذكر لك 3 ليالي ...ليلتين راحت بصن واي لاقون
وبقيت ليلة اجل خلها ببينانغ دام انها رمية حصى ذوقها
واختر بين راساساينغ او موتيارا
خبرني وش رايك ياغالي وربي ييسر امرك
ولك تحياتي وتقديري والسلام عليكم

يعطيك العافيه حبيبي.....احس ان الرحله فيها تذاكر واجد...يعني السعر بيزيد اكيد..شكلي بلغي افاموسا وبروح لها من كوالا في يوم واحد.وودي اخلي سانوي لاقون قبل كوالا عشان المسافه قريبه بينهم
يعني رحلتي حسب تصوري المتواضع بتصير كذا:
سلانجور2
لنكاوي4
بياننغ1
كاميرون2
تيومان2
صن واي لاقون2
كوالا6
شرايك طال عمركم بالبرنامج.انتظر ردك عشان ارسله للمكتب لانه زهق مني وانا اغير كل شوي...الرحله صارت 19 يوم لاني يمكن اخلي يوم في دبي اذا شفت اني بنتظر كثير في المطار في الرجعه
شاكر لك على تعبك معاي

السلام عليكم ...
اخوي الاتجاه المعاكس ترتيبك جميل
وتراك وفرت 300 ريال فقط ...
حق الروحة والرجعة لملاكا(افاموسا)
هو اللي يتعبك تيومان ...لانه كل مناطقك نقولها
مجازاً غربية ...وتيومان لحالها شرقية .
فهي اللي واقفة مثل الشوكة ...الروحة لها سهلة
لكن يحتاج لها زيادة تكاليف والاهم زيادة جهد .
حبيت اقول لك انه برنامجك حلو ويختلف عن اللي حطيته
لك 300 ريال حق المواصلات بالسيارة روحة ورجعة
لافاموسا ...لكن ختدفعها اخوي ان طلعت لها رحلة
من كوالا فنصيحتي تروح لها مادام انك دافع دافع .
سواء ترتيبي او ترتيبك فتراها ماعليها كلام واهم
شيء انك تختار اللي يناسبك واللي يرتاح له قلبك
ومستحيل تلقى الكمال ولكن خذ الشيء اللي يرضي
موفق اخوي ورحلة سعيدة وترجعون لنا بالسلامة
والسلام عليكم

السلام عليكم
ماقصرت ياغالي والله اني محرج من كثر ماخليتك تكتب تررحون وترجعون بالسلامه...انا مشكلتي موسوس وماودي بشي يعكر علي السفره ولكن زي ماقلت مستحيل القى الكمال..المكتب قالي يمكن مايلاقي لي حجز على تيومان وعشان كذا قلت بخليه يبدل لي تيومان بافاموسا.....مع الحرص على تيومان....طيب شرايك اقوله اذا مالقى في تيومان يحجز لي في بانكور او جزيره مشابهه لها :d ......... عموما هو الحين يقولي اذا لقيت حجز طيران ببدا في الفنادق لانه يقول ان الرحلات فل الى 28 اوغست.....ماقصرت ياغاالي والله تعبتك معاي..

السلام عليكم ...
انت بالك تعبت كل شوية اكتب تروحون وترجعون بالسلامة
واغلط وارجع امسح واكتب من جديد ...اصابعي تراها مجهدة
مافي احراج ولا شيء عادي ياشيخ
دخلنا المنتدى لاجل نتبادل خبرات ولا نطل في اسماء بعض
ان مالقى حجز على تيومان ...عندك اختيارين .
اما افاموسا او جزيرة بانغكور ...شكلك تبغى جزيرة
اجل رح بانغكور وخذ ليلتين بمنتجع بان باسفيك .
يصير بعد ماتخلصون كاميرون تاخذون سيارة
وتتجهون لمدينة لوموت ببيراك ...ومن لوموت تاخذون
قارب للجزيرة ...وترجعون من الجزيرة بقارب ينزلكم
بالمدين الساحلية لوموت ومنها تاخذون سيارة لصن
واي لاقون .
افاموسا مثل ماقلت تأخذها يوم من كوالا .
وخل موظف الفندق يدبركم ...لاجل تروح مع الباكج
افضل لك من لحالكم ...وان بغيت لحالكم اجل باتوا
هناك
موفقين اخوي وربي ييسر امركم وتتسهل امور الحجز
وتروحون وترجعون بالسلامة
والسلام عليكم