السلام عليكم ورحمة الله وبركاته
جزاكم الله خير الجزاء على جهودكم ...
السنة نوينا على اوربا وبالتحديد فرنسا وسويسر اذا الله كتب ...وهذي اول مرة نزورها ..وموعارفة ولا شي ..وابيكم تضبطوني انا والوالدة الله يحفظها
اول شي قررنا نروح مع قروب سفريات السيد (الكويت )وللعلم هذي اول مرة نرتبط بقروب ..دايما نسافر بروحنا ... ياليت الاخوان اللي كان لهم تجربة مع هالسفريات يفيدوني ..وخصوصا عن القرويات شلون نظامها مريح والا نتقيد ؟؟
اول شي الرحلة تتكون من 20 يوم وخط سيرها كويت -دبي-باريس-سويسرا-دبي -كويت على الاماراتية
سعرها لشخصين بحدود 1560د.ك بدون سعر الفيزا .
5 ليالي في باريس في فندق ميريديان أو كونكورد
6 ليالي جنيف في فندق موفنبيك
4 ليالي في بازل في فندق ريمادا بلازا
3 ليالي في زيورخ في فندق كورتد ماريوت
شرايكم بالسعر وعدد الايام والفنادق هل هي نظيفة وكويسة ...وهل المناطق المرشحة تستحق هالعدد من الايام وياليت تزودوني في روابط لمواضيع ممكن انها تخدمني عن السوق واهم الاماكن السياحية
ولكم مني جزيل الشكر والامتنان والعرفان