فينا انصحك بهذا الفندق NH Atterseehaus بصراحه موقعه رهيب من كل النواحي ويكفيك انه علي شارع مارهالفر حتي المترو مره قريب منك يادوبك تخرج من الفندق الي بوجهك المترو هذا رابط الفندق علي العم بوكنج
https://www.booking.com/hotel/at/nhatterseehaus.html?aid=1300939
بخصوص سالزبورخ الشباب يفيدوك اما زيلامسي عندك الجراند وسي هوتيل بخصوص مده الأقامه في زيلامسي خمس ايام تري مره كثيره شووفلك حل فيها اذا كنت شباب
بخصوص الفيزا لازم يكون عندك رصيد ثلاثين الف وانت طالع
بخصوص جهاز الملاحة اذا بتستأجر سياره ضروري اما اذا كنت حاب تقضيها بالمتروو فالخريطه اشوف انها تكفي
اتمني لك التوفيق

شكرا اخوي scott
انت تقول ان مدة الاقامة في زيلامسي طويلة يعني يكفيها 3 ايام او 4 ايام واخلي الباقي في ميونخ

هلا اخووي طال السفر والله انا اشووف اربع ليالي او ثلاثه كفايه اذا كنتم شبابا اما عوائل ما اقدر احددلك
انا اتكلم عن وجهه نظري يمكن غيري يقولك خمس ايام قليله فهذا الشي يرجع لك
تحياتي

اخوي طال السفر ،،
بالنسبة لموضوع الفيزا الاوربية (الشنقن) لايلزم مبلغ 30 الف وطالع ،، كما ذكر الزميل scott ،، انا للمرة الثانية اطلع فيزا ،، ورصيدي ماعمره تعدى العشرين الف ،،، وخصوصا آخر مره ،، يادوب الراتب وبس يعني من العشرة الآف وفيها ،، ،، المقصد من الرصيد ،،هو انه لابد يكون عندك دخل ثابت خلال الاشهر الماضية ،، يعني مو عاطل ،، فقط ، ،بغض النظر عن المبلغ ،،
بالنسبة لموقع booking.com هو مخصص للجحز من خلال المواقع ،، يعني مايبحث لك عن اسم الفندق ،، وتقدر إذا تبي فندق بالاسم ،، في كثير مواقع تعطيك الخيار هذا ،، خصوصا google.com
تحياتي ، ،وتروح وترجع بالسلامة ،،
بالنسبة للسفر لأول مره ،، أنا مريت بالشعور هذا ،، بس من جد بتحب السفر لأوربا ،، كل شي واضح وسهل وناس متعودين على السياح منذ نعومة اضفارهم ،،
بالنسبة لجهاز الملاحة ،، دام انك تعتمد على القطار ،، يعني منت مستأجر سيارة ،، فلا داعي للجهاز ،، لأنه مخصص لأصحاب السيارات فقط ،،

شكرا اخواني scott و ali_otb
لكن انا دخت من كثر ما اشوف هالفنادق ابي احد يعطيني اسماء الفنادق اللي تكون قريبه من كل شي وماتكون بعيدة
ردو علي الله يعطيكم العافية عشان ابحجز واروح للسفارة اطلع الفيزة ...

هلا باخوي الحبيب طال السفر واسف على التاخير لاني كنت خارج البلاد .... عالعموم ما راح اقصر ان شاء الله ... وقبل لا ابدا لك نصيحتي ... بالفتره الي تبي اتسافر فيها بارده جدا وبداية سقوط الثلوج وكثرة الامطار وخصوصا بالريف مثل زيلامسي وسالزبورغ وغارمش ايضا ... واقل نسبيا بميونخ وفينا ...هاذا اولا ... ثانيا شنو حاب الفنادق 5 نجوم او 4 نجوم وانا اعطيك الافضل والاقرب... ثالثا المخطط الي وضعته غير مناسب ابدا بالفتره الى كتبته لو كانت بالصيف كان قلتلك كثر بزيلامسي ... اما بفترتك هاذي اشوف العواصم افضل بكثير ... لانه المتعه بالريف راح تكون شبه معدومه ...

تكمله ... القطارات اوفرلك طبعا ... واشوف المخطط الافضل للفتره الي تبي اتسافر فيها فينا 4 ايام زيلامسي 3 ايام مع زيارة سالزبورغ يوم 4 ايام بميونخ ... هاذا مخطط مبدئي ... مع العلم بزيلامسي الفعاليات الصيفيه مغلقه ومكانه الفعاليات الشتويه .... اما الاماكن السياحيه لا تشيل هم انا حاضر وبالخدمه ... لكن اول المخطط والفنادق ... وتحياتي لك انا بالانتظار

ياحبني لك يا ali_otb
ويا حبني لك يا ALI_Q8_77
واشكرك يا ALI_Q8_77 على نصيحتك بتوزيع الايام في هذه الايام بين المدن لانه فعلا راح يكون الجو ثلوج
وارجو منك ومن بقية الاعضاء اقتراح فنادق 4 او 5 نجوم يكون سعرها معقول اولا وتكون قريبه من جميع الاماكن
وياليت ماتقصر معي وتعطيني وش فيه فعاليات بالوقت اللي ابروح فيه
وياليت تستعجلون لاني لازم احجز عشان اروح اطلع الفيزه ..

السلام عليكم
انا ابعطيك وجهة نظري والخيار لك
فيننا 4 ليالي -زيلامسي اسكن في كابرون ارخص وازين واستاجر سياره من مطار فيينا
حسبه بسيطه تذكرة القطار لشخصين من فينا الى زيلامسي ومن زيلامسي الى ميونخ+فرق السعر بين الفنادق =فندق نفس الجوده وارخص ومعاك سياره تنقل على راحتك
وعلى فكره كابرون عشر دقايق بالسياره بالضبط الى زيلامسي وافضل من وجهة نظري
وفيه مكتب رخيص لتاجير السيارات في مطار فيينا موجود على الزاويه المقابله ل افيس
وانا استاجرت من عندهم سياره لمدة 7 ايام والتسليم في ميونخ ويجيني المندوب في نفس الفندق
سياره ديزل اوبل عائليه مع نفقيشن ((على فكره النفقيشن يوصلك الى باب المكان اللي تبي بالضبط وسهل ونفس الموظف يعلمك كيف تستخدمه )) كلفتني 690 يورو
وبالنسبة للفندق اللي بكابرون
انا سكنت في فندق خدمته حلوه ومحترمين ومتعاونين مره
http://www.steigenberger.com/aw/Steigenberger_Hotel_Kaprun/Inspirations/In_Balance/~bkym/Spa_World_premium/
وبالنسبة لميونخ اسكن باقي الايام فيها
ولاتفكر في فندق غير سوفتيل ميونخ وراح تدعي لي
من ناحية فخامة غرف وقربها من الاسواق والمحلات والاندر قراوند والقطار وكل شي
بصراحه فندق خيال
انا اقترح عليك تحذف سالزبورغ لانها مصغره من فيننا وراح تعوض بدالها في فيننا وميونخ
وانا حاليا متواجد في ميونخ اي خدمه انا حاضر ارسل لي رساله خاصه
وانا حاضر