تقسيمك للايام مزبوط وترتيب المناطق هوا المناسب يعني مبين انك اطلعتي قبل ماترتبي ومن ناحية المبلغ الافضل تحولو كاش من هنا وتتركي قيمة الفنادق بالفيزا والتامين تدونهم كاش عشان يرجعونه كاش والمبلغ ماحقدر افيدك صراحه والمبلغ الاعلئ سمعت انه 1000 الئ 1500 رنقت والاغلب انه 1000 والميزانيه اعملي حساب 500 لكل يوم يعني يوم حتصرفوها ويوم ماحتنصرف كلها وحطي ع جنب قيمة الفنادق ولو تبي تتسوقي حطيلك مبلغ ع جنب ووالطيران الداخلي الان احجزيه واعملي حسابك تشتري اوزان عشان لاتتمرمطو بالمطار بسبب الوزن
اتمنئ اكون افدتك لو بالقليل وهنا الكل خبير حتلقي اللي يفيدك احسن مني

جزاك الله خير فعلا اطلعت لين دخت أنام واصحى عالمنتدى لكن ما فهمت المقصود اشترى أوزان عشان لا نتمرمط بالمطار الله يسعدك فهميني هذه النقطة
ثانيا مبلغ حجوزات الفنادق اخليه أفضل في الصراف ولا اعطيهم كاش (طبعا فاهمه قصدك بمبلغ التأمين )
شاكرة ومقدرة اخت شوشو
لكن احتاج احد يوضح لي كيف تقسيم المبلغ كم أخذ معي كاش
وإذا أخذت مبلغ 130000 الف كاش فيه خطورة من هذه الناحية

تكفون ارفعو موضوعي وين الأخوة الأفاضل احتاج الوقفة من أعضاء هذا المنتدى

اهلين اختي وحياك الله.. وبالفعل المنتدى عطاء لاينتهي.. والاستاذه ماقصرت,
الفنادق روعه واختيارات موفقه ماشاءالله نفس فنادقي ليش تقلدون؟
مبلغ الفندق يااختي الافضل واللي يتعامله به الاغلب هو الفيزا تشحنيينها بكامل مبلغ الفنادق وتزودين الف احتياط ويسير اي فندق وانتي داخله
تستلمين الغرف تعطينهم الفيزا ويسحبوا فلوسهم. او بالامكان تدفعي كاش لهم لكن بعض الفنادق ماتقبل كاش. واضح كذا؟
الدفع في الفندق معناته تدفعين باي شكل.. الفيزا افضل حتى تخفف عليك من حمل النقود .ثاني شي اذا جاء يسحب فلوسه من الفيزا خليه
يسحب مبلغ الفندق بدون التامين. وقولي التامين كاش وترجعه كاش. هذا الافضل ,لان اذا سحبه بالفيزا ويرجعه في الفيزا مايرجع الا بعد اسبوعين. ومبلغ 130000 مافيه خطورة حولوه واقسموه بينكم الين توصلون في حطة بالفندق.
تحويل المبلغ كامل يكون من بلدك قبل السفر وهذا الافضل لان حتى السحب هناك من البنوك بيكون مكلف فكل عملية سحب بياخذون منكم عمولة وفرق العملة يعني ممكن تسحبون 800 يخصمون 1000
وعملية السحب في اقصى الحدود ب1500 وبعض البنوك1000, هذا اللي شفته.عشام كذا حولو من هنا واذا وصلتم الفندق حطو الممبلغ في السفتي بوك وخذو بس حق يومكم
انا جربت السفتي بوك في كل الفنادق صن واي وبارك رويال و والحمدلله زي اللوز. طبعا في شي جربته وطلع حلو وهو الحزام اللي فيه
شنطة صغيرة في النص ويلبسه الرجال ..اغلب من يستخدمه الاندنوسيين والماليزين بالحج. يلبسه زوجك ويحط الدراهم ويكبرالمخده.
واذا كانت بطاقاتكم تبع الراجحي فلازم تتصلون وتبلغونهم بانكم طالعين عشان لايوقفون البطاقة
حجز الطيران من النت ينحجز وشوفي الخطوط الداخلية كلها وقارني بينها وخذي الانسب والارخص.. مثل ماقالت الاستاذه شوشو.
مسالة الوزن الخطوط الداخلية في ماليزيا بتكون خطوط اقتصادية مثل ايراسيا والوزن تحددينه اثناء الحجز ولو وصلتي مطارهم وقاسو وزن
الشنط وطلع زايد فراح تدفعين مبالغ كبيرة لاجل الوزن وش فوق الوصف وهالخطوط وغيرها استغلاليين حتى قص البرودنق عندهم بفلوس
كازامي

تسلم الله يعطيك العافية ويحرم والدينك هذا اولا فعلا ما قصرت
الوزن مع الطيران الدولي بعد اشتري وزن لان أكيد بجيب معي هدايا انا حاجزة على خطوط الإماراتية وإذا كان لابد من الشراء متى اشتري الان يعني ولا اذا وصلت مطار دبي سامحني على كثرة أسئلتي بس مالي بعد الله الا أنتم تعبت والله من التفكير
حابه اسأل نوع الباصات من بينغ الى الكاميرون مريحة ولا أحجز طيران انا قصدي عشان أخفف من الميزانية نوعا
ومن الكاميرون لا يوجد الا باص صح كذا
شاكرة ومقدرة تعبكم

انتظر ردود كم وتفاعلكم

هلا اختي ناني.. وترى الدعوه بسيطة ولايحتج نسامحك مسويتي شي.. بالعكس اشكرك ثقتك فينا وانك سمحتي لنا بتقديم العون والمشورة,الوزن في الطيران الدولي مامنه ذاك الخوف خصوصا انكم على الاماراتية ,والاغلب ان الوزن مرتفع وكيفيكم. فانا العام الماشي كنت على الخطوط الاماراتية وفي الرجعه شرينا للبل هدايا
واغراض والحمدلله الوزن كفنا ماعدا شنظة صغيرة وحطيتها مع اخوي وتساهيل. واتوقع حتى لو زاد مابيكون بذاك الغلا,
المشكلة في الوزن على الطيران الداخلي ذبحه ...لذلك حدوو وزن كويس اثناء الحجز وخلاص. مثلا 20 او25. انا حطيت 20 الان وشنطتي وزنتها طلعت 15 وكذلك المدام.
كاميرون يااختي مافيها مطار ومامعك الا باصات او تكسي والباصات افضل. عندك باصات فخمه ولاتاخذين الا هي وتكون ثلاث مقاعد افضل من اربع مقاعد. احرصي على الفخامة لان الخط خمس ساعات.
التنقلات اذا تبين توفرين فالباصات والعبارة اوفر من الطيران.
من سلانقور الى لنكاوي ماعندك الا طيران..
من لنكاوي الى بينانغ اما طيران او عبارة.
من بينانغ الى كاميرون مافي الا باصات اوتاكسي.
من كاميرون الى كوالا اما باصات اوتاكسي.
واي استفسار او مشورة احنا في خدمتكم وبدون اي احراج او تردد.
كازامي

تسلم وَبَارِكْ الله فيك وكثر الله من أمثالك الباص من بينيغ الى كاميرون 3 مقاعد اي نوع أحجز وحجزه يكون من بينغ صح حابه استفسر عن الباصات أفضل الأنواع والفخمة من بينيغ الى الكاميرون ومن الكاميرون الى كوالا طبعا الفيري ما أبغى وأما فكرت فيها أبدا
معليش كثرت عليك الأسئلة حجز طيران اير اسيا من النت ولا خليه اذا وصلت مطار كوالا وإذا حجزت من النت يسحب المبلغ مباشرة من الفيزا
يعطيك العافية وَبَارِكْ الله فيك

الباصات انا جربت بالروحه للكاميرون باص جديد كان لونه اورنج اسمه باهي الظاهر شركه جديده لانو كان جديد الباص وبالرجعه كان يونيتي وطبعا تحجزي للروحه من بينانغ خلوهم يودوكم للجورج تاون عند الكومتار هناك مليان محطات باصات وبالكاميرون احجزي اول ماتوصلي من محطه تانا راتا
والعباره كويس انك استبعدتيها
والطيران الداخلي الافضل الان لانو حتلقي عروض وماينفع تحجزي من هناك وتخبصي نفسك روحي من هنا وانتي مخلصه كل اموركم افضل عشان ترتاحو والمبلغ ينسحب من الفيزا ع طول ما بيخلون حقهم ههه