1. نعمة ربي

نعمة ربي

هلا اختي نعمة ربي اول شي شكراا على قراءة مواضيعي البسيطة؟؟؟؟؟؟؟؟؟؟؟؟؟؟
ابصراحة بالنسبة للمصحات ماعندي اي فكرة عنها علشان اكون معاج صريح انا اروح فارنا للسياحة الجو والبحر والرحلات والحدائق والاسعار ارخص عن باريس ولندن وهالدول الاوربية وانتي من اي دولة علشان المكتب اللي حجزتي عندة والبنسبة للمصحات ما ادي لكن انتي عطيني اسم المصحة وانا بسألج عنها؟؟؟؟؟؟؟؟؟؟؟
شوفي اختي بالنسبة للفندق اذا نفس الاسم اللي كتبتية فوق هذا موقعة في منتجع جولدن ساندز يبعد عن فارنا المدينة تقريبا 20 دقيقة بالسيارة وابصراحة وايد آمن من كل النواحي وموقع الفندق في قلب الحدث او الحركة عالبحر طبعا فندق فخم وفي شارع حيوي والصرف دولار ولا يورو بس احسن يورو واحسن لج صرفي في محلات الصرافة وابتعدي عن الاشخاص اللي ايصرفوا في الشوارع لانهم حراميين في محلات صرافة ولا بنوك واللغة في المنتجع كلة انجليزي لانهم معظمهم سواح والرحلات طبعا مادري كيف بتروحي انتي والوالد الله ايحفظة لج ان شاء الله لان الرحلات البرية معظمها في الغابات والبحرية سكوترات وسفن ويخت فا ما عرف شو اللي ايريحج في رحلات وايد ابصراحة والجو في النها ساعات حار وساعات ممطر وفالليل ابصراحة بارد روعة والمنتجع ابصراحة باختصار آمن من جميع النواحي عالعموم انا اتمنى اني جاوبت على كل استفساراتج واذا شي فاتني ممكن اتسأليني مرة ثانية انا حاضر اي وقت ,,,,,
بس اتأكدي من الفندق اذا موقعه داخل منتجع جولدن ساندز ولا فارنا المدينة

نسيت اسألج عن الرحلة او الطيران كيف راح ايكون لاني اللي اعرفة ان مافي رحلات مباشرة لفارنا فا كيف راح اتكون الرحلة او الطيران لفارنا وشكرا.........................

وايد شكرا على المساعدة
اولا انا من الكويت والمكتب اسمة سفريات رمسيس وراح تكون الرحلة على الطيران البلغاري دايركت
وبالنسبة للفندق اي قالي المكتب اهو على البحر وبالنسبة للرحلات لا طبعا ماابي اروح رحلات برية وغابات مسكين ابوي يتصروع ههه
لا انا اقصد تمشي قريب من المصحة ومن الفندق يعني داخل المدينة

نعمة ربي
هلا اختي ابصراحة احسدكم انتو هل الكويت وهل الاردن لانكم عندكم رحلات مباشرة وعروضات حلوة......
عالعموم اذا الفندق اللى اسمة انترناشيول اللي في الجولدن ساندز هذا اكبر فندق في صالة قمار اكبر صالة في الجولدن ساندز فا اتأكدي هو اللي داخل الجولدن ولا اللي في فارنا..... وانا بعطيج تفاصيل المنطقة اللي حوالي الفندق واذا في عندة فنادق 5* عدال المصحة خبريني عنهن يمكن اساعدج في اختيار فندق ارقى واريح لج وللوالد الله ايطول في عمرة ..........