- يومين فينا-3ايام سالزبورق-3ايام زيلامسي -3ايام انترلاكن
حيا الله احبابي اللي بصراحه اعجز عن شكرهم مهما قلت ومدحت
لأنكم فعلا اهل واحباب وقلوبكم على بعض (الله يديم هالنعمة ....... امين)
بصراحة انا ناوي باذن الله اسافر في الصيفية للنمسا وسويسرا -بس الله يسهل- وعاد ابغى فزعتكم
اول شي ودي تعطوني رايكم في السفر اول اغسطس من ناحية الجو يعني هل الامطار مستمرة ويمكن تعطل بعض الرحلات مثل الزحليقة الصيفية والكابرون ؟
ثاني شي متى برايكم ابدأ بحجز التذاكر اذا كنا شخصين والسفر اول اغسطس؟
ثالث شي (ادري اني مصختها بس ترى باقي اسئلة كثيرة) وش رايكم بالخطوط القطرية؟صحيح حطوا شاشات عرض في طياراتهم؟ وكم ساعه ترانزيت في مطارالدوحة؟ الرحلة (الرياض – الدوحة –فينا)؟
انا معجبني فيها سعرها والاهم انها ممكن توصل فينا الصباح بحيث مايضيع عليك اليوم
رابع شي (قايلكم راعي طويلة) اذا بغيت اطلع من زيلامسي الى انترلاكن هل الطريق ممل ؟ على حسب علمي 8 ساعات وهل فية طيران من سالزبورج الى زيورخ ومنها اطلع بالقطار الى انترلاكن؟
تتوقعون أي الطريقين اسهل؟ انا لقيت حجز اقتصادي من فينا الى زيورخ بس احسها صعبة اطلع من زيلامسي الى فينا بالقطار ثم بالطيارة الى زيورخ ثم بالقطار الى انترلاكن (شيروا علي تكفون والله اني محتار)
خامس شي مدة الرحلة 12 يوم موزعة كالتالي:يومين فينا-3ايام سالزبورق-3ايام زيلامسي -3ايام انترلاكن
سؤال قبل الاخير بعد انترلاكن أي الاحسن احجز من زيورخ للرياض او من جنيف للرياض؟
اخر شي (واخيرا وصلنا) باكتب لكم جدول الرحلة المقترح وابغاكم تعطوني ملاحظاتكم من حيث تقارب الاماكن اللي بازورها في اليوم الواحد وهل يمديني الفها كلها مع العلم ان ماعندي مانع اضل كل يومي افرفر بس اهم شي ماأفوت شي
هذا هو الجدول
اليوم الاول: يوم الوصول بعد الراحة اطلع 3 العصر ( الذهاب الى نهر الدانوب + الحديقة+البرج)
اليوم الثاني : قصر الشنبرون+ساحة ستيفنز+ملاهي بلاتر
اليوم الثالث: الوصول الى سالزبورغ: نهر السالزك+المدينة القديمة+حديقة الميرابل
اليوم الرابع: المغارة الثلجية (من الصباح بدري) + قصر هلبرون+ قمة بيرج
اليوم الخامس: وولف قانق+سانت جيلجن+القلعة القديمة
اليوم السادس: الوصول الى زيلامسي :بحيرة زيلامسي وماحولها
اليوم السابع: الكابرون الريفية والثلجية
اليوم الثامن: الصباح شلالات كريمل= العصر الزحليقة الصيفية
اليوم التاسع : هذا اتوقع يروح في الطريق بين زيلامسي وانترلاكن
اليوم العاشر: الصباح شلالات تروميل باخ = العصر بحيرة بلوسيه واوشن سيه
اليوم الحادي عشر : قمة جبل جونفرو
اليوم الثاني عشر : العودة الى ارض الوطن
والحمدلله رب العالمين
رجاء حار أي واحد عنده تعليق لايبخل به والمثل يقول ليس من رأى كمن سمع وانتوا اهل خبرة وكلامك عن تجربه فلا تحرمونا منه
اتمنى اكون افدتك واترك المجال لمن هو افضل مني ليفيدك ان شاء الله وكل عام وانت بخير