حبيبي تقدر تخلي زوجتك قدامك وانت وراها و للي يجدف وراك وضع عادي وحتى لو عليها عبايتها
راح تشوف العبايات واجد
صراحه قمت المتعه لما تنزلون في التجديف من البوت
توكل على الله و الوظع سهل جداُ

شكرا خوك ع الرد
بس ياخوك اخاف اغرق انا ومعاها ثنينة مانعرف نسبج وانا شوي بعافية يعني متين شوي اخاف ينقلب ابنا القوارب المطاطية ولا عادي
بس ممكن احجز البرامج كلها مرة وحدة من المكاتب او كل يوم بيومة
وياريت تسون ليي برنامج الى بوكيت حق 5 ايام مع لعلم راح اوصل بوكيت الظهر ممكن البرامج الي ممكن اسويها لاني ماابغي افوت شي
وهل الاسعار في شهر 9 بالنسبة للمكاتب السياحية والفنادق اقل من ايام السياحة

نعم يا اخي ممكن تعمل باكيج لجميع رحلاتك من نفس المكتب ، نصيحة بالنسبة لحجوزات ذات النشاط البحري تاكد من حالة الطقس قبل عمل الحجوزات .
بالنسبة للبرامج الرحلات ببوكت كثيرة و ممكن تختار حسب رغبتكم و منها :
مسرح الفانتاسي بوكت - بوكت سفاري - جولة حول الجزيرة - جزيرة phi phi .
اما عن الاسعار المكاتب السياحية تختلف نوعا ما من مكتب الى اخر حسب الخدمات المطروحة و نوع و جودة وسيلة النقل .

شكرا خوك ع الرد واتمنى من باقي الاعضاء يفيدونا

ماقصر اخوي حسن مداخله موفقه
اخوي صدقني لو مهما كان وزنك هم ادرى في القوارب حقتهم
ويعطونك لايف جاكيت
وقمة المتعه لما تنزلون في قارب مطاطي لاتتردد راح تشوف ناس اسمن منك نازلين
وبعدين خلك فلته قدام المدام علشان ماتمسكها عليك بعدين
ههه
البرامج انصحك تحجز كل يوم بيومه علشان ماترتبط بجدول ويجيلك يوم ودك تريح
اول ماتوصل الظهر تروح تسوي تشيك ان بالفندق وتطلع انت اقرب كوشك وتحجز على فنتازيا شو راح يبداء الساعه 7 مساءأ
يجيك الباص للفندق
وترجع الفندق تنام لين الساعه 6 وتقوم تتجهز للبرنامج وتتعشون بوفيه مفتوح وترجعون على باليل
ثاني يوم خله استكشاف بوكت اخذ لك توك توك خله يفر فيك على عدة اماكن مثل شواطي بوكت و عرض الافاعي و الرمايه و ركوب الفيله وسباق السيارات
ولما يجي المغرب مر اقرب مكتب واحجز على جمس بوند ايلند على بوت كبير
راح يجيك الباص الصبح
اليوم للي بعده خلها على الرافتنق صراحه مغامرات حلوه وراح تكون لها ذاكره لكم بالمستقبل
واليوم للي بعده خلها على في في ايلند علي بوت سريع طبعا كلها مع وجبة غدا
واليوم الاخير راح يكن عودتكم سالمين من بوكت
تحياتي

عادي ما في مشكلة ،،
اختر المركب الكبير اهم شي لان السبيد بوت وايد سريع وما يصلح لكم ،،
في قواب التجديف انت اركب قدام المجدف التايلندي وخل زوجتك جدامك ،،
وبالنسبة انكم ما تعرفون تسبحون ف البس سترة النجاة موجودة على المركب على عدد الركاب اخذ لك وحدة البسها ولبس زوجتك وحدة وكل شي تمام ولو لا سمح الله طحتو فسترة النجاة راح تخليكم تطفحون فوق الماي ،،
انا مسوي لك برنامج كامل للحين تسأل عن برامج لبوكيت ؟؟

ياليت تفيدوني ايش الفرق بين القارب الكبير والقارب السريع؟؟
السريع هذا له سقف او فيه غرفة؟؟
يعني زي نظام اللنش بالسعوديه؟؟

البوت السريع ثلاث محركات يعني تكون سرعته عاليج جدا لدرجة ارتقاعه عن سطح البحر
اما البوت الكبير فا يمشي على مهله ويكون فيه قوارب التجديف لحظة الوصول الى المنطقه يتم انزال القوارب والتجديف لمدة نص ويكون وجبة الغداء موجوده فيه
بالنسبه للبرنامج جمس بوند انا انصح في بوت كبير
اما في في ايلند على البوت السريع
تحياتي