مرحبا اخوي
نصيحة من مجرب راح للبنان :
أذا راح تسكن في بيروت ماراح تستانس ياخوي رح للجبل في بحمدون او عاليه او جونية
افضلك من الحر والرطوبة العالية
أخوي هذا رقم شقة في بحمدون سعرها 100دولار
وكبيرة مرة ثلاث غرف كبيرة واربع بلكونات وصالة
هذا رقمها 009613658526
اسم الشخص وسيم
دق عليه وانتبه يرفع عليك السعر
خلك مصر على 100دولار

• ***********************************

وهذا رقم السواق اللي انا تعاملت معاه اسمه ابوجمال رجل بمعنى الكلمه قله انك من طرف احمد
وماراح يقصر معك
واشترط عليه انه يستقبلك بالمطار وتوصيلة المطار للفندق مجانا ً
وهذا رقمه: 009613581002
ابوجمال
اذا لم تتعامل مع سواق وتعاملت مع التكاسي راح تتعب
مع تحيات اخوك احمد
خبرني وش يصير معك
واي خدمه انا حاضر

اخواني الأعزاء samref11 و ولد الشرق و الخيال العربي
أولا أحب أشكركم على عطائكم الجميل من وقتكم الذي أنا متأكد أنه ثمين و الذي سخرتموه لخدمة الغير
و لكن ودي اناقشكم في شيء
أنا قبل لا اسألكم ثقوا تماما اني بحثت في المنتدى عن الاجابات و فعلا لقد وجدت موضوع اخ صقر بيروت الي عطاني ولد الشرق الرابط حقه و انا ممتن له كثير الامتنان و لكن للاسف لم اجد اي تفاصيل
مثلا
يقولك الشقق الفلانية في الحي الفلاني و رقم تلفونهم كذا وكذا
طيب أنا ايش عرفني الحي هذا وين و هل هو بعيد او قريب عن السوليدير و ثاني شيء ما اعرف ايش خدماتهم يعني نجوم او اربع نجوم او خمس نجوم ....
يعني المعلومات الى الان ناقصة
و بالنسبة لاخوي الغالي الخيال العربي ما قصر و عسى يا رب يحفظه من كل شر ما قصر عطاني رقم و سعر تقريبي لشقة في بحمدون لكن للاسف انا ما اعرف ايش هي بحمدون هذي و ايش فيها و كم تبعد عن بيروت و..و ... و...
اخواني و الي خلق هذا الكون اشهد انه الله وضع محبتكم في قلبي .... وكيف لا و انتم ابديتم الاحترام و حب المساعدة و من لا يشعر ما اشعر فهو جاهل و هذا الكلام لكل رواد المنتدى الافاضل
انا عمري ما رحت بيروت و اليوم قررت اروح و اشوف واختبر الاجواء و لكن للاسف نحن في عصر العولمة و احتاج المعلومة
انا سمعت انه افضل منطقتين في بيروت:
1- المنطقة التي تقع على الشاطئ و تطل على صخرة الروشة
2- الدوان تاون او ما تسمى بالسوليدير .... على فكرة هل الحمراء هي السوليدير؟؟؟
طيب انا عندي عائلة مكونة من 6 كبار بلاضافة الى 2 أطفال
وين المفروض اسكن ؟؟؟ و الي ابيه في السكن هو المواصفات التالية:
1- السعر المناسب جدا
2- الترتيب و النظافة
3- ان لا يكون بعيد جدا
4- اتمنى ان يكون في طريقة للحجز فيه من هنا بالسعودية قبل لا اروح علشان اضمن اكثر
طيب و اذا بسكن في الجبل بالله ما تشوفون انه بعيد عن بيروت الي فيها الاسواق و المقاهي و المطاعم
طيب هو ايش المميز في الجبل و كم يبعد عن بيروت و كم سعر التكسي من الجبل الى بيروت
و اخيرا وليس اخرا أعطوني رايكم بشكل عام و لو انتوا مكاني ايش راح تسوون؟؟؟
و اتمنى لو احد من يعطيني ايميله او رقم تلفونه ودي اتصل و اشكركم بنفسي على الرغم انه الجزاء من من الله سباحنه و تعالى
أخوكم المكلف

أخواني اذا سمحتم وينكم؟؟؟؟
ما أحد رد علي الى الان ترى وربي أنا مستعجل على ردودكم
على فكرة أنا كلمت الشقق الفندقية الي اسمها فينكس لكن ودي استفسر منكم بالنسبة لطريقتهم في الحجز هل هي مضمونة او لا
اولا كلمت واحد اسمه وسام و قال الشقة الي بغرفتين سعرها 140 دولا للشخصين و اي شخص اضافي بياخذون عليه 10 دولارات
ويبيني ارسله بالفاكس صورة من جوازي و صورة من بطاقة الفيزا (صورة أمامية و خلفية) و يبيني ارسله خطاب موقع باني اسمح للفندق بخصم المبلغ الفلاني مقابل سكني عندهم للمدة الفلانية
ثانيا يوم ثاني كلمت الفندق و كلمني واحد اسمه طوني و قال شوف انا بعطيك الشقة ب 140 دولار لاربع اشخاص (لاحظوا أنه وسام قال لي 140 لشخصين بس ) و اي ناس اضافيين بحسب عليهم 10 دولار زيادة
لكن يبيني أحول له عن طريق البنك 100 او 200 دولار كعربون يعني (deposit ) علشان يمسكون الحجز
ولما أجي ادفع الباقي
طيب سؤالي هنا أنا بيني وبينكم ماني متأكد من الطريقة الاولى الي هي تبع وسام ولا من الطريقة الثانية الي هي تبع طوني؟؟؟؟
تكفون ساعدوني ترى ما عندي الا الله ثم انتم

اخوي المكلف مساك الله بالخير
انت ما رحت ولامره للبنان وانا رايحلها عشرين مره او اكثر وصدقني ماراح ابخل عليك بمعلومه
اول شيء انت رايح للبنان تبي الجو الحلو والطبيعه والبراد وشلك ببيروت حر وكنك يابوزيد ماغزيت
تطلع من حر وتروح لحر لاوالله اسكن الجبل احسنلك وبيروت انا انصح فيها للسكن الشباب ولا عوائل
ما انصحك تفكر تسكن فيها وانت ومزاجك يمكن انت ما يهمك الطبيعه والبراد وتعتبرها شيء ثانوي هذا غير
وياطويل العمر الجبل فيه كذا مصيف ومصايف الخليجين معروفه يعني بحمدون اغلبها كويتين وتبعد
عن بيروت نصف ساعه او اكثر اشوي وعاليه قريبه من بحمدون وهي بالطريق من بحمدون لبيروت
وتبعد حوالي خمس الي عشر دقايق من بحمدون وعاليه فيها سعودين وقطرين واماراتين وخليجين
وعلي فكره عاليه فيها القهاوي تكون باليل مليانه واكثر من بحمدون وفيها برامج ومطربين وكل
قهوه تتحدي الثانيه هذا الوضع بأختصار عن هالمصيفين وفيه ايضا حمانا وفالوغا وهي تبعد
عن بحمدون 10دقايق وهاديه جدا بس ابعد شوي لبيروت والمصيف الاخير الي راح اذكره لك
وهي القريه التي احبها وينشرح صدري فيها انشالله باجر اقولك عنها

اخي الكريم المكلف انا ماراح اتكلم كثير
ياطويل العمر هذا ايميلي
ارسل رقم جوالك وأسمك وانا راح ادق عليك ياخوي
وهذا رابط حق الموضوع اللي انا كتبتة راح يفيدك https://artravelers.com
لاتنسى ترسل رسالة الى ايميلي فيها رقم جوالك
واي خدمه انا حاضر

هلا و غلا أخواني مشكورين وماقصرتوا و عسى يا ربي ما يرميكم في ضيقة ويفتح لكم باب الرزق من اوسع الابواب
و شكر خاص و دافئ للاخ الخيال العربي و ابي اقولك شكرا لك و على سعة صدرك و انا ارسلت لك ايميل فيه رقمي وياريت تكلمني ترى ربي يشهد اني محتاج لمساعدتك ضروري
وشكرا لكم وما قصرتم يا غاليين
على فكرة يا اخواني انا قررت اسكن الجبل لكن اول شيء ابي اسكن يومين في بيروت عند السوليدير فوين اسكن و كم سعر المكان الي تقترحونه و شكرا لكم الف شكر