أنا يا جماعة الخير بروح الى تركيا لمدة عشرة ايام فقط .... و ابي اقضي جزء من العشرة ايام هذي في اسطنبول و الجزء الثاني ابي اقضيه في منطقة تكون على شواطئ مثل شواطئ ماليزيا في لنكاوي و بينانج...
طبعا في ناس نصحوني بأنطاليا و قالوا انه متوفر فيها الشواطئ هذي لكن عيبها انه ما فيه مدينة يعني حدك الشاطئ و الفندق وبس ....وانا بصراحة ابي منطقة تكون فنادقها على شواطئ رمليه و يكون فيها مدينة بعد....
الي ابيه يا جماعة و اتمنى منكم تساعدوني هو :
وين اسكن في اسطنبول في اي فندق مع العلم احنا شخصين أنا سعودي وصديقي أوروبي و اتمنى يكون السكن جيد و نضيف و خدماته حلوة و يكون قريب من الاماكن الي فيها مجمعات و اسواق ومطاعم ومقاهي
لكن لا يكون سعره غالي كثير يعني يكون متوسط او اكثر قليلا
السؤال الثاني بعد ما أخلص من اسطنبول اي منطقة اروحها و القى فيها فنادق على شواطئ رمليه و فيها مدينة بعد مثل ما ذكرت لكم سابقا....
ابي اعرف ايش اسماء احلى المطاعم و المقاهي ووين موقعها و هل هي غالية كثير او كيف
اي احد عنده اضافة او شيء الرجاء لا تترددون فودي اسمع اي شيء منكم