Bin Abul
26-02-2022 - 05:05 am
السلام عليكم
معاكم مسافر جديد وان شاء الله ماتكون الاخيره ..... والصراحه استفدت الكثير بالمده القصيره الي كنت معاكم فيها
وينكم يا اهل باريس الفزعه
اخواني عندي رحله صغيرونه يوم الاربعاء ... بعد المانيا والنمسا و يوربا بارك .. باذن الله سوف اتوجه الى باريس عن طريق القطار لها ...
السكن راح يكون في hotel california paris champs elysees ولمدة 5 ايام تبدأ اذا الله سهل
من تاريخ 13-9 الى 18-9
يوم الوصول ممكن يكون المغرب بتوقيتهم من 5 الى 7 ممكن ، يمكن هذا اليوم ضايع مجرد تمشي جنب الفندق للطماشه ، الرحله الفعليه من اليوم الثاني 14-9
اول شي راح اسويه راح اروح اقرب محطه وهي المترو للعم جورج الخامس على ما اعتقد هي اقرب وحده وراح اشتري البطاقه للقطارات رقم 123456 لثلاث ايام ( 14-15-16 ) حلو الكلام .....
الهدف من هذي الرحله أم العيال تبي تنشفني على الآخر تبيني ارد مطلوب يعني رحله للسوق ولاشيء غيره بس راح احوال اسيطر عليها ان امكن
الي استفدت منه من هذا المنتدي الرحلات الآتيه بس ماني عارف شلون ارتبها وهي كالآتي :
جاليري لافيت
الاوبرا
لا كونكورد
لا ديفينز
الحي اللاتيني ( ما اعرف وين مكانه وهل هو عباره عن سوق الرخيص ؟؟؟ )
قصر فرساي chateau de versailles ... الترجمه صحيحه ؟!
outlet واروحله عن طريق محطه France (Val d'Europe RER) وهل هو شمال جنوب المحطه ولا اهو نفسه الحي اللاتيني ؟؟
ودزني لاند
وطبعا برج ايفيل واحجز التذكره من النت
ودزني بخليها تاريخ 17 وهو السبت .. مع انه الاخوان قالوا زحمه ... بس من خبرتكم اذا في ترتيب آخر ليش لأ ومنكم نستفيد ....
وبخصوص القطارات ... الرير مادري شنو اسمها هل يوجد شرح مفصل لها هنا او اي موقع آخر ؟!
وسمعت عن سوق بضاعته رخيصه في الحي الحزب الاشتراكي ، شغله جذي وبعدين قلبووه سووق
اخوكم الصغير بالسفر والشايب بالعمر
حياك أيها الحبيب الجديد في السفر ،
والسفر ليس له عمر فاطمئن .. وإن شاء الله تستمتع .
فيما يخص باريس ،
فأولا ً ما أعتقد هالخمس أيام تحتاج فيهم بطاقة وهالسوالف للمترو ،
لأنه راح تكون محدوده لأماكن مُعيّنة ( رغم أن هالأماكن المُعيّنة كافية لعدد أيامك )
ولكن نصيحتي هي أن تشتري عشر تذاكر دفعة وحده من آلة التذاكر ،
وستكون هذه العشرة بخصم .. يعني في خيار بالآلة أنه تأخذ عشر تذاكر بسعر أقل !
وهي مناسبة وحلوة .. وتوديك لكل مكان .. وهذه أنصح فيها أحسن من أمور أخرى قد تكون طويله .
أما ما يخص اللافييت فهذا مجمعين أعتقد تسوّق كبيرين ،
وحوله أيضا ً محلات أخرى .. وهو جميل جدا ً و مميز .. والشارع هناك حيوي ،
وأعتقد أنه قدام المجمع راح تحصل وحده آسيوية تبيع " روب " للحمام .. وهو روب لا بأس به : ) .
اللافييت تروح له من خلال مترو 6 لمحطة الأوبرا . وأول ماتطلع من المترو راح تلقى محل للأحذية
تلف من عنده شمال ، وتطلع من المحطة .. وتحصل نفسك قدام كنيسة أو معلم هناك ما أعرف أسمه ،
وبتروح لليسار .. تمشي .. وبتلقى مطعم نورا لبناني على يمينك ، وستار بوكس وغيره ،
وبتلقى المجمعات على يسارك ..
الشاهد إنهم بهالشارع .. فممكن منها تتسوق ومنها تتغدى .
أم
المترو سهل جدا ً
باختصار ، وبدون مبالغة أو ازعاج أو تعقيد :
أنت أولا ً لازم تسجل محطات الأماكن السياحية اللي تبي تروح لها
فمثلا ً لو تبي تروح مجمع الفصول الأربعة في ضاحية اللاديفنس ( وهو مجمع نوعا ً ما رخيص )
فإنك ستذهب إلى محطة " اللاديفنس " وأين هذه المحطة ؟ على مترو 1 المتجة للاديفنس ..
فهناك المترو له أرقام .. وكل رقم فيه ذهاب وإياب
فإذا أنت في قوس النصر ( محطة شارديغول ) وتبي تروح لمحطة ( جورج الخامس )
فلازم أنك تركب المترو رقم واحد المتجه إلى الكونكورد ..
وكل مكان تلقى خريطة واضحه للمترو .. ومستحي يل !! إنك تضيع .
هذا بالمختصر
والله الموفق .