السلام عليكم ورحمة الله وبركاته،،
مساء الخير/صباح الخير
كيفكم ياشباب وشابات
نبي فزعتكم ياخوان
انا انشالله ناوي اسافر لماليزيا اقضي شهر العسل هنااك ان الله اراد
وروحتي انشالله بتاريخ 25-11-1432ه ولمدة من 12 يوم الي 15 كحد اقصى
عندي لكم كذا سؤال واستشاره ومانستغني عن ارائكم ومشورتكم يااعضاء منتدانا الغالي:
1- الفتره من تاريخ 25-11-1432ه الى10-12-1432ه كيف الجو هناك هل هو حلو ولابارد ولا كيف؟
2-انا لحد الان ماسويت ولا شي وش تنصحوني اروح مثلا للمكاتب السياحيه واخذ منهم البرامج الجاهزه مثل **** وغيره وغيره .. ولا اصمم برنامجي بنفسي وبمساعدتكم؟
3-ماهي الدير والاماكن الحلوه الي تستاهل الزياره؟وماهي الفنادق الحلوه الي بكل ديره تستاهل الزياره؟
4-ياليت الي سافر من قريب لماليزيا شهر عسل يخبرنا عن تجربته من الى؟
5-الان كم سعر الريجنت مقابل الريال؟ووش الافضل اصرف من الريااض ولا من ماليزيا؟ووش رايكم اطلع لي فيزا
ولابطاقه الصراف كافيه ؟
6-وش الاماكن الي يشترا منها الهدايا ويكون سعرها مناسب؟
7-ميزانيتي بحدود 15000 وش رايكم كويسه ولا ازودها؟طبعا بدون تذاكر الطياره؟
8-كم مده السفر من الرياض مباشره لكوالا؟ وهل الدرجه السياحيه متعبه ولا الوضع عادي؟
9-وش رايكم اخذ الخطوط السعوديه ولا اشوف خطوط غيرها؟
10- اللغه الانجليزيه عندي وسط يعني لك عليها كيف الوضع هناك بتمشي اموري ولاكيف؟وهل تنصحوني اقاول لي مترجم؟
11- انا سمعت من بعض الاخوان انهم يستاجرون لهم سواق يعرفونه ويكون معهم طول مده اقامتهم بكل مدينه وش رايكم بهالفكره حلوه ولا شو ارائكم؟
12- يقولون فوكيت بتايلند روعه وش رايكم نسير عليها وهل به مشكله بالجوازات ولاشي؟وهل تايلند عندهم حساسيه مثلا لان زوجتي اكيد بتكون متغطيه وهل بها مفاصيخ بالاماكن العامه؟
13- وش رايكم بتايلند لو حولت الرحله عليها بدل ماليزيا؟تستاهل ولا لا؟
14- كيف الامان بماليزيا وتايلند؟
ادري ان طولت عليكم بس تحملوني
ومانستغني عن ملاحظاتكم وارائكم ياخوان
اخوكم ماقد سافر الا لمصر والامارات
ملاحظه ،،
اتنمى ماحط يحط رايه الا شخص مجرب او واحد قريب له مره معطيه تجربته مانبي يقولون كذا وكذا او سمعت كذا وكذا
ولكم خالص تحياتي وودي وتقديري،،
خيكم
فيصل من السعوديه