والله ياليت اقدر افيدك يالغالي بس الشباب فيهم خير .... بس الطيران اسهل
(------------------------- مسوي ينصح

والله انا ماقد رحت لدبي عن طريق البر وانا اخوك و حقك علي النصيحة
أنا الاسبوع الماضي رحت لدبي من عندكم من البحرين على خطوط الجزيرة الكويتية
الاقلاع الثلاثاء الساعة تسع ونص صباحا 40 دقيقة وانت بمطار دبي الدولي و التذكرة ماكلفتني
0ريال سعودي ولله الحمد ورحت ورجعت وطيران من أحسن مايكون وهذا حقك علي النصيحة
وخاصة هاليومين حر و غبار الله يردك سالم غانم و لاتنساني من الزعفران الايراني ( ههه ) امزح معاك

اخوي بعد الجسر تطلع سيدا الى مخرج بقيق - الاحساء
اذا قربت من الاحساء خلك منتبه لا تدخل مع اول مخرج لكن في مخرج ثاني مكتوب عليه قطر-الامارات
امش عليه الى منطقة سلوى على حدود قطر ثم اسلك مخرج طريق البطحاء
ماعليه وصف سريع لكن المخارج واضحة و مكتوب عليها كل شي مثل ما ذكرت
توصل بالسلامة

أنا من البحرين وإستفسرت عن هالسالفة قبلك ، وماقصروا الإخوان
بالنسبة للطريق في طريقين :
1) واحد من خارج الإحساء وهو مخصص للشاحنات ( الشارع هو اللي وصفه الأخ حجز انتظار ) بدون الدخول في زحمة السوق والإشارات الضوئية ، بس عيبه أنه أطول ويصير سيد واحد وكله شاحنات وجمال .
2) الطريق الثاني يمر داخل الإحساء وميزته سيدين ، وأكثر أمان ومعظم المسافرين يمرون إبه !
وهذا إقتباس للأخ : عاشق الطعوس https://artravelers.com الله يعطيه العافيه :
شوف يا طويل العمر
انت الحين طلعت من جمارك السعوديه . حلو
بيجيك على اليسار تحصيل الرسوم . حلو
وعلى اليمين يوديك الخبر . حلو
انت روح على طول سيده لا يمين ولا يسار مو متاكد كم كيلو
بتجيك لوحه فيها الاحساء انزل معاها
وعلى طول سيده وهذا طبعا اسمه شارع الظهران بيجيك على الخط بقيق - شركة الاسمنت - العيون - الوزية
وبعدين تجيك اول اشارة بيكون على يسارك محطة ميد
وبعدين بتجيك اشارة ثانية بيكون على يسارك وكالة نيسان
وهذا كله في شارع الظهران
وبعد نيسان ياطويل العمر بيجيك نفق انت خش من تحت النفق وبتجيك اشارة يكون على يسارك مجمع التهاني
وبعد هذي الاشارة تطلع سيده وتجيك اشارة يكون مقابلك كلية الشريعة - هنا شغل مخك معاي -
في هذي الاشارة تطلع معاها يسار وبيجيك في هذا الطريق محلات لتأجير السيارات وبعدها بتجيك اشارة انت تاخذ معاها يمين واذا دخلت مع الاشارة يمين تبتل سيده وبتجيك اشارة السويق بيكون على يسارك قصر ابراهيم -تركه وروح سيده - مع سوق السويق ونهاية السويق بيجيك اشارة تاخذ معاها يسار وبعدها على طول اشارة تاخذ معاها يمين بيجيك مستوصف الهفوف الوطني بتجيك اشارة وتاخذ معاها يسار وبعدين بتجيك اشارة وتاخذ معاها يمين تبتل سيده وبتجيك اشارة يكون على يسارك السجن
انت روح مع الاشارة يسار بتجيك اشارة روح معاها سيده بيجيك دوار اللفه الاولى في الدوار اتركها روح مع الثانية وبعدين روح سيده - طول هذا الطريق 10 كيلو - بيجيك دوار اللفه الولى والثانية اتركها روح مع الثالثه ودربك خضر بعد 145 كيلو بيجيك منفذ سلوى فيه لفه قبل سلوى توديك للبطحاء
وهذي وصلة الموضوع تقدر تجوف بقية الردود والملاحظات !
الطريق من الجسر لمنفذ البطحاء مع دخول الإحساء؟؟؟ - منتدى العرب المسافرون https://artravelers.com

حجز انتظار
تسلم يا الغالي
انا رايح الامارات كذا مرة
اخرها كان في العام 2007 او 2008 ما اذكر بالضبط
والغرض من سؤالي كان
معرفة اذا ما استجد شيء جديد على الطريق
وتلسم لي يا خوي
وشكري لكل من
كلف على نفسه
ورد
ودمتم سالمين

ronaldo4ever
اتغشمر وياك ولد عمي
بس يا خوي انت سائل من العام 2007 واستفدت من الموضوع
بس ما قلت لنا عن تجربتك في الخط
وآخر مرة رحت فيها الامارات
ولا كلامي غلط
قول . . .

ماشاء الله عليكم شباب
يعطيك العافيه