مساء النور ام جود 2007
بخصوص المالديف المنتجعات اللي ذكرتيها رائعه كلهم وبخصوص الواتر فيلا طبعا هي افضل من البيتش فيلا وارقي واغلا سعر أنا أنصحك بدبليو رائع جدا ولكن الفيلا فيها مسبح ولكن ليس فيها جاكوزي ولكن تقدرين لما تطلعين مكتب السفريات سواء الاماراتيه او القطريه او احد مكاتب السياحه أن تطلبين فيلا بمسبح وايضا جاكوزي لانه اعتقد مايتوفرون الاثنين مع بعض في منتجع كونراد كان المتوفر الجاكوزي وأنتم بكرامه فالحمام وايضا واحد خارجي أما في الدبليو كان المتوفر مسبح خارجي فقط
طبعا تبغين شي فخم بلا تردد شانغرالا وون اونلي و دبليو هم الافضل والاجمل من وجهه نظري وشواطئيهم رائعه جميعهم طبعا دبليو عن تجربه اما الباقي بعد سؤال عنهم بدقه لزيارتهم عما قريب
وبخصوص الاماراتيه من وجهه نظري ارخص من موقع المنتجع ولكن ليس ارخص من المواقع مثل اجواد وبوكنج وغيرهم
واي استفسار اخر انا حاضرة للرد

مشكوره اخت الم
بعد ماقريت ردك رحت وبحثت بالكونراد وفعلا حصلت اللي ابيه واسعارها مابين 1200 دولار الى 1500 دولار بالليله الوحده
نوع الفله spa water villa
لكن كيف نظام الوجبات عندهم بوفيه الاكارت ولا والافطار كيف دسم ومتنوع
ولا افطار بسيط فواكه وخبز وكورن فليكس
لانيم اشفت عندهم بوفيه لا افطار ولا عشاء
الهيلتون متوفر فيها جاكوزي وبوفيه فطور وغدا وعشا بس العالم يقولون مستهلك ولا فهمت يعني بس اشوفه فخم
الان محتاره مابين الهيلتون والكونراد صراحه
فيه منتجعات ثانيه تتضمن غرفها جاكوزي ؟؟؟

ام جود2007
صباح الورد أختي ام جود والعفو اتمني أني أقدر أخدمك وافيدك بالمعلومات اللى عندي بخصوص الوجبات انا خذت مع الافطار فقط والافطار رائع حقهم ومتنوع ولذيذ وعندهم خدمة وهي دفع 3 دولارات عن كل يوم وتوصيل الافطار لك للوحده السكنية اذا ماتبغي تنزلي للبوفيه وانا كنت اعمل هالامر واطلبه ويوصلونه لي بالوقت اللي احدده كحد اقصي ساعه 11 صباحا
والمطاعم عندهم متنوعه ولذيذه عندهم مطعم أيتها اللي تحت الماء تقدرين تحجزين فيه غداء عندك مطعم فيلو وعندك مطعم ثالث اعتقد ماركت اسمه والله مضيعه بعد جميل وبوفيه متنوع ورائع وعندك البار فيها ماكولات ومشروبات خفيفه ماعندك خلاف من ناحية المطاعم واصلن ماراح تحتاجين الا الافطار والعشاء ووجبة سناك خفيفه بينهم
وبخصوص كونراد او الهلتون طبعا كونراد من وجهه نظري المنتجع رائع جدآ

الهيلتون كان ممتاز جداً وما أشوف أنه مستهلك ولاشيء
أنا سكنت فيه ووتر فيلا مع جاكوزي وكان الجاكوزي على البحر وش أحلى من هالجو
وبوفيه الافطار كان من أروع مايكون جميع الانواع والأصناف موجوده
وفيه نقطة لا أتوقع أن فيه منتجع في المالديف بيقدم فطور عادي ( فواكه وكورن فليكس )
لأنه أهم وجبه في اليوم كل الناس تكون قايمه من الفجر وتنتظر علشان كذا هم يهتمون بالفطور

اخت الم
ياجعلك مير تسلمين لي والله
اللحين كل هذا بالكونراد؟؟
واللهي شكلي ابدهر بالحجوزات والبحث فيه
واكل بالغرفه ماحب صراحه انا ولا حتى زوجي نحب نطلع تغير جو بالمطعم دايما
والسناك متعودين هم يرسلون دايما مع عصيرات وقت العصر او الظهر زي اغلب منتجعات موريشوس اما منتجعات سيشل بخلاء مايرسلون
زيزو11
انا يوم قلت افطار خفيف لان بموريشوس وبالتحديد التاج اكزوتيكا والاوبروي كان كذا فطورهم خفيف وواذا بغينا فطور دسم نطلب ويحضرونه لنا
والعشاء برضو ماكن عندهم بوفيه ابدا كل المنتجعات العشاء يكون ألا كارت
سيشل لا بصراحه كانوا كريمين جرب الميريديان فيشرمانز كوف ولابريز والفور سيزونز والهيلتون كلهم بوفيه افطار مفتوه واغلبهم عندهم عشاء بوفيه والفور سيزونز مخصصين يوم عشاء عربي الثلاثاء كان
فانا حبيت اتاكد من المالديف هل هي زي نظام موريشوس او افضل منها في هالنقطه اللي هي بخصوص البوفيه المفتوح
وانت تمدح الهيلتون واخت الم الكونراد وبصراحه كلهم ودي افيهم بس ابحاول اشوف مين الافضل بالنسبه لي
واذا فيه منتجعات بغرف فيها جاكوزي غير المنتجعين اللي قلتوهم ياليت ماتبخلون علي لاني ناويه اسافر على سبتمبر
الا صحيح سبتمبر كيف اسعارهم موسم ولا هاي سيزون ؟

ام جود2007
الله يسلمك ويعافيك بخصوص السناك لاع مايرسلون دبليو هم اللي كانوا يرسلون سناك كل عصر وكونراد رائع بكل ماتحمله الكلمه والانشطه متنوعه فيه يعني من أربع ليال لين ست ليال فيه ماتملين ولكن اكثر من كذا لا راح تطفشون من المالديف بكبرها