Rateel
14-12-2022 - 09:09 pm
السلام عليكم ورحمة الله وبركاته
أذكر ابها يوم كنت طفله وكانت اخر زياراتي لها ...والحين أم لثلاث اطفال ماشاء الله
نوينا نروح لأبها بعد العيد بما انه فيه وقت قبل الدوامات ... حابين نشوف الامطار والأجواء الجميله اللي نسمع فيها ونشوف مقاطعها وطبعا بما انها الزيارة الاولى بعد الطفوله اللي مااذكر منها شي طامعين بمساعدتكم اكيد ..... أولا الاماكن اللي تستاهل الزيارة .... أماكن فيها شلالات طبيعية .... وللمعلومية زيارتنا استمتاع فقط ماابي مراكز تسوق ولاحتى رفاهيه زيادة ابي جلسات حلوه وطلعات تشرح الصدر
وين تنصحون نسكن بأبها فقط والا نغير ... مع انه متصاعبه التغيير بما انه موسم عيد اخاف مايتوفر السكن !!! واذا في ابها فقط ... وين بالضبط احسن منطقه للسكن نظيف ورخيص ؟
حابة اروح للشقيق ...هل هي قريبه من ابها ؟ وكيف نوصل لها ؟نبي شاطي نظيف وقريب
وبالنسبة لتنومه والنماص هل لازم ناخذ سكن فيها والا نسكن في ابها ونروح لها ونرجع في المساء ؟ وكيف وضع الطريق ينفع بالليل ؟
وبالنسبة لشي بعيد عن المناطق ايش تنصحون ناخذ لبس ربيعي والا شتوي
وللمعلومية المسافرين عائله صغيره اب وام وطفلين
أهلا أختي الكريمة رتيل
توصلون بالسلامة إن شاء الله والله يحفظ لك زوجك وأطفالك .
الحزام الدائري المحيط بأبها مليئ بالشقق النظيفة وبالسعر المعقول ، حي المنسك هادئ وأسعاره أقل من أبها وهو قريب من أبها .
أنصح دائما السكن في أبها لتوسطها وقربها من المنتزهات .
الشقيق تبعد عن أبها حوالي ساعة وطريقها من عقبة ضلع ، الحريضة بعدها وتتميز بالشواطئ النظيفة والشقق والاستراحات لكن الجو حار نسبيا .
النماص تبعد ساعتين عن أبها وطريقها متعب شوي يعني يجب السكن فيها .
تنومة ساعة ونص يعني صعب برضو لكن بإمكانك السكن في النماص والذهاب إلى تنومة .
أنصحك تاخذي ملابس شتوية للأطفال نظرا لبرودة الجو في السودة .
أتمنى لكم رحلة موفقة وعيدا سعيدا