عندك اجنحة بودل والخليوي بشارع العليا العام
وفيه فندق امطلق بشارع المطار رخيص
وعندك فندق قصر الستين بالملز رخيص
انته حدد كم السعر
الله يوفقك

هلا ومرحبا فيك اخوي , بالنسبة للرياض من ناحية الشقق لاتفكر لآنه ( عائلات فقط) , لكن هناك فنادق , وفيه فندق أسعاره مناسبه وهو فندق هوارد جونسون يقع في حي العليا , قريب من تقاطع طريق الملك فهد مع خريص , انت شوفه يمكن يناسبك ان شاء الله , والعاده في رمضان تكون الآسعار مناسبه نظرأ لقلة الآقبال قبل موسم العيد
تحياتي لك: سلطان الشرقية

فيه شقق في حي المصيف نسيت اسمها الظاهر اليوم 120 وشقق حلووه
الوصف وانت متجه الى مخرج 5 كانك رايح لطريق الشرقيه تجيك قبل الاشارة يمين
وفيه في الروضه والاسعار حولها وموقعها بين مخرج 11 و10 واسال عاشق القمره لانه سكنها بسعر 150وهو على مااعتقد جاي مع عايلته يمكن شقه لعزوبي تلقاها ارخص

فيه شقق .. وقريبه من السفارات .. على طريق سريع
مثل ما قال الأخ باك ستريت
الشقق الأولى شقق النايفات .. بالقرب من مخرج 5 وبجوار شرطة العليا
وسعرها للشقه ما بين 120 إلى 200 ريال
وشقق ثانية .. بين مخرجي 5 و6 في حي المصيف .. شقق المصيف الأخضر
والسعر ما بين 100 إلى 150 ريال
وشقق دنيا القمة .. موجود بين مخرجي 5 و 6 بحي المصيف
والسعر نفس الشي ما بين 100 و 150 ريال
للعلم موقع الشقق .. موجوده شمال الرياض .. إذا كنت جاي من الشرقيه .. او ما تدخل الرياض وتتعدى مخرج المطار . يجيك مخرج 7 ومن بعدها مخرج 6 ومخرج 5 .. سوي ( U turn ) من مخرج 5 وأمشي شوي تجيك مجموعه من الشقق على اليمين
وهذي الشقق تأجر الدور العلوي للعائلات والدور الأرضي للعزاب

معلومات حلوه يعطيكم العافيه,,

ليش انت الي بتروحين يااريام ؟

عندك شقق بحي المروج على الدائري

بو شهاب ..
أولا حياك الله في الرياض .. ونورتها مقدما ...
ثاني شي .. أن قبلت دعوتي ف حياك الله عندي في البيت ومن معك ..
وعلى الرحب والسعه .. نتشرف بقدومك .. ونود كسب أجر أفطارك في رمضان ( حضرمي ) ..
وان لم يعجب هذا العرض .. ( على راحتك ) .. وأنصحك ب قولدن توليب .. غرفه بسريرين = 300 ريال ..
أو بودل على طريق العليا ..
ولك الخيار .... ؟

تبي نصيحتي رح طريق الملك عبدالعزيز ( المطار القديم) كله فنادق خمس نجوم الى ثلاثة نجوم ، وفندق المطلق لابأس على نفس الطريق ، فندق المنهل هولداي ان حلو ، واذا تبي الافضل ماريوت الرياض سعره بحدود 400 ريال موقعه جيد كلش جنبك . والخيار لك
تحياتي