حياك الله ولكم ولكم
اذا جيتك علشان الاسواق وانت عزوبي لا تتعب روحك وخلك بديرتك احسن لك

تحياتي
بالنسبة لمهرجان الجنادريه ماعندي خبر.
اما الاسواق الشعبية فعندك سوق الزل الى في الديره لايفوتك
اما الاسواق الكبير احيان يردونك ولا يدخلونك

هلا اخوي اتوقع انه بين 4-4-1431ه إلى 17-4-1431ه
بالنسبة للأسواق كثيرة منها لكن اغلبها عوائل عندك مثل ما قال اخوي سوق الزل والبطحا وحراج بن قاسم خ
روحوا مقاهي وكفيهات هذي الرياض للشباب بس

وعليكم السلام
بالنسبه لمهرجان الجنادريه باقي عليه 3 اسابيع تقريا على الافتتاح
واما الاسواق الشعبيه
عندك سوق الزل .. وسوق اوشيقر كلها قريبه من بعض تقريبا وفيها كل ماتحتاجه

الجنادرية عقب ثلاثة أسابيع تقريبا
الأسواق الشعبية عندك بجنوب الرياض
سوق الزل .... اشيقر ... الشارع الثميري
كلها جنب بعض في منطقة قصر الحكم
بالنسبة للأسواق الجديدة والمولات لاتتعب روحك ممنوع العزاب

عندك شارع التحليه
أما المجمعات حسب هيئتك ووضعك
وحياك الله

حياك الله أخوي بتنور الرياض والسعوديه كلها
بالنسبه للجنادريه باقي عليه 3 أسابيع تقريبا والأسواق التراثيه أنصحك بثلاث أسواق وكلها قريبه من بعض
1- سوق الزل
2-سوق المعيقليه
3-تعمير غالريا
بالنسبه للأسواق الجديده تقدر تدخلها من الساعه 10 صباحا الى الساعه 4 عصرا بعدها يصير للعوائل وبذكرلك أفضلها :
1- الرياض غالري
2-غرناطه مول
3-حياة مول
4- صحارى مول
5- المملكه سنتر وتقدر تدخله باليل بس من السبت الى الثلاثاء أما الأربعاء والخميس والجمعه عوائل
6-الفيصليه سنتر وتقدر تدخله باليل بس من السبت الى الثلاثاء أما الأربعاء والخميس والجمعه عوائل وتراه برج فيه مطل تشوف الرياض كلها أنصحك فيه وبقوه الدخول أتوقع ب30 ريال للشخص وأنصحك تروحله العصر عشان تشوف كل شي بوضوح
أخيرا لا تنسى شانشلزيه الرياض شارع التحليه الرائع كله كافيهات ومطاعم فخمه وراقيه وأيضا يوجد به مول خاص بالشباب إسمه لوكاليز مول كله ماركات
وحياك الله اخوي بتنورنا وأي سؤال انا حاضر .