ابشري ومشكوره اختي ..
انتي تأخرتي بالحجز .. جدا لك بحاول جاهدا احصل لكم ..
عموما قبل لا ادخل بالتفاصيل ...
الغابات السوداء بعيده عن النمسا .. لهذا الافضل ان تلغينه والاسباب كالاتي .. بعيده جدا عن زيلامسي .. ثانيا المده قصيره .. ثالثا .. سوف تشاهدين ما هو اجمل في زيلامسي والقرى التي حولها ..
ويكون مخططكم
4 ايام ميونخ 6 ايام زيلامسي 4 ايام فينا .. او العكس ..
ومن زيلامسي انزور سالزبورخ ساعه وثلث فقط بينهم .. وميونخ اتزورون غارمش الساحره ...
هذا المخطط الافضل ... وافضل وسيله لكم داخل زيلامسي السياره حتى نغطي جميع الفعاليات والقرى السياحيه والريفيه ...
المطلوب الان ..
1- ما رأيكي بالجدول تحبين انزيد بزيلامسي على حساب فينا يوم واحد
2- اعمار اطفالكي
3- ماذا اخترتي من مخطط
4- اذا عجبج رأيي عطيني التواريخ بالظبط وانا اشوفلج شقق بزيلامسي او كابرون القريبه .. وميونخ وفينا صعبه لكن بنحاول
ملاحظه :: سؤال العلاج وايامه خارج المخطط صحيح ؟؟
بنتظارج

ali_q8_77
اسفه اخوي عالتاخير بسب النت عندي علق
اخوي نصحتني الغي الغابه السوداء ليش ؟
المشكله الاولاد يبغون يوروب بارك
احنا كنا على اساس نطلع من ميونخ للغابه 3او4ايام بعدين نرجع لميونخ ناخذ القطار من هناك الى زيلامسي وش رايك؟
وهل يوجد بزيلامسي مدن ترفيهيه تعرف الاطفال يملون من الطبيعه يبون ملاهي
و سالزبورغ يكفيها زياره بدون سكن فيها
وكم تبعد غارمش عن ميونخ يعني يكفيها زياره*
وش رايك 4 ميونخ و4 غشت اوهافمبورغ ايهم اقرب لليوروب بارك و5زيلامسي و5فيينا
اعمارالاولاد18و16و12و9و1 الله يصلحهم
وحجزنا من 6يوليو الى 24 يوليو 18 ليله
وبالنسبه للسكن كل المكاتب السياحيه ما انصحونابالشقق قالو فنادق افضل اذاكانت الاسعار متقاربه افضل الفنادق
وسؤالك الاخير نعم ا لعلاج خارج المخطط
شاكره لك سرعة ردك الله يجزاك خير

حياج الله .. مو مشكله نظبط لكم جدول
ما قلتلي معاكم سياره وله قطار ؟؟ داخل المدن والتنقل ..
ثانيا انتي تقولين حجزتي البدايه اي مطار والنهاهيه كذالك ..
بنتظارج حتى اجاوب بشكل دقيق

ali_q8_77
يعطيك العافيه..
التنقل راح يكون بالباصات او اندر قراوند ..
حجزنا البدايه ميونخ والنهايه فيينا وشرايك نخليها العكس احسن ..؟؟
وشكرا ..

لا .. لا تغيرين .. اذا ابين اتزورن فينا ..
واذا فينا مو ضروريه .. الافضل البدايه بفرانكفورت والنهايه بميونخ ..
عموما لو قلنا نفس حجوزات والمده المذكوره هذا المخطط الافضل لكم ...
الوصول ميونخ وراحه يوم .. .... ثم روشت الملاهي 3 ايام ثم ميونخ 4 ايام ثم زيلامسي او كابرون 5 ايام ثم فينا 5 ايام ..
وضعنا يوم راحه بميونخ افضل حتى ترتاحون من السفر .. 2- المسافه بعيده الى روشت تقريبا 4 ساعات بالقطار .. وايضا حتى يتسنى لكم حجز تذاكر القطار ...
اذا اوكي ,, نبدأ بالسكن .. وبعدها الاماكن السياحيه وهذي لا تحاتين منها .. راح اكتبلج كل شيئ
بنتظارج

العفو اقصد البدايه بفرانكفورت والنهايه بفينا .. افضل ..
نأسف للخطأ المطبعي
بنتظاركم

الوصول ميونخ وراحه يوم .. .... ثم روشت الملاهي 3 ايام ثم ميونخ 4 ايام ثم زيلامسي او كابرون 5 ايام ثم فينا 5 ايام ..
ماادري راح تكون متعبه الرحله كذا راحه يوم بعد مسافة 7ساعات طيران بعدين 4 ساعات قطار لان معي بيبي
انت وش رايك نروح اليوروب بارك ولاما تسوى االمشوار 4ساعات قطار تو متش لانها بتلخبطنا الصراحه ابي نصيحتك
وبالنسبه للبدايه الافضل ميونخ
بانتظارك

علشان جذيه قلت بعيده .. وانتي قلتي ضروريه ..
في ملاهس صغيره مقارنة بيوربا بارك اسمها ملاهي بارتر بفينا .. جميله
وفي مدينة العاب اسمها ليكو لاند قريبه من ميونخ ساعه بالقطار ..
وفي الزحلاقيه الصيفيه القريبه من زيلامسي وبعض الاماكن بزيلامسي مناسبه للاطفال هنا انا كاتبه
اسم هذي الملاهي والحديقه
: Wild & Freizeitpark Ferleiten : :
باص رقم 650 ..
وهنا الباقي
https://artravelers.com/p/re/343664
بالاضافه الى جبال كابرون الثلجيه .. يعني ممكن ستانسون .. بدال الملاهي البعيده كما ذكرنها ..
وبحال لغيتو الملاهي بيكون المخطط افضل .. من ناحية التنقل
ويكون ميونخ 5 ايام زيلامسي 5 ايام سالزبورخ 3 ايام .. فينا 5 ايام
من ميونخ الى زيلامسي ساعتين ونصف وتغير القطار بسالزبورخ
من زيلامسي الى سالزبورخ ساعه وثلث مباشر ..
من سالزبورخ الى فينا 3 ساعات مباشر ...
واذا ضروريه جدا الملاهي .. الخيار الاخر نفس المخطط الي فوق لكن عكسه الايام بميونخ
يعني 4 ميونخ 3 ايام روشت يوم ميونخ 5 زيلامسي 5 فينا
اختاري

يعطيك الف عافيه ماقصرت
خلاص كنسل الغابه السوداء
نخلي البرنامج ميونخ 5 ايام زيلامسي 5 ايام سالزبورخ 3 ايام .. فينا 5 ايام
من ميونخ الى زيلامسي ساعتين ونصف وتغير القطار بسالزبورخ ...طيب ليش مانخلي سالزبرغ بعدميونخ وبعدها زيلامسي
معليش اتعبتك معي
مشكور