الكويتي
مرحبا يالغالى فعلا فى ميونيخ ماتحتاج سيارة بس اذا كان عددكم كبير فافضل سيارة حتى تزور الاماكن القريبة من ميونيخ بالنسبة للجارمن فى الكويت 105 دنانير نوفى 765 بدون خرايط انا اخذته من دبي فى كارفور 1300 درهم مع خرايط اوروبا يعنى تقريبا 112 دينار ولقيته فى مطار دبي بزيادة 100 درهم مانى متاكد وموفق خير ان شاء الله

حلو انا سفرتي يوم 24 -7 وودي اعرف عن ميونيخ اذا بسكن فيها شنو الفنادق او الشقق اللي اسعارها حلوة موغالية؟
واذا بروح لمناطق قريبه من ميونيخ وين اروح ابي اسماء المناطق اللي تستاهل الروحة لها؟
وسالزبورغ تستاهل العنوة لها والا مافيها شي حلو؟؟؟؟
وابي طريقة التنقل في ميونيخ التاكسي يقولون غالي شنو الوسيله الثانيه الاندرقرواند مثلا؟؟
وفرانكفورت بعيده عن ميونيخ حيل؟؟؟وجم تستاهل نقعد فيها؟لان اللي معاي موناوي يتحرك من ميونيخ وبعدها نروح لزلمسي فأانا بحاول اقنعه انه نروح لمناطق ثانيه ونفر شوي بدل القعده بس بميونيخ ؟
والتفاهم اهناك معاهم اذا الانجليزي كمحادثه مش ولابد او بعضهم يتكلمون الالماني شلون نتفاهم معاهم؟؟
ياليت تفيدوني جزاكم الله خير

الأخ المحترم fatman
شكرا لتفاعلك
بالنسبة للعدد احنا شخصين انا وزوجتي
وبالنسبة للجارمن ترى أنا مو خبير
يعني 765 نوفي زين ؟؟؟
شكرا لك مرة ثانية
الأخ المحترم روحي الكويت
أنا مثلك أول مرة أروح ميونخ
مدحوا لي فندق هوليدي ان سيتي سنتر
خذيتة الليلة ب55 دينار مع الفطور من سفريات الفروانية
الأماكن القريبة اللي تستاهل الروحة هي قرية قارمش وتبعد حوالي 100 كيلو من ميونخ
فرانكفورت بعيدة بس ما أدري جم
حاول تخصص جم يوم من رحلتك لزل ام سي وسالزبورغ
هذا اللي اعرفة
وتسافرون وتردون بالسلامة إن شاء الله

الكويتي
الله يسلمك ورحلة سعيدة اتمناها لك
وشكرا على هالمعلومات
بس على الطيران الاماراتي جم التذكره اخذتها للشخص الواحد؟؟

اخذت التذاكر ب 492 دينار للشخصين
يعني الواحد 246 دينار
حجزت عن طريق الانترنت واستلمت التذاكر من مكتب الاماراتية بالكويت

اخوي دش على الموقع هذا فندق.كم http://www.fendeq.com/?gclid=CJCUyJmey5sCFcE63god_AFRJg
تلقى اسعار رخيصه ويحسب لك بالكويتي .
وانصحك بفندق مريديان مموقع ممتاز عند محطه القطار ( مطاعم ومكاتب تاجير سيارات ) تلقلها فيه .

اخي الكريم الكويتي
تحية طيبة لك وبعد
مو قالك السيارة مو ضرورية بميونخ لا فهي مهمة ولك الحرية باتنقل وين ماتبي وفي اماكن سياحية بعيد يبيلها سيارة او تاكسي فنصيحة خوك وولد ديرتك انك تاجر سيارة والامر بغاية السهولة اسهل من الكويت واذا تبي اي شي راسلني وانا باخدمة لانني مسافر يوم 24-7 ان شالله لدسلدورف .
اما بالنسبة لجهاز القارمن فهو اهم شخص بالرحلة وبدونه الرحلة ما تسوى فهو الصديق والدليلة ويولك لغاية باب الفندق او المجمع او مكان سياحي بدقة خيالية
انا عندي جهازي ( nuvi 370) وخذيته من الكويت وعندي ( nuvi 255) وشريته من زلامسي وكلهم روعة
وبالنسبة لفندق هوليدي ان سيتي سنتر فهو ممتاز ومكانه قريب جدا من المجمعات اللي بميونخ
وتروح وترجع بالسلامة انشالله

واخي ايضا روحي الكويت
حياك الله اخي الكريم
بالنسبة لاماكن السكن فالمنتدى فيه كل شي عن الفنادق والشقق الفندقية كفوا ووفوا
بالنسبة لاماكن في ميونخ ادخل هالرابط وشوف اللي يعجبك
احداثيات لدسلدورف وكولون وبون وميونخ - منتدى العرب المسافرون https://artravelers.com
ومدينة سالزبورغ تسوى العنوة روح لها الصبح وارجع متاخر منها ووالزمن ساعتين من ميونخ حلوة جدا
اما بطريقة التنقل انا انصح بتاجير سيارة من المطار والتمتع بالطبيعة
بالنسبة لفرانكفورت فهي تبعد 4 ساعات عن ميونخ وتسوا لها يومين
بالنسبة للتفاهم فهو سهل جدا بالانجليزي او بالاشارة وراح تمشي الامور فتساهين انشالله

اخوي الكويتى عفوا على التاخير فى الرد
بالنسبة للجارمن 765 فيه mp3 و fm و بلوتوث و ثلاثى الابعاد يعنى تشوف الطرق والمنعطفات والمبانى بشكل ثلاثى الابعاد أما بالنسبة الى ان انتو شخصين فمن وجهة نظرى المتواضعة ماتحتاج سيارة لأن المواصلات متوفرة لأغلب الأماكن التى ستزورها حسب افادة الاخوان فى المنتدى أما بالنسبة لسعر التذاكر فالقطرية أرخص الا اذا ناوى تنزل بدبى كم يوم فالاماراتية افضل بس تظل القطرية ارخص وفقك الله