السلام عليكم و رحمة الله و بركاته
شحالكم اعضاء و عضوات منتدى المسافرون العرب
اتمنى ان الكل يكون بخير
طبعا تشجعت و نزلت هالموضوع بعد ما جفت تجاوبكم و مساعداتكم للكل
اولا انا بإذن الله حابة اقضي شهر العسل في ميونخ من ثم النمسا في شهر ديسمبر بيكون
ف حابه انكم تزودوني بمعلومات واايده وياليت لو حد بيساعدني وبيقولي وين اروح ووين ابدا
ببدا بالاسئله :-
1- كيف بيكون الجو في ميونخ و النمسا !
2- وين ابدا اول ميونخ ثم النمسا او العكس !
3- شو رايكم ميونخ ثم فيينا او ميونخ و النمساا يعني شو الاحلى !
4- شو الاماكن الحلوه و السياحيه اللي بقدر اروحلها فهالفصل !
5- شو الفنادق الحلوه اللي بحجزها !
6-وين احسن مكان نستأجر منه سياره !
7- شو الاشياءات اللي لازم نشلها ويانا !
8- يعني لو حد بيسويلي جدول حلو ههه يزاه الله الف خير
و ان شاءلله ناويه احجز كل شي من النت ^_^
يعني لو بعد حد بيخبرني المواقع وكل شي
9- اذا عندكم اي معلومات اضافيه انا نسيت اكتبها فالاسئله ياليت تساعدوني وتكتبون
كتبوو كل شي فخواطركم تعرفونه امرره و يعني تحسون ان هالدولتين مناسبات حق شهر العسل او لا !
واذا يعني مب حلو او شي جيه وين تقترحون عليه اروح طبعا غير ماليزيا و غير الجزر
مشكورين و اسفه بتعبكم وطولت عليكم بس حاولت اختصر قد ما اقدر
بإنتظار ردودكم يا اهل الخبره ^_^
وبالتوفييج للجميع يآإأرب