مرحبا مليار وان زاد لاباس
شحالكم
من كمن يوم واصلين ميونخ مدينة الحياه والحركه
بصراحه انا زرتها في الصيف اللي طاف وعيبتني وايد وتمنيت زيارتها في الشتا والحمدالله الله وفق وزرناها في الشتا وانا الحين اكلمكم من هناك ومن وسط ميونخ وعلى يميني ويساري اهم شوارع التسوق
اللي ماتوقف الحركه فيهن ومايحلى المشي الا فيهن ويازينه في هالوقت صح الشتا برد وايد بس ممتعه لابعد
حد وعيبتني ميونخ في هالوقت اكثر عن الصيف وحر الصيف ..
جوها ماشاء الله امطار من اول ماوصلنا واليوم مشمسه والجو بارد
ولاحظت قلة العرب فيها وخصوصا الخليجيين ..يعني اللي تشوفهم قله مقارنه بالصيف ..
المهم تعالو نشوف بعض الصور
هذي اول وصولنا ونحن في السياره كان الجو ممطر وبغزاره
وهذي بعض الصور التقطتها وانا سايره اتمشى صوب المارين بلاتز ..بصراحه التمشيات في المارين متعه
وهذي صورة اكبر كنيسه في ميونخ وتوجد في المارين
صراحه لفتتني طريقة البناء عجيبه..والحمدالله على نعمة الاسلام
وهذي بعض الصور للمارين المسا..هالشارع مايخلى لا صبح ولامسا كله حياه وحركه وهالشي عيبني وايد
مااحب الاماكن الخاليه من الناس
وهذا الجاليريا كاف هوف(مول) اللي مقابل المارين وفي فرع ثاني في المارين بس لاحظت فرق في الاسعار وفي اختلاف في البضايع ..واللي في المارين اغلى ..اعتقد لوقوعه في شارع المارين ! عشان جذيه اغلى ..
وهذيلا بعض الصور لشارع الماكس ميليان (شارع الماركات)
ولاحظت ان مافيه حركه وزحمه مثل المارين!! يمكن لانه اغلى ؟! وقله من الناس يتشرون منه ..
بالهكبسه اختم اول بث وهب اي كبسه ..كبسه على لحم نعام (طبخ منزلي هب كبسة مطاعم )
وترقبوني في الحلقه القادمه مع المزيد من الصور والاماكن اليديده
تحياتي
اختكم
الامارات
تردون بالسلامه ان شاء الله ..
:
:
تسلم يمناج الغالية على التقرير الغاوي شراتج ^_*
و لا تحرمينا من يديدج