فيوري9
10-09-2022 - 10:36 pm
السلام عليكم
هاي اول مشاركه لي معكم وان شاء الله ماتكون الاخيره
وبالمناسبه ..........الف مبروك للابيض.....تستاهلون والله .....واللع يعوض لعمان يارب.
حجزت على دبي بكره الجمعه 2فبراير -الى الاثنين 5فبراير
الوصول ان شاء الله الصباح بدري على الساعه عشر.....والمغادره الاثنين العصر
على طيران الخليج (بحرين -دبي- بحرين)
حزت بفند (متروبولتان ديره دبي)
هاي اول مره اروح مع المدام .....من غير العيال
انا قد زرت دبي بس مااعرف فيها شي ابدا
ودي تعطوني جدول حلو وممتاز للاماكن اللي ازورها (طبعا اكيد الحظ الاوفر للمجمعات )
وش المطاعم اللي الواحد لازم يزورها دامه في دبي (احنا نحب الاكل البحري) بس مايمنع نجرب العراقي والايراني.........فاست فود او مطاعم عندنا بالشرقيه ماابغى اروحها ابد.
تو قريت عن القريع العالميه ......هذي وش سالفتها (دامي بلحق عليها الجمعه)
سمعت عن رحله في البر (حد يقدر يفيدني عنها؟؟)
ودي بعد اعرف ن بن بطوطه مول ..............كم من الوقت يحتاج زيارته والتمشي فيه
ودام مامعي اطفال ................ودي اروح سينما .....وش احسن شي
معليش طولت عليكم ....... بس وش اسوي انتو كرما واحنا ان شاء الله نستاهل
تأخرت في وضع الاستفسار ..
اخوي شوف هالموضوع فيه برنامج سياحي ممكن تختار لك الاماكن اللي تناسبك خلال ثلاثة ايام ..
https://artravelers.com
بالنسبة لرحلات البر أو السفاري شوف هالموضوع وخصوصا مشاركة الأخ مورسيدس بن بنز
https://artravelers.com
بن بطوطة مول .. مركز تسوق كبير يحتوي على عدة اقسام مثل قسم الهند وقسم فارس وقسم الصين وقسم الاندلس ومصر وتونس ويقع على شارع الشيخ زايد باتجاه ابوظبي بين التقاطع 5 و6