ياسر الفلاح
تحية طيبة :
هذه مشاركة بسيطة مني عن شرم الشيخ :
عندك المشاية بخليج نعمة وهي عبارة عن شارع لا تدخله السيارات ويوجد بالمشاية جلسات ومقاهي ، والوقت المناسب لزيارته من بعد صلاة العصر ، وعندك ايضا خليج نعمة يلزم زيارته بالصباح الباكر ، وايضا يوجد مكان اسمه الف ليلة وليلة و هو عبارة جلسات ومسرح ، وايضا يوجد سوق اسمه ( السوق القديم ) حلو ، وبه مطعم اسمه ( مطعم المصريين ) حلو ونظيف .
ورحلة موفقة إن شاء الله .
تحياتي ،،،

رحلة موفقة بمشيئة الله
عندك المقاهي في خليج نعمة والالعاب المائية بالهضبة والمركب الزجاجي ورحلة راس محمد وجزيرة تيران والعشاء البدوي وعندك السوق القديم لازم تروح له
أما المطاعم
1- مطعم دنانير : موجود بين فندق موفينبيك وبين ماكدونالدز .. وهو يقدم كل شيء .. مثل الأكلات البحرية وكذلك اللحوم .. بالإضافة للبيتزا والفطائر ومختلف الأطباق المصرية(ممتاز)
2- مطعم مغربي بداخل منتزه ألف ليلة وليلة : هذا المطعم متخصص في الأكلات المغربية فقط .. حتى أن ديكوراته مغربية .. وهو بداخل المنتزه الذي تكلمنا عنه سابقاً(أكلة يعني)
3- مطعم Jolie Ville bakery : وهو ليس مطعم بالمعنى الحرفي .. وإنما خاص بجميع المخبوزات . مثل الكيك والفطائر والخبز بجميع أنواعه ، بالإضافة للقهوة والآيس كريم(ماجربته)
4-مطعم المصريين في السوق القديم بشرم القديمة(ممتاز)
الاسعار الله يعينك لازم تكون مفتح شوي لان جميعها باليور حاول تطلب الورقة الي فيها الاسعار بالجنية
وبالنسبة للجو أتوقع يكون فيه شوية برودة باليل خذ معاك جاكيت إحتياطاً
أما النت سكنت في هلنان مارينا وكان شغال باللبي بس كان بطيء

كم تكلف الميزانيه اذا اخذنا بالاعتبار ان وجبتين في الفندق ؟
اهم شي التكاليف الماديه .....
وبالذات للناس اللي راحوا كيف كانت الصرفيه اليوميه بدون وجبات لانها متوفرة بالفندق....
وشكرا لكم ....

مرحبا اخووي رحلة موفقة انشالله
انا توني جاي من شرم الشيخ من كم يوم ... الصراحة الجوو حار الظهر وحلوو من بعد العصر وفليل كان نوعا ما مائل للبرودة ..واذا انت بتطلع رحلات بتكلفك يعني مثلا ... العشاء البدوي الشخص 140 جنية تقريبا .. راس محمد 130 جنية الواحد .. الدرجات النارية الشخصين على دراجه وحدة 220 جنية .. لازم تعمل حسابك .. والمطاعم لشخصين خارج الفنادق في شارع نعمة مب اقل من 220 جنية ... والفنادق توصل حول 450 جنية للشخصين ... يعني اذا بتطلع رحلات وزيارات لازم تعمل حسابك لان المنطقة سياحية وكل مكان سيحاي لازم يكون غالي نوعا ما ... واي سؤال انا حاضر

مرحبا اخوي ياسر منت متخوف من رحللتك بعد اللي سمعته في الاخبار حاسه اني بهون انا وزوجي
ياليت بعد ماترجع تكتبلنا تفاصيل الرحله والجو والذي منه لان موعد سفرتي 8_5_2009
ويارب تتهنا

1. 2/ ماهي الاماكن التي تستحق الزيارة ؟


2. 3/كم تكلف الميزانيه اذا اخذنا بالاعتبار ان وجبتين في الفندق ؟

1/ كيف الجو في تلك الفترة من ناحيه الحرارة والبروده؟
الجو حار في الظهر وفي الليل مايل للبرودة انت احطيات شيل معاك جاكيت للبرد

2/ ماهي الاماكن التي تستحق الزيارة ؟

السينما- مكان اسمه الف ليلة وليلة -بس بصراحة لا تفوت الرحلة على البحر الي في منطقة اسمها راس محمد مدتها 7 ساعات ولو تحب الغوص ممكن تشوف المرجان والاسماك سعرها يختلف من موسم لموسم بس الغالب من 130 الى 170 ريال للفرد مع وجبة انا انصحك من اول يوم توصل تدور على الافضل والارخص بس رحلات الفنادق الغالب غالية بس مرتبة جدداا
بنسبة لدبابات انا رحت تبع شركة قروب بس اخوي شاطر ركب تاكسي وقالوا وصلني لمكان الي فيه الدبابات يكون مرة ارخص- سوق القديم شعبي فيه مطاعم سمك مررة حلوة والباقي الاعضاء ماقصروا

3/كم تكلف الميزانيه اذا اخذنا بالاعتبار ان وجبتين في الفندق ؟

ماشاء الله وجبتين كويسة الميزانية لاسبوع تقربيا 2000 وممكن اقل انتي خليها الفين احطيات وشكلك عريس يعني دلع العروسة هي مافيها تسويق كثير, لو الفندق الي سكنت فيه بعيد زود الميزانية علشان اجرة التاكسي - واسال الفندق يسوي باص يوصل الناس الى مارينا مجانا من الفندق
4/ بالنسبه للنت هل يشتغل الكونكت هناك ؟
انا و زوجي حجزنا في فندق جناان اسمه جراند روتانا مر حلو وراقي وكان فيه نت بس بفلوس بعض المقاهي الي في مارينا فيها نت يعني مثلا ستار بكس
المشكلة الي واجهتها في شرم اول مرة رحتها حجزنا في فندق نسيت اسمه كلها اجانب مررة بزيادة اتاري طلع الفندق حق واحد ايطالي
ورحلة موفقة وسعيدة وان شاء الله تنبسط مع المدام

شكر ا للجميع
وان شاء الله ارجع بالسلامه واصحككم بذاك التقرير