انا من رايي تسكن في الريتز او الشيراتون
الشيراتون قديم بس مجددينه ووايد حلو ويشرح النفس
والريتز جديد وسبع نجوم ويعتبر أفضل فندق في قطر بس شوي بعيد
وكل هالفندقين يطلون على البحر
وتقريبا كل فنادق قطر تطل على البحر
الصراحه انا الجداول مب تخصصي بس باحط لك الاماكن اللي تستحق الزياره
عندك المجمعات التجاريه مثل السيتي سنتر وفيلاجيو واللاند مارك والمول وحياة بلازا
واللاند مارك انصحك تروحه الصبح
وبالنسبه للاماكن السياحيه تقدر تروح سوق واقف والمتحف الاسلامي والكورنيش وجزيرة اللؤلؤة
جزيرة اللؤلؤة جمب فندق الريتز وعباره عن جزيرة صناعيه توصل لها بالسياره وفيها اسواق ومطاعم وقهاوي
وانت تقدر ترتب لك جدول
بالنسبه لسوق واقف واللؤلؤة انصحك تروح لهم قريب المغرب او في الليل عقب مايعتدل الجو لان في االنهار بيكون الجو حار يذبح

1. يالله نقول بسم الله


2. 3 - مطعم تايم


3. واتعرف عقب ال 8 شتسوي


4. رابع يوم :


5. المتاحف :


6. 1 - متحف الفن الاسلامي

يالله نقول بسم الله

اليوم الاول : من 10 الصبح الى 4 العصر روح فيلاجيو مول : هو عباره عن افخم مول في قطر روحو اهناك تمشو وتريقو وتسوقو وفيه مدينة ملاهي تعتبر اكبر مدينة ملاهي مقطاه في في قطر تحتوي المدينة على بولينغ وسيارات فورملا والبيت المسكون وقطار الموت ولعبه تتشغلب و التزلج على الثلج ولعبة الولوب وفي العاب كثيره راح تستمتعون من 4 الى 5 روحو الشقه ارتاحو شوي 5 ونص حركو السياره وتوجهو الى جزيرة الؤلؤه : هي عباره عن جزيؤة اصطناعيه يربطها جسر فيها قهاوي ومطاعم واسواق وممشى وايد حلوه وهي تعتبر افخم واكبر مشروع في قطر ويمكن الخليج بعد اقعدو اهناك لين ماتملون وعقب روحو الشقه ارتاحو وبعدين روحو تعشوا في اي مطعه يعجبكم عندك في الفنادق مطاعم او اذا ماتبون فنادق في جمبكم ملعب تنس روحو عنده وراه في ثلاث مطاعم اختارو الي تبونه وفليل طلعو للكرنيش لانه جنبكم شربو شاي كرك وتمشوا
اذا اول يوم
1 - فيلاجيو مول من 10 الى 4
فترة راحه 4 الى 5 ونص
2 - جزيرة الؤلؤه من 5 ونص الى 7 ونص
فترة راحه من 7 ونص الى 8 ونص

3 - مطعم تايم

اليوم الثاني : من 10 الصبح الى 2 الضهر مالكم الا تروحون مول لانه هل وقت تعرفون الجو كله ثلوج وعواصف اخاف يصيدكم البرد >> العكس صحيح
ف من 10 الصبح الى 2 الضهر سيتي سنتر : هو عباره عن اضخم مول في قطر فيه كل شي سينما العاب تقدرون تتغدون اهناك وتتسوقون وتمشي اليهال شوي بس لاتلعبونهم لانه عقب باخليكم تطلعون تروحون المدينة الترفيهيه ومن الساعه 3الى 4 روح ارتاح في الشقه ومن 4ونص الى 8 روحو مدينة صيف الدوحه وايد حلوه هي عباره عن قاعه مغلغه كبيره جدا فيها اسواق ومطاعم والعاب للكبار والصغار وفيها مهرجانات وعقب ماترجعون منها روحو ارتاحو لانه اكيد تعبانين عقب اللعب وتسوق وفليل روحو اي مطعم يعجبكم
اذا اليوم الثاني
1 - من 10 الى 3 سيتي سنتر
من 3 الى 4 ونص راحه
2 - من 5 الى 8 او 8 ونص مدينة صيف قطر او صيف الدوحه
وفليل الكورنيش شربوه كرك وعقب الكرك روحو المطعم
اليوم الثالث : من 10 الصبح الى 3 روح مجمع الاند مارك تمشو شوي ولعب عيالك وفيه سينما ادخلو بس الينما مالت الاند تعتبر من اصغر سينمات في قطر
من 3 ونص الى 4 ارتاحو في الشقه
ومن الساعه 4 ونص الى الى 8 روحو سوق واقف وايد حلو هو عباره عن سوق شعبي لاكنه مطور وفيه مطاعم فخمه وقواش وايد حلو حق التمشي واهناك اذا رحتو في حمار الله يعزكم ركبو اليهال فيه راح يستانسون

واتعرف عقب ال 8 شتسوي

رابع يوم :

هل يوم راح اخليه الشباب الي وياك لانه راح اخليكم تروحون مدينة مائيه حلوه راح يفتتحونها اول يوم عيد الفطر هي عباره عن مدينة مائيه ضخمه يعني من من 3 الى ماله نهايه لين ماتشبعون روحو المدينة المائيه وقبلها من 10 الصبح لين 12 روح السيتي سنتر تريق اهناك ورتاح شوي عقب خذ اقراضك وروح المدينة المائيه
الين راح اقولك الاماكن الي انا ذكرتها فوق
+++ المولات ++ راح ارتبلك من اضخم الى اصغر
1 - سيتي سنتر : 14 سينما + مدينة العاب عاديه + بولينج
2 - فيلاجيو مول : 14 سينما + مدينة العاب وايد حلوه وكبيره + تزلج على الثلج
3 - لاندماك : 4 سينما + مدينة العاب للاطفال
3 - حياة بلازا : مدينة العب حلوه بس عيب المجمع مافيه سينما
4- ذا مول : 3 سينما + مدينة العاب صغيره للاطفال
5 - رويال بلازا : 5 سينما + مدينة العاب جدا صغيره
اماكن مفتوحه
1 - جزيرة الؤلؤه
2 - سوق واقف
3 - اكوا بارك قطر
4 - الكورنيش

المتاحف :

1 - متحف الفن الاسلامي

السكن : اذا تحب جمب مقاهي وماطعم ف انصحك بفندق رمادا على فكره فندق رمادا هم اثنين كبار جمب بعض الي على اليسار هذا جديد اما الي على اليمين هذا القديم طبعا يبين من الشكل برع بس ما اعتقد انك بتحصل لانه قريب العيد وفل فا راح ارشحلك تسكن في فندق دبليو وانت براحتك وانا رشحتلك دبليو لسبب موقعه الجغرافي المميز والمناضر الخلابه وهو يقع بين منطقة الناطحات السحاب
والحين اذا ماعجك البرنامج الي سويته قول وانا ماراح اردك

شكرا اختي النوري على سرعة الرد
بس الفنادق احس بتكون غالية انا ودي السكن يكون بحدود 600 ريال لو حصل شقق روعة فيها مسبح وموقعها حلو والا ايش رايك تحياتي

اخي the ro0ok اشكرك على برنامجك الحلو وان شاء راح اسير عليه
بس ودي بشقق حلوة تنصحني فيها
وهل الريال السعودي ماشي بقطر والا احول العملة الى الريال القطري
تحياتي

600 lمستحيل تلاقي شقق فندقيه بهل سعر تره قطر نار وخصوصا الفنادق بس بيني وبينك تستاهل لانه بلد روعه بس اضن انه فنادقها ارخص من دبي بشوي وبعضهم اغلى

شوف الماريوت اعتقد يوصل ب 600
وموقعه حلو ويطل على البحر

والله نقلا عن واحد من الربع لسه جاي من قطر يقول ساكن بشقق والله نسيت اسمها قالي ب 600 ريال وبعدها سكن بفيلا بااحد المنتجعات ب 2000 ريال
انت الان خوفتني شوي يعني كم اسعار الشقق الان وهل احجز عبر النت والا اذا جيت قطر احجز ايهم افضل
وبالنسبة لدبي سكنت في البرشا قبل 6 شهور بشقق فندقيه روعة جنب مول الامارات ب 650 ريال
واشكرك على تجاوبك السريع والله يجزاك خير

اختي النوري السويت سعره 600 والا الغرفة في الماريوت تحياتي

الحين اتصلت بالماريوت وقالوا لي ان الغرفه عندهم حاليا ب 878 ريال في الليله
واكيد في العيد بيرتفع السعر
يعني لو تبي فندق خمس نجوم في الدوحه بتضطر تدفع
وصحيح كلام صاحبك شاليهات جراند حياة الشاليه عندهم حاليا ب 2250
يعني تقريبا نفس السعر اللي عطوه لصاحبك